1 1 1 1 1 Rating 0.00 (0 Votes)
Pichurri e Mari Carmen Linares, únicos concelleiros presentes na entrega de donativosXente ocupada, empresarios de éxito, estadistas de recoñecido prestixio político e escrupulosos cumpridores da vontade democrática libremente expresada nin un só dos representantes do PP no Concello de Camariñas acudío ao acto no que a  Asociación de Empresarios facía entrega dos donativos da Feira Solidaria. Seguramente quería o comandante da agrupación local continuar a súa peculiar liña persoal de actuación marcada o día das eleccións autonómicas, a data máis importante para o seu partido en catro anos, na que non foi quen de asomar os fuciños en toda a xornada por ningún dos colexios electorais do concello. Tamén pode ser que chamados a unha voráxine de reunións ao máis alto nivel para seguir ao pe da letra a súa sabia e experta opinión como perpetuos gañadores de todo tipo de procesos electorais, especialmente no ámbito municipal e náutico, o sheriff da agrupación local e o seu secretario do peito palomo preferiron deixar o apoio ao tan menguado tecido empresarial camariñán para datas mellores. Con todo esta nova ausencia dos dous cráneos navales do PP local, sobre todo en plena resaca do maior éxito electoral do seu partido en décadas, non puido facer senón disparar uns xa cada vez máis insistentes rumores.

E nembargantes, era fácil atopalos. Un deles atrincherado no Club Náutico, vivindo os seus últimos días, promete, ao estilo de "Los últimos de Filipinas" ou "Murieron con las botas puestas", caer en derradeiro acto de combate o 20 de novembro como un Errol Flynn de bigotiño enchoupado: abrazado a un dos bandeirotes do CNC mentras brigadas sucesivas de antidisturbios toman ao asalto o último dos seus reductos e lle quentan o lombo a base de trompadas e vergallazos (algunha patada tamén). O outro, amarrado por aquelo da falta de traballo a un ordenador, enchendo de comentarios o estercoleiro cibernético habitual e algún outro tamén, desquiciado, alonxado da realidade, para non oír os cantos de sirea, máis ben de cisne, que se aproximan inexorables. E mentras cada un destes dous muertos vivientes da política local se dedicaban ao seu quefacer diario, continuaban na súa perpetua fuxida cara adiante, no Faro Vilán eran entregados sendos cheques de 315 euros a Déborah Morate como presidenta de Cáritas de Camariñas e a Olga Seoane, como directora de Aspadex, como todo botín derivado da Feira Solidaria.

A realidade, ese perpetuo retorno, golpea duro ao fuhrer náutico. Como unha bomba de quinientas toneladas de quilotóns caían no seu mostacho enchoupado as palabras verquidas no CNC este domingo nunha mañán de camorras e ameazas ao mellor estilo dos vellos tempos da máis grandiosa e exitosa empresa de vixiancia e protección galega que viron os séculos: "ti cala, que che quedan cinco días no Náutico". Pero, con todo, posiblemente esto non sexa o peor que depararon estes tristes días crepusculares... Os días do afundimento definitivo.

Comentarios   

un de eiquí
-1 # dise que lo echanun de eiquí 31/10/2012 23:53
ya que ablamos de rumores al parecer el presidente d emi partido en camariñasanda disiendo a los palanganeros que ainda ban por el nautico que ase dies dias le llego una carta del pp inbitandole a abandonar el partido.non sei si aora ou despos pero que lo acabaran echando a patadas es lo sierto.ojala fura aora ya para empesa canto antes mellor a renobar la agrupasion local.non sei si despos de sus meteduras de pata resientes mi compañero de partido y amigo de pufistas ladrones y prejeseiros moncho tiene algo que desir o si sabe aljo mas deste asunto
Responder | Denunciar ante o administrador
un de eiquí
-3 # RE: Ausencias significativas no Faro Vilánun de eiquí 31/10/2012 23:56
por cierto para 600 euros no asia falta tanto rebumbio ni antes ni aora
Responder | Denunciar ante o administrador

Tamén che pode interesar...