• Novo accidente no mar

    Desembarco de urxencia no muelle de Camariñas

    E de agradecer a rapidez e profesionalidade ca que actúan os membros de Salvamento Marítimo
    E de agradecer a rapidez e profesionalidade ca que actúan os membros de Salvamento Marítimo

    Hoxe sobre as 12 da mañán os camariñáns que estaban a pasear polo muelle vello poideron observar como o buque de Salvamento Marítimo "Altair", con base no porto de Camariñas, desembarcaba a un mariñeiro do arrastrero "Novo Saudade" o cal se dirixía ao porto de Vigo cando tráxicamente un dos seus mariñeiros se lesionaba de certa gravidade na mandíbula.

    Postos en contacto con José, o patrón de Altair, este aclarounos que recibida a chamada do Novo Saudade, dirixíronse inmediatamente ao seu encontro, tendo lugar o trasvase do mariñeiro ferido ao buque de Salvamento Marítimo nas aforas do Vilán, para despois dirixirse a marchas forzadas cara ao noso porto onde xa o estaba esperando unha ambulancia do 061 para levalo urxentemente ao complexo hospitalario "Juan Canalejo" na Coruña. En fin, o mar sempre impredecible e cheo de perigos, cóbrase outra nova víctima, se ben en este caso esperemos que todo acabe nunha lesión de certa gravidade que non pase a maiores. Pulsa na foto principal para ver outra imaxe deste lamentable suceso.

  • Un temporal en Vilan con olas xigantes

    Temporal en Faro de Cabo Vilán

    Temporal de mar e vento en Reira e Vilán
    Temporal de mar e vento en Reira e Vilán

    Todos os periódicos e televisións falan da boia de Cabo Vilán e nos non podíamos ser menos, sobre todo tendo uns videos de semejantes tombos que viñan do norte rompendo fuertemente contra a pedra da Furna dos Infernos. Ademáis nun destes videos (no primeiro video) podes ver o helicóptero de salvamento marítimo pasar polo medio do temporal case sen inmutarse. Atención ao video número dous no que se pode ver unha serie de tres tombos consecutivos arrepiantes que sobrepasan a pedra da Furna dos Infernos como si fora unha pequena laxiña.
    Pulsa na foto principal para ver os videos do temporal no Vilan.

     
  • Luto no concello pola traxedia en camelle

    As bandeiras do Concello a media asta 

    A Casa do Concello coas súas bandeiras a media asta pola traxedia de Camelle
    A Casa do Concello coas súas bandeiras a media asta pola traxedia de Camelle

    Todo o Concello de Camariñas está de luto. E como proba delo, dende hoxe á maña as bandeiras que ondean firmes na Casa do Concello foron arriadas a media asta en señal de dor polos dous mariñeiros falecidos no tráxico accidente que sesgou a vida destes valentes camelláns onte á tarde. Ademáis, os partidos políticos camariñáns suspenderon as súas primeiras pegadas de carteis debido a esta traxedia.

    Este sábado 23 de febreiro oficiaranse os enterros de Fernando Porteiro e Manuel Mouzo. Os actos funerarios celebraranse na igrexa parroquial de Camelle ás 4 da tarde aos que se espera gran afluencia de xente. Nos esperamos estar alí para, dentro do posible, apagar un pouco a infinita tristeza dos familiares e amigos de Fernando e Manuel.

  • Novo accidente de tráfico en Camariñas

    Accidente de tráfico no muelle novo

    A inexperiencia posible causa do accidente do Seat Ibiza na tarde noite deste xoves
    A inexperiencia posible causa do accidente do Seat Ibiza na tarde noite deste xoves

    Sobrecollidos como estábamos pola terrible traxedia que tinguío de luto a Vila de Camelle na tarde deste xoves, hai breves instantes, sobre as oito e media da tarde-noite, un aparatoso accidente de tráfico alertou aos veciños de Camariñas:  contra o muro do espigón do Muelle Novo acababa de empotrarse un Seat Ibiza bermello pilotado por un xoven camariñán de 18 anos co carnet de conducir recén sacado.
    Pulsa na foto para ver a noticia completa e un vÍdeo do lugar do accidente.

  • Traxico accidente dunha embarcacion de Camelle

    Dúas víctimas mortais nun terrible naufraxio en Soesto

    A traxedia caeu esta tarde sobre a vila de Camelle
    A traxedia caeu esta tarde sobre a vila de Camelle
    O mar volve a tinguir de luto a Costa da Morte. Hoxe sobre as 5 da tarde prodúxose un terrible naufraxio no Praia de Arnedo en Soesto (Laxe) ao volcar a lancha "Porteiro Taboada", con base en Camelle, onde faenaban dous veciños da citada localidade, o patrón da embarcación Fernando Porteiro Tajes, de 45 anos e Manuel Mouzo Suárez, de 60 anos. Os dous tripulantes, que estaban recollendo as nasas, caeron ao bravo mar que se picara dabondo dende esta mañá e afogaron. O corpo de Fernando Porteiro xurdío na mesma praia de Arnedo, mentras o de Manuel Mouzo foi rescatado no mar polo Juanito II, barco camellán que se deprazaou ata a zona para colaborar nas labouras de rastreo e búsqueda dos náufragos. Desde camarinas.eu sumámonos á profunda dor que se está a vivir na vila de Camelle e animamos a tódolos nosos usuarios a que nos comentarios deixen testimonio do seu profundo pesar e apoien nestes duros momentos aos familiares e amigos de Fernando e Manuel, dous nomes máis que se suman a longa lista de mariñeiros falecidos na Costa da Morte. Descansen en Paz. Nestes duros momentos nada mellor que unha impresionante oda de despedida de camarinas.eu a dous mariñeiros falecidos e os comentarios de condolencia dos usuarios da nosa web.
  • Todos coa familia Canto Carril

    Manuel Canto Carril, descanse en paz.
    Manuel Canto Carril, descanse en paz.

    Mañá xoves ás 11:30 enterro de Manuel

    Despois da desgracia acontecida onte na recta de Sara en Xaviña, está previsto que no día de hoxe mércores 30 de xaneiro o corpo de Manuel Canto Carril chegue sobre as 6 da tarde á casa da familia no Cruceiro, na parroquia de Xaviña, onde se levará a cabo o velatorio do falecido. O enterro, segundo fontes cercanas a familia, terá lugar mañá no cemiterio de Xaviña ás 11 e media do día. Dende aqui pregamos a asistencia ao enterro para acompañar a súa famillia nestes dramáticos e tráxicos momentos que están a vivir e na medida que sexa posible aliviar aínda que sexa un pouquiño a pena infinita que están sentindo.
  • Morre o coñecido constructor xaviñán Manuel Canto Carril

    Desgracia en Xaviña

    Terceira casa ao fondo foi onde hoxe morreu tráxicamente Manolo
    Terceira casa ao fondo foi onde hoxe morreu tráxicamente Manolo

    A desgracia volveu a caer na tarde deste 29 de xaneiro sobre a parroquia de Xaviña. Alí sobre as 15:30 da tarde, nos baixos dunha casa en construcción atopábase Manolo "O Valente" propietario xunto o seu irmán da coñecida empresa de construcción C.C.C., cando o camión que Manolo estaba manexando e que estaba sendo cargado de terra por unha pala mecánica empotrouse contra a citada pala ao ceder o terreo onde estaba situado o camión debido posiblemente ao peso do mesmo.

    Manuel Canto Carril era un coñecido e querido constructor xaviñán, amigo persoal do Director de camarinas.eu Diego Alonso Freire, o cal soubo desta tráxica noticia que apena a tanta xente do noso concello cando a eso das 4 da tarde se dirixía a sacar unhas fotos a Ponte do Porto: de repente víu nas dúas casas en construcción na Recta de Sara que iban a ser destinadas a vivendas da familia Canto Carril e sedes da empresa un gran operativo da Garda Civil, de Protección Civil e da Policía Local de Camariñas. Alí xa tamén se atopaba o Concelleiro xaviñán Sergio Caamaño e intres despois chegaba recén voltado da súa viaxe por Arxentina o Alcalde Pichurri. Era evidente que alí acontecera unha traxedia, e lamentablemente esto confirmouse. Manolo deixa muller e dúas fillas. En fin, tan só queda darlle o pésame a familia, consolala nestes momentos de dor, e así animamos a todos os nosos usuarios a que deixen testimonio nesta noticia do seu apoio á familia nestes tristes e tráxicos momentos. Manolo, descansa en paz.

  • Segundo temporal en 4 días

    Outro temporal asola a nosa costa

    Imaxe do porto de Camariñas de hoxe martes ás 9 da mañá
    Imaxe do porto de Camariñas de hoxe martes ás 9 da mañá

    Os multimillonarios expertos no cambio climático pagados moitas veces cos cartos de honrados contribuíntes vaticinaron un inverno seco e caluroso. Esperemos que acerten, pero o caso é que en menos de unha semana xa tivemos que sufrir dous temporales terribles.

    Falando en serio, as autoridades avisan de que se ande pola calle o menos posible e se deixen as viaxes longas para outro día xa que o peor momento do temporal está por vir. Na costa a cousa é, se cabe, aínda máis cruda e os barcos permanecen amarrados fortemente no noso seguro muelle, aínda que xa temos que lamentar unha terrible desgracia xa que un barco de Ribeira foise a pique ao norte do Cabo Prior desaparecendo alomenos 5 mariñeiros. A alerta laranxa outra vez na nosa costa.

  • Crudo temporal de inverno en Reira

    Un temporal de mar, chuvia e frío en Reira

    Cando arrecia un forte temporal, Reira aínda está máis fermosa que nunca
    Cando arrecia un forte temporal, Reira aínda está máis fermosa que nunca

    Os redactores de camarinas.eu achegáronse na tarde deste sábado 12 de xaneiro ata a nosa querida Reira coa sana e lúdica intención de sacar unhas fotos complementarias para os Camariñas Beauty atrasados, unhas fotos que farán que vos chupedes os dedos, pero o temporal que alí atopamos dificultou sobremaneira o noso propósito de inmortalizar a estas dúas deusas da beleza. Pero eso sí, asistimos ao espectáculo inigualable dun temporal de mar, chuvia e frío en Reira, posiblemente o conxunto de praias e paisaxes máis fermoso do mundo.
    Para ver a noticia enteira pulsa na foto.

  • O vandalismo continúa en Camarinas

    Vista exterior da casa da familia Pereira enfrente da Panadería Garrote
    Vista exterior da casa da familia Pereira enfrente da Panadería Garrote

    Despois de queimar papeleras, containers e casas abandonadas ¿Cal será o paso seguinte?

    Os trasnoitadores (que non chiquiteros) que estaban a tomar unhas máis que merecidas copichuelas sabáticas nos pubs da parte alta de Camariñas, na madrugada do venres poideron ver con sorpresa como o camión de bomberos, un operativo de Protección Civil de Camariñas e a mesmísima Guardia Civil se movilizaban sobre a 1:30 da mañán para combatir un lume provocado polos pirómanos habituais na antiga casa da familia Pereira situada a escasos metros do famoso e peculiar barrio camariñán das Malvinas.


    Estos actos de vandalismo gratuito son obra dun grupo de adolescentes máis ou menos por todos coñecidos. Aínda que nestes casos a familia soe ser a última en enterarse, estos pais deberían facer un esforzo para saber o que realmente fan os seus fillos no seu abundante tempo de lecer, porque polo de agora o único damnificado foi o mobiliario urbano que todos costeamos cos nosos impostos, pero onte xa se dou un salto cualitativo prendendo lume a unha casa abandonada co risco conseguinte de que o fogo se expandira a outras vivendas, polo tanto a próxima vez xa non sabemos o que acontecerá.

    Tal vez a mellor solución para toda esta estupidez provocada por un ataque de pubertad incontrolada e dunha escasísima educación sería que alguén que sabe realmente o que está a acontecer llo dixera aos pais dos implicados, para que éstes  cun pouco de "mediciña casera" puxeran en vereda aos seus retoños. O mellor sería que se arranxe esto na casa antes de que teña que arranxalo un xuiz.

    Imaxe da calcinación producida polo gran incendio provocado polos vándalos
    Imaxe da calcinación producida polo gran incendio provocado polos vándalos

  • Debido ao gran numero de accidentes

    A denominada "curva de la muerte" xa está en mans dos técnicos da COTOP

    Imaxe de arquivo dun dos accidentes na curva do Grifo
    Imaxe de arquivo dun dos accidentes na curva do Grifo

    Despois de duras investigacións por parte dos reporteiros de camarinas.eu conseguimos poñernos en contacto con responsables do Concello de Camariñas e preguntarlles polo tema dos consecutivos accidentes que se están a producir na curva do Grifo, antes da Baldomera, e agora xa denominada "Curva de la Muerte".

    Os representantes do Concello estiveron en conversacións cos responsables de mantemento deste tramo de carretera que pertence á COTOP xa hai máis de dúas semanas. Dito organismo dependente da Xunta de Galicia enviou a técnicos cualificados para tratar de detectar posibles erros e buscar solucións a tanto accidente en tan pouco tempo, un auténtico misterio insondable. O Concello, de momento e mentras os técnicos da COTOP non atopen a solución, recomenda que se circule por ese tramo de carretera que está situado en frente da casa de Chuco "O Grifo" a unha velocidade reducida de 30 km/h para evitar posibles accidentes.

  • Novo acto vandálico en Camariñas

    A nosa Taller foi queimada e axusticiada este Domingo

    Neste estado quedou taller este domingo 24 de decembro
    Neste estado quedou taller este domingo 24 de decembro

    A papeleira máis famosa de España foi asaltada este domingo a plena luz do día e queimada na calle á vista de todo o mundo que pasaba pola rúa. Despois de engalanarse para poder asistir á cea de fin de ano que celebrarán os usuarios de camarinas.eu, algúns gamberros con moita envidia, quixeron axusticiar á nosa querida Taller para que non puidera desfrutar de semellante festa que se aveciña. Aínda que a primeira impresión que tivemos ao chegar xunta o cadáver de Taller foi que se queimara "a lo bonzo", suicidándose por algún dos sus típicos desenganos amorosos...

    Deixándonos de bromas, esto xa non ten xeito. Os tolos que están a queimar os containers e as papeleiras que están ao lado mesmo das casas deberían de estar na cadea antes de que ocorra algo moito máis grave, porque non pode ser que se poña en perigo a vida da xente honrada e traballadora de forma tan grave e irresponsable, e que non pase absolutamente nada, sin que ninguén mova nin un dedo para evitar que ocorra unha desgracia maior. Por agora tivemos moita sorte de que estes pirómanos non provocaran unha traxedia e non teñamos que lamentar un incendio de algunha casa colindante, pero todo se andará... Como decíamos anteriormente esto xa non ten xeito. Vai sendo hora de que camarinas.eu volva a coller nunha man a pluma e na outra a espada...

    Pero según os últimos rumores pode ser que algún móbil oculto grabara todo o acontecido, imaxes que quedarán na recámara por se volve a pasar outro acto de vandalismo semellante. Imaxes que serán enviadas ás dependencias da autoridade civil pertinente coas caras dos culpables do ultraxe a Taller. Por esta vez deixarémolo pasar, pero se volve a ocurrir outra queima de mobiliario público a memoria de Taller exixirá xustiza...e vinganza. Que quede claro.

  • Vandalismo en Camariñas

    Contenedores queimados enfrente ao Bar José Manuel
    Contenedores queimados enfrente ao Bar José Manuel

    Unha nova moda: Queimar contenedores

    Xa fai uns meses que se está a poñer de moda entre algunha xente (non sabemos moi ben quen) queimar contenedores do lixo, sobre todo, os sábados á noite. Este sábado 15 de decembro uns cantos cidadáns exemplares quixeron queimar o gesto que había nos contenedores que están diante do Bar José Manuel antes de que os operarios da recollida do lixo os levaran á canteira. Bromas aparte, ao parecer, estase a poñer moi de moda entre varios xóvenes alocados queimar contenedores cando salen os sábados. Sen dúbida que estes actos vandálicos non son comúns entre a xuventude sana de Camariñas pero xa se sabe que, ás veces, pagan xustos por pecadores.

  • Xa van máis de 7 no mesmo sitio

    Outro accidente máis na Area da Vila

    Desta vez tocoulle a desgracia a un rapaz de Fisterra que saía de Camariñas pola fatídica curva do Grifo. Según nos contou este rapaz o seu coche empezou a dar bandazos coma se houbera aceite na calzada, ata que saltou polo terraplen do paseo marítimo e fui empotrarse contra un banco de madeira.

    Desde logo que esta xeira de accidentes no mesmo lugar está a ser noticia cada día con outro novo sinistro. Desde camarinas.eu queremos recalcar que esta zona está en obras e que se debe pasar con moita precaución por ela, pero tampouco estarían de máis unhas cantas señais máis...ao parecer a xente non as ve ben. Pulsa na en ler máis para ver outra foto do sinistro.
  • Accidente na curva do Grifo

    Outro accidente no mesmo lugar en un día

    Ao lugar desprazouse unha patrulla de Atestados e Protección Civil
    Ao lugar desprazouse unha patrulla de Atestados e Protección Civil

    Non sabemos a que se debe exactamente a serie de accidentes que se produciron hoxe no mesmo sitio, pero de seguro que o débil orballo que estaba a caer e a fina aréa que están a producir ás obras de alcantarillado novo teñen algo que ver.

    Ata o lugar dos sinistros desprazouse unha patrulla de Atestados da Garda Civil para cubrir o parte xa que así o quixo o conductor do último dos accidentes. A pesar de todo, hai que ter moita precaución ao conducir por este lugar debido ao seu xa fatídico porcentaxe de sinistros. Ademáis, se sumamos á esta porcentaxe o estado en obras da carretera e os orballos que impregnan o asfalto dunha fina película resbaladiza danos como resultado esta larga lista de accidentes.
  • Accidente na entrada da Ponte do Porto

    Un coche do concello atropela a un xabarín

     

    Neste estado quedou o coche do noso querido amigo Manolo O Panadeiro
    Neste estado quedou o coche do noso querido amigo Manolo O Panadeiro

     

     

    O fontaneiro do Concello Manolo "O Panadeiro" dirixíase hacia á Ponte do Porto para comprobar o estado do depósito municipal de auga potable cando un porco bravo saeulle ao paso antes de chegar aos Colexios da Ponte, sen que o fontaneiro camariñán poidera esquivalo. O animal, gravemente ferido, andou arrastrándose uns metros pola cuneta ata que se desvaneceu a pouca distancia do suceso. O xabarín foi recollido por un grupo de cazadores que se acercaron ao lugar do atropelo. Ao parecer o animal era dun gran tamaño e segundo os alí presentes "pesaba uns 100 kilos". Non nos extraña, á vista está o estado no cal quedou o Patrol do Concello.



  • Camarinas Seculo 21

    Denuncia da situación dunha cañería na Agra de Abaixo

    Os veciños da parte sur da Avenida Juan Carlos 1º situada na zona da Agra de Abaixo levan queixandose varias veces ante camarinas.eu do fedor e cheiro provocado por unha cañería que desauga nunha gavia aberta, ao aire libre e ao lado mismo das casas. Estes veciños poden ver circular as heces dos seus concidadáns a calqueira hora do día, e os ratos están a adueñarse desta transitada calle de Camariñas. No video podedes apreciar o estado no que Diego Alonso atopou esta gavia, o que non si non podedes comprovar é o cheiro impresionante que sae deste urinario a ceo aberto.

  • Electra del Jallas arranxa o poste de luz

    Operarios de Xallas arranxaron o que era un auténtico despropósito
    Operarios de Xallas arranxaron o que era un auténtico despropósito

    As milagres de camarinas.eu

    Visto e non visto. Había un problema, xa está arranxado. Na mañá de hoxe, cun mes de tardanza, operarios de Electra del Jallas procederon á reparación do poste eléctrico contra o que tráxicamente impactara o coche que conducía Divanir Sambade o 21 de outubro. Tan só 15 horas despois de que camarinas.eu se fixera eco do malestar de moitos dos seus usuarios sobre o que era unha cruel neglixencia, e publicara a noticia sobre a broma macabra e o perigo que o poste maldito constituía, operarios de Electra del Jallas  procederon a arranxar o citado poste, como avisaba case que en directo hoxe pola mañá o noso fiel usuario Manolo, de Xaviña. E é que os usuarios de camarinas.eu xa saben que para denunciar un grave despropósito ou unha flagrante inxustiza hai que acudir a un medio de comunicación de verdade, a un medio que teña unha gran capacidade de difusión, porque de outra forma as súas queixas ninguén as lee, e éstas caen no vacío. Pero por outro lado, tamén pode ser que todo fora unha casualidade...¿ou non?

  • Un mes despois do accidente de Divanir o poste sigue como recordo

    Un mes despois nadie lle meteu man ao poste de luz
    Un mes despois nadie lle meteu man ao poste de luz contra o que faleceu Divanir

    ¡Que alguén borre esta ferida xa!

    O 21 de Outubro deste ano, o xoven Divanir Sambade atopou tráxicamente a morte batendo co seu coche contra un poste de luz no final da baixada da Piosa. Un mes despois o maldito poste segue alí tumbado recordándonos a todos o fatal desenlace.Non sabemos quen é o responsable, se o concello, se Electra del Jallas, se Fenosa, non o sabemos. Nin nos importa. Pero por Deus, que alguén lle evite a esta familia a tortura de ter que ver tódolos días o poste maldito contra o que morreu Divanir. Multiples usuarios de Xaviña dirixíronse nas últimas datas a esta redacción clamando contra este despropósito. Ademáis do sufrimento psicolóxico para a familia hai que sinalar que a farola a pesar de estar derrumbada segue alumeando co conseguinte perigo de que haxa cables soltos. Ademáis de ser un perigo para a circulación. O dito, que alguén, quen sexa, arranxe esto xa.



  • Misa de Agonia por Divanir

    Imaxe do enterro do xoven Xaviñán
    Imaxe do enterro do xoven Xaviñán

    Hoxe ás 18:45 celebrarase a "Misa de Agonía" por Divanir Sambade Româo

    A familia de Divanir Sambade por medio dun comunicado que nos manda Laura Sambade quere agradecervos a todos vós, os usuarios de camarinas.eu, as mostras de apoio e cariño amosadas durante esta tráxica e dura semana para a familia do xoven xaviñán. Ademáis de agradecer este apoio anunciannos que mañá as 7 menos cuarto da tarde haberá unha Misa de Agonía na memoria de Divanir que todos tanto recordamos. Seguro que Don Mario saberá calmar un pouco si cabe toda esa dor que a perda de este bo rapaz causou nos seus achegados. Desde camarinas.eu facemos un chamamento a todos os nosos lectores para que acudan a apoiar e estar coa familia nestes durísimos momentos que están a atravesar.