1 1 1 1 1 Rating 0.00 (0 Votes)

OS dous clubes camariñáns fusiónanse para optimizar gastos e recursos

Os dous clubs de balonmán de Camariñas decidiron xuntarse e constituir unha única entidade que acolla a todos os deportistas de balonmán, tanto femininos como  masculinos, do Concello de Camariñas. A idea é optimizar recursos, tanto humanos como económicos, e xuntar nun só club a todas as persoas interesadas por este deporte no concello camariñán. O “Club Balonmán Camariñas” sairá pois nas distintas categorías, tanto femininas como masculinas, facéndose cargo tamén de todos os nenos e nenas que ata agora formaban parte das escolas municipais deportivas de balonmán, para evitar así a súa desaparición, xa que debido a situación económica que atravesa o Concello, este non podería facerse cargo das escolas.

Tentarase manter a práctica do balonmán dende as categorías mais novas e continuar co traballo realizado ata agora ca colaboración do Concello, para que este deporte tivera presenza e fora practicado por un número importante de rapaces e rapazas. A nova directiva estará constituída por membros dos dous clubs que se xuntan, e darase a coñecer publicamente nunha asemblea de socios que terá lugar no vindeiro mes de agosto, así mesmo o club informará ao público da nova xestión e do xeito de matricularse para as actividades que se procuraran mellorar de cara ao próximo curso/tempada.

Agradecer a todos os socios e socias o apoio recibido ao longo destes anos, e tamén agradecer de antemán a axuda que esperan lle sigan prestando en estes momentos tan delicados para poder continuar así con esta labor de promoción do deporte en Camariñas.

Vostede non ten permisos para comentar nesta noticia.