• Holocausto cachalotil na Costa de Camariñas

    Quen sabe si atraídos polo hedor nauseabundo dos seus conxéneres en terra, nestos días un auténtico holocausto de cachalotes en descomposición inunda as costas de Camariñas. En Trece, en Portocelo, en Reira, no Castelete, etc... xurden putrefactos dos fondos marinos sin solución de continuidade acorde ca situación que viven os seus compañeiros humanos. Situación ésta que está dando lugar a un fenómeno curioso: alá onde aparece un destas infortunadas (e tan denostadas debido aos lamentables comportamentos dos seus semellantes terrestres) bestas tirada contra as pedras, ahí mesmo os lectores de Camarinas.eu ipso facto nos fan chegar fotos, wassaps ou mensaxes indicando o punto exacto de putrefacción dun novo cadáver. "¡Cachaloteee vaaa...!", no medio das carcaxadas, risas e pitorreos máis cachondos do electorado de Camarinas.eu, que vaian a saber vostedes por que curiosas coincidencias asocian ao momento cachalotes ca redacción do xigante xornalístico da Costa Atlántica.
  • Temporal de mar na Costa de Camariñas - Xaneiro 2014

    Por un lado estaba aquelo que soían repetir ano tras ano os nosos queridos parroquianos de que xa non había invernos como os de antes, que aquelo sí que eran temporais. Pois ben este recurrente mantra, reiterado xeración tras xeración dende que o mundo é mundo, derrumbouse con estrépito ca sucesión de temporais que recén comenzado o inverno 2013-2014 incendiou templos, electrificou casas, desbordou regatos, inundou atrios eclesiásticos, derrubou paseos marítimos, agrietou portos (Santa Mariña) e paseou polos muelles como pedro-por-su-casa, tirou con faros ao mar e tumbou embarcacións por ducias. Todo elo envolto nunhas temperaturas xélidas. Pola outra banda das frases manidas, Leopoldo Alas "Clarín", contaba que de xeito ineludible e inmisericorde, para os tertulianos do Casino de Vetusta cada inverno era sempre o máis frío que eles lembraban, menos un, obxecto de veneración solemne e lexendaria. Cal fose en concreto o tan mencionado inverno, eso era o de menos, o importante era a súa existencia misteriosa. Dous tópicos, dous lugares comúns, cada un no seu extremo, que foron barridos de xeito definitivo polo inverno máis duro que se poida acreditar con datos, signos e desgracias, aquel que comenzaba o súa xeira de destrucción un 21 de decembro de 2013 e que rematará (esperemos) alá por marzo do 2014.
  • Dona Balbina Ozón Suárez, Descanse en Paz

    Dona Balbina Ozón Suárez, Descanse en Paz
    Na madrugada deste desapacible domingo 5 de xaneiro de 2013 deixaba este mundo a querida veciña de Camariñas Dona Balbina Ozón Suárez aos 91 anos de idade despois dunha longa loita contra unha enfermidade que ao final levouse por diante a vida desta exemplar muller camariñana. O corpo sen vida de Dona Balbina está sendo velado no Tanatorio Municipal Irmáns Fernández Espín de Camariñas dende onde sairá este luns 6 de xaneiro ás 16:30 horas para ser soterrada no cemiterio da Vila das Palilleiras. Dende Camarinas.eu queremos expresar o noso máis sentido pésame a toda a familia e amigos de Dona Balbina e acompañalos nestes duros momentos que están a vivir. Dona Balbina, Descanse en Paz.
  • O Faro de Camelle destruido por un forte golpe de mar

    Continúan a acontecer sucesos dramáticos na vila norteña do concello e esta mañá amanecía ferido o porto de Camelle por mor do máis letal dos temporales que asolou esta noite a todo o Concello de Camariñas. A sinal marítima que daba remate ao impoñente dique do porto camellán desapareceu de súpeto debido a unha baga de fortísmos golpes de mar que borraron do mapa para sempre ao coqueto fariño que iluminaba a punta do muelle máis septentrional do noso concello. Acontecía este suceso na noite máis desapacible dun ano 2014 que, pese a ser anunciado como o ano da recuperación económica, por estos lares está a causar máis estragos que gran parte do ano anterior e en tan só unha noite rexistráronse máis incidentes en toda a costa que en todos os archianunciados temporais e cicloxénesis anteriores. Polo momento, no que respecta a Camelle, tan só pudemos certificar a desaparición da señal marítima do seu porto debido a este forte temporal aínda que sí houbo outras incidencias menores que non pasaron a máis. Esta tarde un operativo informativo de Camarinas.eu trasladarase ata Camelle onde tetará realizar unha reportaxe máis exhaustiva do acontecido.
  • Criadeiro de Ameixa: Alerta Máxima

    Criadeiro de Ameixa de Camariñas: Alerta Máxima
    Como as capas dunha cebola, o tellado do ex-criadeiro de ameixa de Camariñas vai pelando as súas planchas de uralita de xeito metódico e recurrente ata o punto que pode decirse que pasear estes caóticos días de temporal polas inmediacións do Muelle Novo equivale a un aventurerismo certamente temerario. Se o pasado 27 de decembro Camarinas.eu alertaba acerca de como o extinto temporal Dirk se levaba unha das uralitas do seu teito, novas planchas voltaron saír desgaxadas polos aires: os novos temporais que o sucederon continuaron acometendo unha infatigable labor de zapa deste vestixio arqueolóxico camariñán deixado da man de Deus, abandoado á súa sorte pola Xunta de Galicia, de xeito que en calqueira momento, ao albur dunha racha furtiva de vento, unha plancha voadora, alfombra de Aladino mortal, pode causar unha seria desgracia en calqueira veciño da Vila das Palilleiras. É por elo que dende esta redacción damos por segunda vez a voz de alarma sobre o lamentable estado desta decrépita ruina abandoada e pregamos precaución aos nosos para evitar ter que lamentar posibles desgracias persoais. Nesto, como en todo, cómpre salientar o manto de silencio que cobixa as irresponsabilidades e deixacións de administracións públicas de gran calado e que, sorpesivamente coexiste cunha estruendosa vociferación fanática e radical que rodea calqueira suposta actuación/omisión municipal. Como si o perigo, as posibles desgracias, fosen distintas dependendo da súa pertencia a un bando ou outro.
  • Rescatados dous turistas cataláns en Camelle

    Momento no que os turistas cataláns eran rescatados pola chalana de Maximino

    Sobresaltado fin de ano na cara septentrional do Concello de Camariñas. Eran sobre as dúas da tarde deste pasado 31 de decembro de 2013 cando dous turistas procedentes da provincia aínda española de Tarragona se adentraban andando ata a punta do muelle de Camelle. Os incautos exploradores, sen decatarse do perigo que corrían debido as fortes marexadas con ondas de varios metros de altura que imperan na Costa da Morte estas semanas, foron sorprendidos por un forte golpe de mar que os arrastrou auga adentro quedando a mercede das correntes. Nesta situación límite, foi providencial a presencia ca súa chalana do noso amigo Maximino de Camelle que, raudo, percatouse do suceso e trasladouse ata o lugar dos feitos onde rescatou aos dous turistas que se atopaban a dous pasos mesmos de morte. Ata o lugar do suceso trasladouse pouco despois unha dotación de Protección Civil de Camariñas así como unha patrulla da Garda Civil que se fixeron cargo dos incautos aventureiros cataláns. Cando un, sexan sinxelas persoas anónimas ou pobos enteiros, se aventura de xeito irracional e irreflexivo por camiños descoñecidos, esto é o que soe pasar.
  • Don Electo e Dona Josefa, matrimonio de Xaviña, Descansen en Paz

    Novo drama inconsolable en Xaviña nas sinaladas datas de Nadal. A dous días de rematar o ano 2013 a parroquia máis extensa do noso concello víase sacudida cunha nova traxedia que deixou anonadados e sumidos nunha fonda tristeza a todos sos seus veciños. Os feitos desecadeánbanse un tras outro este domingo 29 de decembro cando Don Electo Matínez Carril falecía aos 90 anos de idade no Hospital Virxe da Xunqueira de Cee ca fatal consecuencia de que tan só tres horas despois no seu fogar da Paxariña acompañábao en tal fatal trance a súa Dona Josefa Cutrín Rodríguez, tras unha longa e penosa enfermedade que a obrigou a pasar encamada este derradeiro ano da súa vida. Deixa este entrañable matrimonio xaviñán que compartío non só toda unha vida senón tamén o momento inevitable da morte catro fillos varóns, aos cales e ás súas familias a redacción de Camarinas.eu lles fai chegar o seu máis sinceiro pésame por esta nova desgracia que aflixe a todo un Concello. Os restos mortais deste entrañable matrimonio xaviñán están sendo velados no Tanatorio San Vicente de Vimianzo e o enterro está programado para as 17:30 horas deste luns 30 de decembro de 2013 na Igrexa Parroquial de Xaviña. Que Deus os acolla, así xuntos, na súa Bendita Gloria. Descansen En Paz.
  • O temporal Dirk destartala o ex-criadeiro de ameixas de Camariñas

     O temporal Dirk no ex-criadeiro de ameixas de Camariñas
    Dirk, Dirk Diggler, dotado dunha potencia descomunal, utilizando toda a súa desmesurada extensión e nunha das súas clásicas embestidas furiosas, na noite do 25 de decembro tamén se levou por diante outra das ruinas arqueolóxicas da Vila de Camariñas. Era este o marchito e decrépito criadeiro de ameixa que está criando malvas dende o día aciago de un deses anos negros de ahí atrás en que pasou a mellor vida e deixou a uns cantos no paro. Éstes seguramente non entraran a ocupar o posto precisamente a través o que se di unha durísima oposición e non deixaban de cobrar os seus soldos a través dos impostos que vostedes máis eu pagamos, así que tampouco é que a medida fose demasiado desencamiñada, que se diga. Sen embargo o que xa non se ve tan normal constitúeo o feito de que se deixe ao albur dos elementos todo un mausoleo á maior gloria da reproducción dos bivalvos en plena zona cero de calquer temporal de Deus que che entre por ahí abaixo. E si éste está tan ben dotado como o noso xoguetón Dirk, Dirk Diggler, pois xa me dirán vostedes. Así foi normal que na noite de autos parte do teito de uralita do criadeiro voase polos aires e o resto da estructura quedase en tan precario estado que un destes días ("One of these days", que diría Pink Floyd) voe tamén polos aires e igual se estampe contra a cocorota enaxenada dun cachalote unido que por alí ande paseando desesperado preguntándose por que ninguén lles fai caso, por que dan pena, por que son tan paupérrimos, e o volva unha persoa normal. E así calqueira destes pobres palurdos dementes deixaría de pensar aquelo de "Soy un estrella. Soy una gran estrella. Una brillante y cegadora estrella". E verían a triste e cruda realidade ("Ugly Truth", que diría Soundgarden).
  • Ataque Eléctrico despiadado sobre Arou

    Tal vez todo remita a unha loita encarnizada entre antigas deidades, e un vingativo Thor, o Deus escandinavo do Trono, quixese gañarlle a partida ao Deus dos cristianos na súa data máis sinalada. Elo podería explicar como unha chuvia de raios se abatío sen compasión sobre o occidente atlántico galego, antiga terra cristiana, nos sagrados días da Natividade do Señor. Devastando templos, azotando casas, partindo en canal árbores. A pegada máis ameazante deste desencadeado ataque nórdico a vivíamos no noso concello máis ou menos ás mesmas horas nas que un raio fatal convertía en cinzas un dos máis refulxentes centros de peregrinación do catolicismo. Eran sobre ás 6:30 do mércores 25 cando un raio acertaba en cheo sobre a vivenda situada no número 32 da Rúa dos Páxaros de Arou, non lonxe do porto da localidade. Acabou con toda a instalación eléctrica da casa, fixo saltar a varios metros os térmicos dos cuadros, e deixou fóra de combate todos os electrodomésticos do fogar, a caldeira incluida. No exterior, aparte da antena que quedou calcinada, a bola de lume celeste tirou con parte da cornisa, co canalón e incluso abrío un burato na carretera. Na súa febre homicida, os danos colaterais extendéronse á luna dun coche estacionado en frente da vivenda, a cal quedou esnaquizada en diminutos fragmentos vidriosos.
  • Incendio devastador no Santuario da Barca

    Día triste, calamitoso, para a vila de Muxía, para a Ría de Camariñas e por extensión para toda a Costa da Morte. O derradeiro zarpazo do Temporal Dirk resultou ser o máis brutal e así este Día de Nadal de 2013 amanecía co Santuario da Virxe da Barca devorado por un lume devastador. As imaxes que comenzaban a filtrarse polos distintos medios de comunicación non podían ser máis impactantes, as dun teito convertido en xigantesca pira incendiaria. Pouco despois chegaba o mazazo final: tan só unhas poucas imaxes se salvaban dun incendio que reducira o retablo principal do século XVIII a puras cinzas. Incluso a propia imaxe da Virxe. As causas en principio apuntan a un raio que podería haber impactado contra un transformador cercano ao templo cas desastrosas consecuencias anteditas. Membros de Protección Civil de toda a comarca trasladáronse de inmediato ata a Punta da Barca, pero pouco podían facer para remediar o que constitúe unha hecatombe (cultural, arquitectónica, histórica, relixiosa) a engadir á memoria negra da Costa da Morte. O rastro do lume era claramente visible na mañán de autos dende outras ruinas, as do Castelo do Soberano, onde veciños da Vila das Palilleiras non podían evitar un profundo sentimento de dor, de inmensa pena, e de solidaridade e cariño cos seus irmáns do outro carón da Ría. Exactamente esa sensación de conmoción, de rabia, de afecto cos muxiáns, eran os que animaban á redacción de Camarinas.eu. Mércores 25 de Decembro de 2013, o día que a Barca ardío polos catro costados. Os camiños do Señor, son inescrutables.
  • Destrozos a causa do temporal Dirk na Ponte do Porto

    A forza desatada dos elementos abatíose sobre Galicia nas vísperas do Nadal. Vendavaladas salvaxes convertidas por veces en tifóns asiáticos deixaron un regueiro de destrozos nas Rías Baixas, onde en vilas mariñeiras como O Grove, causaron cortes intermitentes de luz nos fogares e definitivos no alumeado público, sumindo á vila meca na escuridade. Asemesmo un terrible temporal pero de xente desatouse no interior dos diferentes centros comerciais da cidade de Coruña, e unha avalancha humana asaltou os estantes das tendas e provocou unha chuvia dourada nunca antes vista de moedas, billetes e tarxetas de crédito por metro cuadrado sobre as asoladas caixas rexistradoras, levando aos presentes de tan estrano fenómeno a preguntarse seriamente acerca da existencia desto da crise económica e acerca dunha enésima esaxeración sensacionalista dos medios de comunicación. E en esto, como en todo, non podía permanecer alleo o Concello de Camariñas. Onde se notaron en especial os seus efectos foi na Ponte do Porto. Alí o temporal (climatolóxico neste caso) chegou a derrubar unha árbore e a romper cun cable do téndido eléctrico do alumeado público municipal. Foi por elo, que sobrepoñéndose a enorme dor que lle causou a desaparición do seu pai, andaba xa na mañán deste martes 24 de decembro Manolo Canosa mans á obra para repoñer os desperfectos. Foi o maior rastro dunha noite terrible que tamén trouxo consigo a caída de tellas (ningunha sobre cabezas humanas, que se saiba) e tirada dos sempre sufridos contenedores municipais, víctimas propiciatorias habituais da furia humana e da climatolóxica. Incluso nos días emblemáticos do Nadal.
  • Manolo Canosa Rodríguez, 77 anos, Descanse en Paz

    Lamentablemente, o de hoxe resultou ser un dos máis tristes días na súa vida para un amigo entrañable da redacción de Camarinas.eu. Apurábamos o tempo de desconto deste nefasto ano do Noso Señor do 2013, cando cara ás 14:00 horas do venres 20 de decembro na súa casa de Xaviña, en plena comida, falecía dun infarto repentino e traicioneiro o Señor Manuel Canosa Rodríguez, pai do noso gran e apreciado amigo Manolo Canosa, o gran home eléctrico xaviñán. Drama inxusto ás portas mesmas do Nadal que sume nunha profunda e inconsolable dor aos dous fllos que deixa Don Manuel, Manolo e a súa irmá Flora María, así como o resto da familia. Setente sete anos contemplaban a este xaviñán que falecía no día de autos. A data do funeral de corpo presente terá lugar na Igrexa Parroquial de Xaviña ás 16:30 deste sábado 21 de decembro, tendo lugar o velatorio na súa casa familiar. Con todo, non deixan de ser cuestións secundarias éstas: cando un da a vida e unha educación a unha persoa como Manolo o Electricista, o mellor na súa profesión, persoa traballadora, honrada, seria, cando un deixa ese legado, un pode morrer tranquilo e cun certo orgullo. Vaia dende Camarinas.eu o noso máximo pésame a familiares e amigos. Don Manuel Canosa Rodríguez, Descanse En Paz e que Deus o Noso Señor o teña na súa bendita Gloria.
  • Roberto Castro Tajes, Descanse en Paz

    O drama incesante da morte voltou aflixir ao vecindario de Brañas Verdes na mañán deste sábado 30 de novembro de 2013. Outro dos membros máis sinalados da súa comunidade íase deste mundo por mor dun cancro. Don Roberto Castro Tajes aos 59 anos de idade falecía no hospital antigamente chamado Juan Canalejo na mañán de autos despois dunha tenaz, longa e finalmente fatal loita contra o cancro, o gran mal do noso tempo. Persoa moi querida en Brañas Verdes, vecindario ao que decidío representar dentro das listas do PSOE durante as derradeiras eleccións municipais de 2011, deixa Roberto unha esposa, Remedios, e dous fillos, Adrián e Tania, todos eles seriamente aflixidos polo drama que supón que unha persoa relativamente xoven se vexa obrigada a abandoar este mundo. Unha tristeza á que se suma esta redacción enviando á familia o noso máis sinceiro pésame e un afectuoso abrazo por este novo deceso que aflixe ao noso concello. O velorio está tendo lugar no Tanatorio Costa de Vimianzo de onde cara ás 16:00 horas deste luns 2 de decembro sairán os seus restos mortais cara a Igrexa Parroquial de Santa María de Xaviña onde media hora despois terá lugar o funeral de corpo presente. Roberto Castro Tajes, Descansa En Paz e que Deus che teña na súa infinita Gloria.
  • Avistada unha manada de lobos en Xaviña

    Un trampeiro canadiense que sobrevivía en plan Jeremiah Johnson no medio da natureza máis extrema constataba sen o máis mínimo asomo de dúbida no film de 2004 "El Último Cazador" que eso de que os lobos atacaban aos seres humanos só eran inventos de escritores. Non o sabemos. Tal vez eso ocurra alí entre leñadores, saltando de tronco en tronco mentras flotan cauce abaixo polos grandes ríos da Columbia Británica, a secuoia xigante, o alerce, o abeto, o gran pino silvestre, co olor da madeira recén cortada, co cruxido das árbores xigantes, ca rapaza preferida sempre ao lado, traballando polo o día e durmindo pola noite e ca Policía Montada cantando, de vez en cando, a coro sobre leñadores travestidos. En todo caso a opinión dun eremita que sobrevive illado nunha escuálida cabana de madeira con neve ata o pescozo durante seis meses ao ano, sen máis compañía ca dos huskies siberianos, debería ter o seu peso. E sin embargo todo esto debía descoñecelo o veciño de Xaviña que arranxaba os seus asuntos este venres 29 de novembro de 2013 nun monte próximo a Brañas Verdes cando avistou toda unha manada de lobos en impoñente acción canina.
  • Noite de vandalismo extremo contra a Rúa Calvario

    A bandarriazos contra as aceras da Rúa Calvario

    Unha obra ferozmente vituperada, salvaxemente insultada, dende o órgano de propaganda dos Cachalotes Unidos (Partido da Unión e Forza no CU) aparecía brutalmente destrozada na mañán deste venres 22 de novembro de 2013. As chamadas ao odio desta vez surtían efecto e tan só dous días despois do nostálxico aniversario do falecemento do Xeneral Franco, convintemente recargado o caudal de odio dalgunhas mentes exaltadas, algún ou algúns descoñecidos emprendían durante esta madrugada a destrucción perfectamente planificada e milimétricamente executada das obras da Rúa Calvario, obra como ben é sabido estaba a desenvolver neste antigo rueiro camariñán a empresa camellana, adxudicataria frecuente do concello, Jose Angel Pose Romar.  Ao igual que aquelas radios de Ruanda que chamaban á matanza dos tutsis, ou a propaganda continuada de Joseph Goebbels contra os xudíos, viña sendo esta obra obxecto das máis soeces e brutais invectivas do medio predilecto de comunicación da extrema dereita camariñana, e así, unha vez exaltados convintemente os ánimos, perpetrouse na madrugada de autos o peor acto de vandalismo dos últimos tempos en Camariñas.
  • Accidente de circulación na carretera Ponte do Porto - Camelle

    Cáseque no mesmo punto no que non hai tanto tíñamos que lamentar unha víctima mortal, voltou a haber un accidente. Ocurría esta mesma tarde, sobre ás 15:30 horas, cando na carretera que une as vilas de Ponte do Porto e Camelle un utilitario de marca Renault por causas en principio descoñecidas pero que fácilmente poderían reconducirse a un exceso de velocidade saíase da calzada e embestía violentamente contra a masa forestal que acompaña o camiño ata a poboación que perpetuou Manfred Gnadinguer. Por fortuna non houbo que lamentar danos personais e a conductora do vehículo saía polo seu propio pe do mesmo sen maiores consecuencias que un forte susto e un coche seriamente danado. Ao momento facían acto de presencia no lugar dúas motocicletas da Guardia Civil e a omnipresente patrulla de Protección Civil de Camariñas, sempre prestos a botar unha man cando a situación así o require. Tamén estaba alí o medio de comunicación que fixo do rastreamento intensivo e incansable do seu concello unha obriga moral para levar ata o derradeiro recuncho do mundo no que se atope un camariñán noticias frescas da súa terra. Desta volta e gracias a Deus, non houbo que lamentar as consecuencias.
  • Atraco nunha xoiería da Ponte do Porto

    A Xoiería da Ponte que foi víctima dun atraco este xoves 7 de novembro

    Un atraco un tanto esperpéntico, parecido a aquel de "Bananas", a película de Woody Allen, tivo lugar na Ponte do Porto este pasado xoves 7 de novembro. En principio, os atracadores non utilizaron unha pistola feita de xabón como a do mencionado film pero pouco lle faltou. En fin, eran sobre as 19:00 horas cando segundo unha testemuña presencial á que tivo acceso Camarinas.eu se desencadeaban os feitos: dous encapuchados, un deles cun armado cun coitelo de cociña de grandes proporcións, irrumpían violentamente na Joyería Faro, ca intención de arramblar cun sustancioso botín. Unha vez posto en coñecemento da dona do local as súas intencións siniestras, ésta non se deixou amilanar por esta desvergonzada actitude e decidío facer frente aos malhechores lanzándolles á cabeza pesadas fontes de cristalería e avisando a súa nai, a cal ipso facto saía correndo pola porta da casa contigua dando grandes voces polas que solicitaba axuda, ante o cal os facinerosos viñéronse literalmente abaixo. Tal foi o desbaraxuste que ata olvidaron o motivo que os levara ata este honrado negocio porteño e, pies para que os quiero, fuxiron por patas ata a porta onde un vehículo SEAT os estaba esperando para partir cara un destino incerto tan baleiros como chegaran. Posteriormente saltou un rumor que falaba de que o automóvil usado para perpetrar o delito aparecera abandoado en Pasarela, o cal de ser certo aumentaría a envergadura do despropósito xa deste xeito o que pasaba a ser o único botín real da tarde de autos era abandoado á súa sorte. Pois ben: era certo. Nestes tempos de salteadores, de foraxidos, de malhechores altamente sofisticados, dotados dun pulso firme e un corazón frío, maquiavélicos artesáns do crime, constituío unha sorpresa un tanto inesperada voltar por un día a aquelas esceas olvidadas de españoladas como "Atraco a las Tres", do desaparecido José Luis López Vázquez ou "Todos al Suelo", de Pajares e Esteso, ou incluso aquela "Bananas" do primeiro Woody Allen. Mellor que sexa así.
  • Temporal de mar na costa de Camelle

    O mar saltou por enriba do dique de abrigo de Camelle debido ao temporal

    A imaxe desta semana, que preludia o que está por vir (un longo e cansino inverno de temporais, marexadas, frotas amarradas e tardes na casa, ou bueno, no bar tamén) foi captada este pasado luns 28 de outubro en Camelle. Unha estampa polo demáis típica do porto camellán: as olas sobrevoando o seu dique abrigo. Con todo poido ser peor xa que existía unha previsión de fortísima marexada con ondas de ata sete metros que finalmente quedaron no clásico mar de fondo camellán, capaz de remontar sen maiores inconvintes todo un flamante espigón novo, e que trouxo consigo cantidades industriais de algazo Da necesidade os camelláns fixeron virtude e así un importante remanente do mellor fertilizante mariño repousa fecundo sobre as terras máis septentrionais do noso concello. Este ano a colleita prevese abundante en Camelle, parroquia na que terra e auga conxugan os seus esforzos para incluso nas peores circunstancias deparar sempre algo grandioso.
  • Dona Avelina García Ozón, Descanse En Paz

    Dona Avelina deixou este mundo na madrugada deste domingo 27 de outubro de 2013

    Este domingo 27 de outubro de 2013 un recuncho da coqueta Praza de Colón de Camariñas está de loito. Alí foi onde vivío e criou aos seus tres fillos (Paco, Pedro e Corales) ao longo de prácticamente toda unha vida unha das máis senlleiras veciñas da Vila dos Encaixes que vía como aos 92 anos a súa existencia chegaba ao seu fin: Dona Avelina García Ozón. Todo comenzaba sobor das 11:30 da noite deste pasado sábado cando na súa actual residencia no edificio do Casino a Señora Avelina comenzou a sentir un intenso malestar, trasladada de urxencia ata o Hospital Virxe da Xunqueira de Cee cara ás seis da madrugada chegaba o fatal desenlace. Todos aqueles que queiran acompañar á súa familia nestes duros intres poderán facelo acudindo a velar o seu corpo no Tanatorio San Vicente de Vimianzo estando a estas horas o momento do enterro aínda por determinar. Triste xornada de domingo en Camariñas que ve como unha das súas máis antigas e queridas veciñas se nos ía no derredeiro fin de semana de outubro. Camarinas.eu mostra os seus máis sinceiros respetos e o seu pésame máis dolorido aos fillos e netos de Sra. Avelina. Descanse En Paz e que Deus a teña na súa Gloria.
  • O día máis chuvioso do ano en Camariñas

    Ata 86 litros por metro cuadrado caeron este luns 22 de outubro en Camariñas

    O diluvio bíblico abatíose dunha tacada sobre Camariñas e incidentes de todo tipo asolaron o concello dunha punta a outra. Así asistimos á reedición dun clásico, un recurrente remake que asulagou a rotonda do Paseo Marítimo, en pleno distrito mariñeiro do Campo, por enésima vez, desta volta acrecentado pola súa coincidencia ca pleamar; na Ponte do Porto a forza desatada dos elementos requerío a entrada en escea dunha pala mecánica ca que efectuar un urxnte movemento de terras que impedira na zona do Polígono porteño un deslizamento que invadira a carretera e obstaculizase a circulación; cara á zona septentrional de Camelle houbo garaxes inundados e na Area da Vila o lavadero do río colapsouse polas augas. Todo elo provocado por un temporal inxente de auga e vento, unha terrorífica surada, que chegou acadar parámetros de 86 litros por metro cuadrado en Camariñas este furacanado luns 21 de outubro de 2013. O día máis chuvioso dun ano pródigo en chuvias.