Escrito por Redacción Camarinas.eu Redacción Camarinas.eu

Categoría: Curiosidades Curiosidades

Created: 20 Mai 2010 20 Mai 2010

Xa e verán en camarinas.eu

Agora imos publicar unha noticia da máxima importancia e relevancia. ¿Por que acaso existe unha noticia máis relevante que a de amosar a miles de lectores ao longo e ancho do mundo a beleza das mulleres camariñanas? ¿A fermosura das nosas paisaxes? Unha terra de praias como as de Reira, Arou, Lingunde, o Ariño, o flamante novo areal de Camelle... e que conta cun altavoz mediático do calibre de camarinas.eu non debe deixar de amosar ao mundo semellante conxunto de xoias. Incluso non debería desbotarse a posibilidade de que nun futuro non moi lonxano, unha vez executado o Paseo da Ponte do Porto, se acometese a posibilidade de crear unha praia fluvial na que poder zambullirse nas frescas augas do Río Grande e así seguir engrosando o noso patrimonio paisaxístico e turístico. O caso é que chegado por fin o calor con maiúsculas unha lexión de redactoras de camarinas.eu púxose en movemento para firmar unha reportaxe visual só a altura das mellores revistas especializadas.  Para elo elexiron, a semellanza daquela reportaxe protagonizada pola nosa redactora Lucía no verán do 2008, un conxunto de traxes de baño ambientado nos modelos dos anos 30, estilo Belle Epoque. Ideal para contemplar mentras a agulla do tocadiscos toca o "Seaside Rendevous" dos lexendarios Queen. Con todo, Producto camariñán 100 x 100.

• Prev
• Seguinte