Cumpreanos de Ramona Castro Castro: 100 anos

: Escrito por Redacción Camarinas.eu Redacción Camarinas.eu; Categoría: Sociedade Sociedade; Created: 17 Xuño 2010 17 Xuño 2010

3.8245614035088 1 1 1 1 1 Rating 3.82 (57 Votes)

Doña Ramona celebra en perfectas condicións físicas e mentais cen anos rodeada do cariño dos seus

Hai territorios ao longo do mundo caracterizados pola lonxevidade dos seus habitantes. Así, están os territorios das montañas do Cáucaso, aqueles que se desperdigan entre os estados de Xeorxia, Armenia e as repúblicas rusas caucásicas nas que os centenarios constitúen un rasgo habitual da paisaxe. Recordamos un documental ambientado nos disputados e conflictivos territorios de Nagorno-Karabaj (Armenia) onde o xoven xornalista inglés visitaba un antiquísimo cemiterio onde os que foran esposos en vida descansaban xuntos para a eternidade sobre o leito da terra. Alí reposaban os restos dun home nacido nos albores de 1860 e falecido a finais da década dos 90. Reposaban sós... Neste sentido haberá que revisar a concepción que temos sobre a vida e a morte na Costa da Morte á luz de casos como o recentemente publicado dos 91 anos da porteña Maruja da Lus ou os cen anos cumpridos este martes 15 de xuño de 2010 en Brañas Verdes por Ramona Castro Castro. Ámbolos dous casos de mulleres, que chegan a unha avanzada edade en boas condicións físicas, cas súas facultades intelectivas intactas e rodeadas do cariño e respeto dos seus. Este foi o caso de Fátima, a nosa querida usuaria Neiriña, que nos remite unhas fotos e un preciosa dedicatoria do entrañable acto familiar que tivo lugar para celebrar cen anos de toda unha vida. As colinas que dominan Brañas Verdes, os meandros do Río Grande, transmutados aos regatos e montañas do Cáucaso ca carga de lonxevidade que lle é inherente. Doña Ramona, ¡¡FELICIDADES E A POR OUTROS CEN!!

Dedicatoria enviada por Fátima (Neiriña)

A persoa á que quero homenaxear chámase Ramona Castro Castro e nacío o 15 de xuño de 1910. Sempre foi solteira porque o seu pai faleceu moi novo e tívolle que axudar a súa nai nas duras labouras da casa a partir daquel momento, xa que eram 8 irmáns entre eles a miña bisabuela. Este martes fixemos unha reunión de 5 xeraciósn da miña familia: ela, a miña abuela que é sua sobriña, miña nai, eu e a miña nena Carla que é coa que aparece na foto. Ela sempre traballou na casa, cas vacas,indo co peixe etc, está perfecta non toma ningunha medicacion nin nada parecido,todo o contrario si non fora pola súa sobriña ela seguiría palillando, epouco máis, só unha anecdota da súa vida, tuvo un mozo e fíxolle un truco de maxia e deixouno porque naquela época pensaba que era meigo, jejejeje. Ramona, no eu nome e no de toda a miña familia felicítoche polos teus cen anos ¡¡FELICIDADES!!