1 1 1 1 1 Rating 0.00 (0 Votes)
Se a pasada semana foron os embaixadores junior do IESP Pedra dá Aguia os protagonistas coa súa semana de inmersión lingüística en Vos Peares, esta semana foi o seu coordinador, Jacobo Santos, quen acaparou tal distinción. Con motivo dun curso de formación de tres días que tivo lugar no Parlamento Europeo de Bruxelas, e no que participaron ademais doutras tres escolas embaixadoras españolas, máis de 80 escolas embaixadoras europeas, o embaixador senior do Instituto presentou en sociedade e con gran éxito á mascota que elixiron para ser a imaxe en Europa. Trátase dun polbo de nome Caramiña, que vai ataviado cun gorro rematado con encaixe da zona e unha chapa identificativa do Centro. A mascota deixouse fotografar en diferentes lugares e con personalidades como a Directora do Comité Económico Social Europeo, Isabel Caño.

As xornadas de formación, máis aló de ser un escaparate para situar a Camariñas en Europa, serviron para resaltar a institución do Parlamento Europeo, que celebrará eleccións o proximo maio, e para visualizar as boas prácticas que están a desenvolver as diferentes escolas embaixadoras europeas. As chapas co logo do Centro, a figura de Euroman, a celebración do Día de Europa sobre patíns e con todas as bandeiras da UE, o show de Eurovisión que se montou para entroido e outras actividades realizadas no Instituto foron vistas como obxectivos a copiar polas outras escolas.

O IESP Pedra dá Aguia comprometeuse en Europa a apoiar a campaña das eleccións europeas, “ estavezvoto” e para iso conta coa colaboración de toda a comunidade educativa, o Concello de Camariñas, a Deputación da Coruña a través de EuropaDirect e a oficina do Parlamento Europeo en Madrid.

A seguinte acción será a participación o próximo 14 de decembro no debate entre os catro europarlamentarios europeos, que terá lugar na Deputación da Coruña, e ao cal o Centro foi amablemente convidado por EuropeDirect.

Responsables do IES Pedra da Águia no Parlamento Europeo
Responsables do IES Pedra da Águia no Parlamento Europeo

 

Vostede non ten permisos para comentar nesta noticia.