A XX Mostra do Encaixe comenza a tomar forma

Como en anos anteriores pola pasarela da Mostra do Encaixe pasarán as mellores promesas da moda galega
Como en anos anteriores pola pasarela da Mostra do Encaixe pasarán as mellores promesas da moda galega

A XX Mostra do Encaixe que se celebrará en Camariñas entre os días 31 de marzo e 4 de abril do 2010 arranca de forma oficial cos seus preparativos e así xa están listas as bases que rexirán o Concurso de Xóvenes diseñadores. Un certame que ano a ano refórzase como unha das citas máis importantes do calendario da moda galega e que serve de trampolín para que as mellores promesas dunha rexión española caracterizada dende sempre polo talento dos seus diseñadores reinventen en clave modernizadora unha das máis antigas mostras de artesanía de Galicia. Pulsa na imaxe para ler as novedades que nos remiten dende a dirección da Mostra do Encaixe así como para ler as bases do concurso.

Nota de Prensa

Gustaríannos darlle a coñecer a tódolos seus usuarios a seguinte información:

1º: Convocatoria do XVII Concurso de Noveis Deseñadores que se celebrará durante a XX Mostra do Encaixe de Camariñas (achégase as bases e ficha de inscrición).

2º: A Asociación Galega de Criadores de Visón “Agavi” celebra o XII Congreso Internacional da Pel, este domingo 27 e luns 28 de setembro na Coruña.

O domingo celebrarase a exaltación da cultura galega, polo que o Encaixe de Camariñas será o representante do patrimonio cultural de Camariñas para ilo desprazarase unha delegación formada por: unha palilleira representando cada asociación (Rendas e Palillada), dúas palilleiras infantís como representantes das escolas municipais e a directora da Mostra do Encaixe.

O luns, día 28 o Encaixe de Camariñas estará presente no desfile que se celebrará en Palexco as 20:30 h. das mans da firma da deseñadora Charo Carrillo.

3º: A Consellería de Cultura e Turismo, a través da Dirección Xeral de Creación e Difusión Cultural notificou unha subvención para a II Festa da Palilleira – Recreación das Palilladas ao abeiro da Orde 18 de marzo de 2009, pola que se convocan axudas para os Concello de Galicia con menos de 50.000 habitantes.

Saúdos,
Mª Dolores Lema

Engadir un comentario