Aprobación definitiva do PXOM de Camariñas

: Escrito por Redacción Camarinas.eu Redacción Camarinas.eu; Categoría: Politica Politica; Created: 26 Decembro 2012 26 Decembro 2012

PXOM

5 1 1 1 1 1 Rating 5.00 (1 Vote)

Día histórico para o Concello de Camariñas, a Xunta de Galicia a través da Consellería de Medio Ambiente, Territorio e Infraestructuras aprobou definitivamente o PXOM de Camariñas. Por primeira vez en toda a nosa historia municipal unha regulación pormenorizada e axustada á legalidade vixente fixará as normas urbanísticas do noso concello. Estamos a falar sen dúbidas da resolución administrativa máis importante que afectou a Camariñas en toda a súa historia, cáseque dende o mesmo momento en que se creou o concello. Día grande tamén, de éxito pleno e indiscutible, en canto premio á tenacidade e ao tesón, para aquel home que ve cumprido así o seu gran sono político, a súa maior aposta persoal, aquel que pasará á historia como o máis importante dos alcaldes camariñáns: Manuel Valeriano Alonso de León, Pichurri, o gran valedor (tal vez o único) do PXOM camariñán.

Era pouco antes das dez da mañán, cando o rudimentario fax que nunha esquiniña, xusto detrás da mesa dende a que durante máis de 35 anos Don Ramón Canosa Canosa ven firmando os mandamentos de pago municipais, vomitaba o papel máis importante que endexamáis rubricarán os seus asiáticos toners: a Orde asinada polo Concelleiro de Medio Ambiente, Territorio e Infraestructuras pola que aprobaba definitivamente o Plan Xeral de Ordenación Municipal de Camariñas. A súa data de hoxe mesmo, dun mércores 26 de decembro de 2012 chamado a quedar enmarcado en letras douradas para o municipalismo camariñán. Como sempre, os primeiros en ofrecer aos seus lectores esta nova exclusiva, en publicar información veraz e contrastada, Camarinas.eu que se adiantaba unha vez máis e captaba as primeiras imaxes do histórico documento. Unha resolución que pola súa importancia histórica pasamos a reproducir na súa integridade e que aproba de xeito absoluto, sen condicionantes nin reduccións, de forma plena e total, o PXOM do Concello de Camariñas.

Foron necesarias ata tres aprobacións provisionais, superar unha oposición vandálica de plenos tumultuosos e vociferantes, tan só atemperada responsablemente en datas moi recentes, ríos de tinta mentirosa e envenenada que se mantiveron incluso cando xa todo apuntaba a que o PXOM se aprobaría, apartándose o responsable da disciplina de partido e atacando en público a liña política do seu propio partido, constatándose de xeito definitivo a intelixencia sub-normalizada desta fiera rabiosa, agora tan patética e escandalosamente desautorizada polos seus propios superiores na Xunta de Galicia. Pero sobre todo si algo significa esta aprobación a maiores obviamente da importante, vital de necesidade, seguridade xurídica que otorgará á ordenación dun territorio onde o caos, a devastación e o "ti fai" veñen facendo estragos dende hai máis de corenta anos, é o triunfo definitivo da vontade dun home, que no medio do ruido e da furia máis estentóreo e apocalíptico que ningún alcalde en Camariñas tivo que encarar xamáis, mantívose firme e tranquilo nas súas conviccións e plantexamentos: o seu obxectivo era ineludible e ningún escollo vandálico e interesado o ía a apartar del, un Pichurri que esta mañán vivía tranquilo, como si se tratase doutro día calqueira, o que será o seu maior éxito, o gran legado que deixará para todas as xeracións vindeiras. Sacada adiante a construcción do Tanatorio Municipal, aprobado definitivamente o PXOM, deixados nun ridículo lamentable e patético por dúas veces unha oposición municipal que só no último momento se sumou ao proxecto e o seu agora defenestrado fanático de extrema dereita, ¿cal será o vindeiro proxecto de altos vuelos a acometer polo alcalde camariñán?

Documento 1

Comentarios

+4 # UN AMIGO — a diego alonso 26/12/2012 11:15

ME ALEGRO DE ESTA EXCLUSIVA TE LA DIERON A TI PRIMERO QUE A NADIE ,ASI ME GUSTA,ERA LO MINIMO QUE ESPERABA,MARQUE MOS UN NUEVO RUMBO BUSCANDO SIEMPRE LA VERDAD Y LO MEJOR PARA NUESTROS PUEBLOS,ojala te den unas horitas,bueno ahi lo tienes