1 1 1 1 1 Rating 0.00 (0 Votes)
Esta fin de semana terá lugar na Laboral de Culleredo unha nova edición do Programa Parlamento Xove, na que alumnos da ESO amosarán as súas posturas a favor ou en contra do tema proposto para este ano: “Pode a educación ambiental nas escolas evitar incendios como os do pasado outubro?”.

O IES Plurilingüe Pedra da Aguia vai participar novamente con catro alumnos de 3º ESO: Helena, Nerea, Jose e Nico. Para eles vai a ser unha experiencia inédita, pero tamén o está sendo o feito de que sexan embaixadores junior do Parlamento Europeo, co cal a motivación é moito maior.

Por outra banda, o vindeiro luns 26 de febreiro, ás 10.30 haberá unha charla no Centro de Andrés Barceló, representante dos empresarios no Comité Económico e Social Europeo (CESE) e Director Xeral do UNESID, a asociación de empresas productoras de aceiro. 

Na charla participarán alumnos de 3º e 4º da ESO, entre eles os tres (Carla, Gabriel e Iván) que foron escollidos para participar na iniciativa do CESE, Your Europe, Your Say, que terá lugar en Bruxelas os días 15 e 16 de marzo. O noso Instituto ten o privilexio de ser o único en toda España que foi elexido para participar neste evento, no que estarán 3 alumnos por cada Estado membro da UE e dos 5 países candidatos a entrar nela, para tratar o tema do patrimonio cultural europeo.

Andrés Barceló fará un repaso ata o presente dos principais hitos da construción europea, para centrarse principalmente no futuro da UE e no que ten que ofrecer á xuventude de hoxe en día.

Semana chea de actividades no IES Pedra da Águia da Ponte do Porto

 

Engadir un comentario