4.0277777777778 1 1 1 1 1 Rating 4.03 (72 Votes)
Cumprindo cun rito propio destas datas, un tractor rotura o terreo nun dos moitos e fértiles campos de Buría
Cumprindo cun rito propio destas datas, un tractor rotura o terreo nun dos moitos e fértiles campos de Buría

Campos Roturados

É despois de pasado San Xurxo, na derradeira semana de abril e primeira do mes de maio cando nos campos de Buría e Xaviña se leva a cabo a sementeira do millo. Unha arte antiga que, sempre dependente da sequedade do terreo e da predisposición do clima, comprende as inveteradas fases do inicial fresado do terreo, a súa posterior roturación, o necesario destripamento dos cutrillóns a través da jrade e a semente final. Fases que dende tempos inmemoriais lévanse a cabo nas fértiles terras que mellor representan a alma agrícola do Concello de Camariñas e que deixan toda unha lexión de campos roturados que xacentes e fermosos ofrecen aos ceos as cicatrices inferidas polo arado. Será pasado un tempo, alá polas semanas iniciais de outubro, cando toque recoller o fruto producido pola bendita terra: ese millo abundante e fértil co que serán alimentados os insustituibles animais da economía familiar. Campos roturados, traballados de sol a sol, que recordan a aqueles do sur de Rusia e de Ucrania, de terras negras e fecundas, glosados na célebre novela homónima do Premio Nobel de Literatura, gloria das letras soviéticas,  Mijaíl Shólojov.

 

Comentarios   

rubiasexy
+2 # RE: Sementeira do Millo en Camariñasrubiasexy 02/05/2010 12:25
muy bonito esto que terra tan negra que verde tan verde da gusto ver asi pos animos atoda xente que traballe nos campos qe asi nos compramos mas barato eso e sefa
Responder | Denunciar ante o administrador