"Este é o Porto que Camariñas quere"

Agora que se cumpre unha semana da presentación en sociedade do proxecto que revolucionará o Porto de Camariñas ata o exercicio 2014, camarinas.eu quere rescatar do olvido o proxecto co que a mediados dos anos 90, recén rematada a construcción do Muelle Novo, xa se pretendío rediseñar dende un Concello de Camariñas comandado daquela polo equipo de Bautista Santos Ramos a fachada marítima da Vila dos Encaixes. Sin ánimos de entrar en comparacións inútiles ou polémicas absurdas, xa que se trata dun proxecto pensado para outras épocas e dende o que se pretendía dar resposta a outras necesidades, destacaba no mesmo a execución de impresionantes recheos ata o Muelle do Curbeiro e o Poso do Muelle (que desta forma desaparecería sepultado), a realización dun porto de atraque dende a punta do Espigón vello ata a do Espigón novo, pero sobre todo construcción dun faraónico contradique que dende a Punta da Carnicería se introduciría na Ría e que conlevaría que as instalacións do Club Náutico de Camariñas se desprazasen ata os novos terreos que se gañarían ao mar nos ámbitos marinos do Barrio de Corea. Un proxecto do que se falaría longos anos, que tiña un lema que rezaba "Este é o Porto que o Concello de Camariñas quere" e que camarinas.eu, como auténtico museo de historia contemporánea de todo o que atinxe nestes días á nosa vila, procede a publicar para xeral coñecemento da poboación.