1 1 1 1 1 Rating 0.00 (0 Votes)
A semana do 20 de Febreiro comezan os talleres no CEIP O Areal de Camariñas, por parte da Técnica de Igualdade contratada polo Concello de Camariñas. Os obradoiros van encamiñados a realización de diferentes actividades para o alumnado de 5º e 6º de Educación Primaria e 4º, 5º e 6º de Educación Infantil. Todas as actividades teñen como fío condutor o 8 de Marzo, Día Internacional da Muller.

Co alumnado de 5º e 6º de Primaria traballaranse os sucesos que pasaron na historia da loita pola igualdade de dereitos das mulleres. E que deron paso a celebración e establecemento do 8 de Marzo como Día Internacional da Muller. Tamén se traballarán biografías de mulleres importantes na historia que o alumnado plasmará en diferentes carteis que serán expostos posteriormente nos comercios da zona. Co alumnado de 4º, 5º e 6º de Educación infantil realizaranse actividades nas que os nenos e nenas representarán a muller máis importante da súa vida.

En fin, unha boa iniciativa desenrolada dende o concello co fin de facer visible os logros obtidos ao longo do tempo das mulleres, as aportacións destas á sociedade e os retos de mellora alcanzados. Sen esquecernos de algo tan importante como seguir educando en igualdade. (coeducación).

CArtel igualdade Rosalía de Castro en Camariñas

Vostede non ten permisos para comentar nesta noticia.