Escrito por Redacción Camarinas.eu Redacción Camarinas.eu

Categoría: Curiosidades Curiosidades

Created: 02 Xuño 2010 02 Xuño 2010

• Tanatorio Municipal Camariñas

Pois finalmente unha das demandas máis longamente desexadas polo común das xentes do Concello de Camariñas podería comenzar a ver a luz: trátase da construcción do futuro tanatorio que preste un servicio indispensable e necesario a unhas terras que desgraciadamente nestes últimos tempos presentan un elevado índice de falecementos entre os seus membros. Efectivamente, respondendo á petición cursada dende o Concello, o Pleno da Deputación Provincial da Coruña acordou en sesión celebrada este 28 de maio de 2010 financiar cunha subvención de 390.040,77 euros o proxecto denominado "Construcción e Equipamento do Tanatorio Municipal de Camariñas", o cal ascende á suma total de 497.882,02 euros, polo que a diferencia (107.841,25 euros) deberá ser financiada polo concello. A característica principal que define o proxecto é que tratarase dun tanatorio de propiedade municipal, o único da Costa da Morte, polo que probablemente unha vez construido deberá rexirse ben por xestión directa ben por unha concesión de servizo público. O lugar elexido para a súa ubicación sería o descampado que se atopa a carón do emblemático Barrio das Malvinas, a un paso da Igrexa Parroquial de San Xurxo, terreos que deberían ser cedidos pola Sociedade Cooperativa Funeraria de Camariñas, actual propietaria dos mesmos. En definitiva estamos ante unha obra decisiva e influinte no futuro entramado de servizos do Concello de Camariñas, destinado a paliar unha carencia endémica nas nosas terras e que únicamente chegará a bo porto si as distintas partes interesadas se entenden recíprocamente.

• Prev
• Seguinte