1 1 1 1 1 Rating 0.00 (0 Votes)

Os xogadores do Porteño festexan o ascenso. Foto: Sandra Insua Rial

Xornada triunfal para o FC Camariñas que gañaba con moitas dificultades a un rival directo como era o Laro e certificaba a permanencia na categoría, unha permanencia que custou suor acadar pero que finalmente foi posible e sabe a gloria. Por outra banda, o outro gran acontecemento do fin de semana deportivo para os equipos do noso concello tiña lugar no histórico e mítico Estadio da Grixa, onde o Porteño festexaba cos seus o tan ansiado ascenso á Segunda Rexional. Deste xeito, a Liga da Costa volta a ter un dos seus equipos emblemáticos como é o Porteño, un dos seus clubs fundadores. Noraboa a ámbolos dous conxuntos, Camariñas e Porteño, por acadar os obxetivos que tiñan ao principio da tempada.

TERCEIRA DIVISIÓN
AS PONTES 2-1 ORDES

Derrota a que sufrimos nas Pontes nun partido no que ningún dos equipos nos xogábamos nada e iso notouse no terreo de xogo. Derrota pola mínima ante un conxunto que aproveitou as duas ocasións que tivo para conseguir dous goles e gañarnos así o partido.
O gol do Ordes foi obra de Álex Castro. A vindeira xornada, a penúltima do campeonato ligueiro, recibimos ao Compostela.

PRIMEIRA REXIONAL
CAMARIÑAS 3-1 LARO

Victoria e permanencia do Camariñas que gañou con moitos apuros a un Laro que se xogaba tamén a vida. Non foi un gran partido o que fixeron os camariñáns, pero o que importaba máis que nunca era acadar a victoria para lograr unha permanencia que foi difícil conseguila e moi traballada, máis do que algún pensaba, e así foi. Tivo que remontar o Camariñas un gol nos primeiros minutos dos visitantes. Primeiro De la Sierra, despois Brais Triñanes e finalmente Martín, marcaron os goles para que o Camariñas lograra a victoria e certificara deste xeito a súa continuidade na categoría de primeira rexional.
Houbo que sufrir, traballar moito para lograr un obxetivo que finalmente sabe a gloria. Agora toca pensar na copa da costa onde o Camariñas pasou ronda ante o Coristanco e enfrontarase ao Laxe. Na liga, na última xornada, o Camariñas visitará ao Arzúa.

TERCEIRA REXIONAL
PORTEÑO 2-0 CASTRELO

Victoria do Porteño de Gerpe que serviu para celebrar o ascenso que acadaran o dia antes có empate do Camelle. Foi un partido sen historia, no que o Porteño mostrouse moi superior a un rival que lle puxera as cousas moi difíciles no partido da primeira volta. Sestayo e Ismael, foron os autores dos goles do Porteño que nada máis pitar final o colexiado, celebrou o ascenso por todo o aldo xunto aos seus aficionados, uns aficionados que estiveron de lado do equipo toda a tempada.
Ascenso acadado e merecido dun Porteño que tiña como meta e obxetivo ascender a liga da costa e así foi, dende a primeira xornada demostrou ser un dos mellores conxuntos da categoría.
A liga da Costa, a segunda rexional xa ten de volta a un dos seus conxuntos clásicos de sempre, o Porteño retorna para quedarse!. O porteño psaou de ronda na copa da costa e tras eliminar ao Corcoesto, enfrontarase ao Soneira.  Na última xornada ligueira, o Porteño recibirá ao Baiñas.

CAMELLE 2-2 SONEIRA B
Empate do Camelle de Pupus ante o Soneira B nun partidoentretido entre dous conxuntos que xogarán a promoción de ascenso á segunda rexional. Adiantouse no marcador por duas veces o Camelle con goles de Matías ao transformar duas penas máximas, pero no último minuto, os visitantes acaban o tanto do empate nun partido no que o Camelle tivo que xogar con 10 dende a primeira metade pola expulsión de Miguel Riveiro.
Pese a non estar rematando nun bó momento de resultados, o Camelle disputará a promoción despois dunha tempada na que foi a sensación do campeonato e loitou ata os intres finais por ese ascenso. O Camelle quedou fora da copa da costa ao caer có Laxe. A derradeira xornada de liga, o Camelle xogará en Coristanco.

MUXÍA 2-0 XAVIÑA
Derrota do Xaviña de Pirucho nun partido onde o Xaviña tan só acudiu  a terras muxianas con 11 xogadores e tres deles eran porteiros. Notou moito as baixas e os de Pirucho apenas tiveron oportunidades para traer algo positivo de Muxía. Con este partido remata a tempada do Xaviña xa que a vindeira xornada, a derradeira, o Xaviña debía enfrentarse ao Fisterra B pero como o conxunto fisterrán retirouse da competción, non haberá partido. Participou o Xaviña na copa da costa na que foi eliminado polo Ponteceso. Fin de tempada para o conxunto que preside Isaac e agora tocará plantexarse que futuro terá o conxunto Xaviñán.

LIGA CADETE
CEE 3-5 PORTEÑO

Magnífica a victoria acadada polo Porteño de Ordóñez que gañou a domicilio e facendo un gran partido a un rival que é un dos galiños da categoría, o Cee, actual subcampeón de liga. Están os da Ponte do Porto pasando por un gran momento de forma neste treito final da tempada ende están conseguindo moitas e importantes victorias. A próxima xornada, a última de liga, o Porteño recibe ao Muros.

LIGA INFANTIL
ESTEIRANA 5-2 AS BALEAS

Derrota dos rapaces de Vi ante o terceiro clasificado, a Esteirana por cinco goles a dous. Foi un resultado engañoso, pois os de Vi fixeron un bó partido e non mereceron caer por tantas goles de diferencia ante un rival que foi mellor na definición das xogadas, motivo polo cal se levou o encontro. A última xornada de partido, As Baleas reciben ao Outes.

COPA DA COSTA DE VETERÁNS
CAMELLE 0-2 CORISTANCO

Derrota e eliminación do Camelle que non puido remontar o resultado que traía da ida e voltou a perder ante un rival que demostrou ser superior. Remata a tempada para o Camelle que en determinados momentos da mesma paracía que iba a loitar por ascender, pero as lesións notáronse moito.

PORTEÑO 1-1 LAXE
Empate do Porteño que lle serve para pasar de ronda despois da victoria pola mínima que traía de Laxe no partido de ida. Partido moi disputado e emocionante entre dous equipos que o deron todo para pasar e no que finalmente foi o Porteño que se levou o gato a auga ao longo dos 180 minutos da eliminatoria. Na seguinte rolda o Porteño enfrontarase ao Muros, sendo o primeiro partido en terras muradanas.

ZAS 2-1 CAMARIÑAS
Derrota do Camariñas que intentou a remontada pero non puido lograla ante un rival que aproveitou mellor as súas ocasións ao igual que o fixera na partido de volta. Fin de tempada para un Camariñas que descendeu e agora toca mirar se continuará nun futuro a súa existencia.

BALONMÁN
COPA CADETE FEMENINA

Descansaron as Camariñanas que se enfrontarán ao Narón a domicilio a vindeira xornada.

Isto foi todo canto dou a xornada. Coma sempre, CAMARINAS.EU contouvos todo aconteceu cós nosos conxuntos. CAMARINAS.EU,  a web que vive o deporte!!!!

Comentarios   

Moncho de Dios
+7 # RE: Ascenso do Porteño a Segunda RexionalMoncho de Dios 06/05/2013 20:07
Pero aun subimos para segunda regional,con el equipo que tenemos ya teníamos que estar disputando en primera partidos contra el R. Madrid y Barcelona,los árbitros siempre apoyando a los grandes,no nos dejan subir,pero ya falta menos,venga PORTEÑO y ENHORABUENA
Responder | Denunciar ante o administrador
Vaia fonte
+3 # RE: Ascenso do Porteño a Segunda RexionalVaia fonte 07/05/2013 12:00
Esa si que e fonte e non a de catro camiños nin a de Cibeles ,quen mais quiseran eles ,polo menos a ajua e mellor,e non hay que para o trafico,nos non molestamos a nadie,PORTEÑOOO OO,PORTEÑOOOOOO O,A LA VI A LA VA A LA VIN BON VA PORTEÑOOOOOOOOO OOO,EI VAI CARALLOOOOOOO,S OMOS OS MILLORES DO MUNDOOOOOOOO,PO RTEÑOOOOOOOOOPO RTEÑÑOOOOO
Responder | Denunciar ante o administrador
Vaia fonte
+2 # RE: Ascenso do Porteño a Segunda RexionalVaia fonte 07/05/2013 12:02
Olvidabame ,pa que non lle paresa mal a ninjen ,elojo as ramblas de barselona teñen aljo que ver coas nosa calles,bueno carallo bueno,PORTEÑOOO OOOOOOO
Responder | Denunciar ante o administrador
marca,as,sport
+3 # RE: Ascenso do Porteño a Segunda Rexionalmarca,as,sport 07/05/2013 13:07
Una merda coljada de un palitroque fui a mirar e solo fala del madri y del barselona non pone nada de la subida de Porteño que vaian rascalas las bolas no entenden de notisias importantes no saven donde esta la notisia pois esta na Ponte capital do mundo e del resto estranjero,viva o POOOORRRTTTEEEE EÑÑÑOOOOOOO
Responder | Denunciar ante o administrador
E logo ti de quen es
0 # NoraboaE logo ti de quen es 12/06/2013 22:07
Noraboa.
Responder | Denunciar ante o administrador