Xa está todo preparado para que este domingo se celebre a tradicional procesión de Fátima na Ponte do Porto. As persoas encargadas da organización destes actos relixiosos fannos chegar o cartel e unhas imaxes nas que podemos comprobar todo o gran traballo que foi realizado altruistamente por estas xentes da Ponte do Porto. A rúa das Barrosas lucirá este domingo esplendorosa cando, despois da misa solemne en honor á Virxen de Fátima programada para as 10:30 da mañán, salgan en procesión os numerosos devotos por este importante vial porteño. Durante o tradicional percorrido polo que se leva en volandas á imaxe da virxe milagreira, os asistentes estarán acompañados pola Banda de Gaitas "Vai en Banda". Xa no alto da Pesqueira será celebrada por parte dos nenos da Ponte do Porto a representación da aparición da nosa señora de Fátima. E alí estará Camarinas.eu para dar conta de todo o que aconteza na nosa querida vila Porteña. Dende aquí queremos darlles a noraboa a toda a organziación da Fátima da Ponte do Porto.

Xa están de volta os 16 embaixadores junior do IESP Pedra dá Aguia de Camariñas que, durante 5 días, estiveron en Luxemburgo e Frankfurt coñecendo institucións da Unión Europea, que normalmente non son obxecto de visita por estudantes tan novos.

O xoves 31 de xaneiro visitaron o IESP Pedra dá Aguia da Ponche do Porto, tres ex deputados do Parlamento galego para explicar o funcionamento do mesmo a alumnos de 3º da ESO. Suso Veiga do BNG, Marisol Soneira do PSdG e Anxo Mesa do PPdG puxeron en valor o traballo que se desenvolve no Parlamento e o papel que xogan os políticos. Tras explicar a traxectoria do Parlamento desde os seus inicios alá por 1981, explicaron como se traballa e que competencias asume. Neste sentido, destacaron dous temas moi interesantes para a comarca como a pesca e a educación, que deben ser motores para o rexurdir desta zona. Tamén fixeron fincapé na necesidade dos políticos de traballar con honestidade e de usar como armas de debate a concordia e a negociación.

O venres 14 de decembro pola tarde, os embaixadores junior do IESP Pedra dá Aguia de Camariñas participaron nunha charla-coloquio que tivo lugar na Deputación da Coruña. Convidados por EuropaDirect A Coruña, os embaixadores junior escoitaron atentamente as argumentacións que sobre o Brexit, a migración e a defensa europea fixeron os eurodeputados galegos Francisco Millán Mon e José Blanco. A continuación, formularon por escrito máis de 40 preguntas, algunha das cales tivo resposta polos europarlamentarios. Non lles soubo a moito, xa que finalizado o debate seguiron preguntando a un dos oradores por máis de 20 minutos.

O día 30 de outubro pola tarde-noite, os IESP Pedra da Aguia de Camariñas celebrou un tempraneiro magosto seguido da celebración do Samaín. Así, no horario escolar da tarde, alumnos e profesores poideron disfrutar do sabor das castañas asadas.  Cando rematou a xornada, un tercio do alumnado e boa parte do profesorado prepararon a festa do Samaín que se prolongou ata xusto a media noite. Nun escenario completamente decorado para a ocasión, todos gozaron dun chocolate con churros ben quentiño, antes de empezar unha serie de xogos previstos polo profesorado. A continuación tocou disfrazarse, cear nun ambente escuro e tétrico coas únicas luces dos cirios, facer contadas de terror e, finalmente, ver unha película de medo. Foi unha tarde-noite moi especial propia do tempo no que nos atopamos.

Un grupo de 24 alumnos de 2°ESO do IESP Pedra da Aguia de Camariñas regresan de terras extremeñas e andaluzas por onde durante unha semana e co programa do MEC “Rutas científicas, artísticas e literarias”, percorreron os lugares máis emblemáticos da terra de Bécquer, Juan Ramón Jiménez e Rafael Alberti, viron minas, covas, salinas, cidades cargadas de historia e monumentos e ata cociñaron. A organización e o traballo por parte das monitoras foi impecable e os rapaces gozaron enormemente duns días de intercambio cultural e convivencia cos alumnos do centro de Salamanca cos que compartiron Ruta.

O vindeiro domingo día 21 de outubro e ata o sábado 27, un grupo de 24 alumnos e alumnas de 2º de ESO do IESP Pedra da Aguia van participar nunha ruta cultural polas provincias de Badajoz, Sevilla e Cádiz. Irán acompañados por dúas profesoras do centro: Silvia Lijó (L. Castelá) e Gema Lois (Tecnoloxía).

Este domingo 3 de xuño celebrábanse na Igrexa Parroquial de San Pedro da Ponte do Porto as típicas comunións de Corpus Christi ante un templo porteño abarrotado de familiares e amigos que non se quixeron perder este importante evento nas vidas destes cinco nenos porteños. Jason, Iria, Pablo, María e Íker tomaron por primeira vez o corpo de cristo, alimento vital da nosa alma cristiana, da man do noso querido Páter Don Eduardo Puga ante as felices e orgullosas catequistas que vían aos seus pequenos alumnos como se transformaban nuns auténticos cristianos. Os pequenos portáronse xenial neste importantísimo momento da súa vida que foi inmortalizado polos fotógrafos de Viéndote Crecer Fotografía Infantil de Camariñas. Despois da ceremonia e das fotos chegou o momento da festa e dos xogos que os afortunados pais destes excelentes nenos e nenas lles tiñan preparado nos seus respectivos restaurantes. E dende aquí tan só felicitar a estes preciosos nenos, as súas familias e tamén a todas as catequistas polo gran traballo realizado no día da primeira comunión destes pequenos porteños. Noraboa a todos!

O martes 3 de abril visitaron o Instituto Plurilingüe Pedra da Aguia de Camariñas, tres ex deputados do Parlamento galego para dar unha charla a medio centenar de alumnos que cursan 3º da ESO, entre eles os 15 embaixadores junior do Parlamento Europeo que a vindeira semana irán a Estrasburgo e Bruxelas.

O pasado fin de semana celebrouse en Culleredo unha nova edición do concurso-debate Parlamento Xove, unha iniciativa do Departamento de Xuventude da Xunta que pretende poñer en valor as dotes de oratoria dos rapaces da ESO. O noso Instituto participou un ano máis con catro alumnos de 3º da ESO: Helena, Nerea, Jose e Nico. O tema proposto era se a educación ambiental impartida nas escolas podía previr incendios como os do pasado outubro.

Esta fin de semana terá lugar na Laboral de Culleredo unha nova edición do Programa Parlamento Xove, na que alumnos da ESO amosarán as súas posturas a favor ou en contra do tema proposto para este ano: “Pode a educación ambiental nas escolas evitar incendios como os do pasado outubro?”.

El colectivo ecologista PX de Ponte do Porto cree que la Xunta de Galicia debería poner fin a las batidas de zorro en la Costa da Morte pues a día de hoy esta especie sufre la mayor caída poblacional de la historia. Los ecologistas creen que los datos son extrapolables a toda la provincia y por ello solicitarán que en los años próximos no se concedan batidas de zorro. La temporada de caza terminó en el día de Reyes pero los cotos alargan el período hábil con batidas a distintas especies, como el zorro o el jabalí, que cada tecor debe solicitar y justificar. Las batidas de zorro en la zona aún se celebrarán en dos fines de semana más.

Existen territorios da nosa querida España onde os empresarios son tratados pouco menos que a patadas e, claro, fuxen por miles. Soe acontecer esto en comunidades autónomas nas que hai muita tontería, nas que a base de vivir demasiado ben demasiado tempo a costa do resto dos españoles por mero aburrimento ás súas clases altas e medias-altas dóuselles por querer xogar a ser revolucionarios de salón. Aquí no Concello de Camariñas somos máis pobres, pero tamén máis humildes, e consideramos aos empresarios como un ben a protexer. Sobre todo en canto a que son persoas que se xogan un patrimonio persoal ou familiar, que poñen en valor os recursos locais e, sobre todo, por ser creadores de riqueza e postos de traballo. Hai xa anos que dentro do empresariado local destaca entre as súas competidoras a empresa porteña Gallego Pereira Frigoríficos SL adicada case exclusivamente a comercializar o mellor pulpo das nosas rías e con compradores en todo o territorio galego. O seu xerente, Javier Gallego Pereira que leva o negocio xunto ao seu pai, gran amigo desta redacción, ademáis destaca por estar volcado activamente en todas aquelas iniciativas que redundan na promoción do Concello de Camariñas dentro deste e no exterior e para non dubidou en fichar para a nómina da empresa ao seu fillo Marcos, estudiante de Enxeñería Química que aportará de seguro ao futuro da empresa os seus coñecementos universitarios. Recentemente Javier, durante a súa estadía na feira Conxemar de Vigo, era obxecto dunha entrevista da TVG que reproducimos a continuación no interior da noticia. Nesta importantísima feira vieguesa era visitado o stand de Gallego Pereira polo mesmísimo alcalde de Vigo Abel Caballero e da Presidenta da Deputación de Pontevedra Carmela Silva que aompañaron ao alcalde de Camariñas Pichurri para coñecer de preto o proceso productivo desta exemplar empresa camariñana. Ocasión que non deixou pasar para falar do que supoñe para a súa empresa levar por todo o mundo o mellor pulpo das rías galegas e especialmente o mellor deles que ven sendo o propio da nosa ría de Camariñas. Dende esta redacción queremos darlle a noraboa a todo o equipo da empresa, e espcialmente ao noso compañeiro Javier, polo gran traballo feito dende Gallego Pereira que os levou a ser unha das factoría punteiras no sector do frigorífico a nivel nacional. Noraboa a todos.

Os integrantes da comisión da festa de San Pedro da Ponte do Porto comezan a preparar a edición 2018 do patrón porteño, e fano ca organización dunha festa por todo o alto que nos presentan aquí en Camarinas.eu en rigurosa exclusiva. Será a primeira vez que esta comisión poña en marcha unha multitudinaria cea-baile que se celebrará no Pavillón Municipal da Ponte o sábado día 23 de decembro a partir das 10 da noite. O espectacular menú que a organización vai a preparar está composto por Piña con cócktel de gambas de primeiro, a continuación servirase unhas exquisitas ameixas con fabas, e para rematar a faena todo un espectacular redondo de tenreira con guarnición, postre, pan, viño, café e chupito engadidos. E todo elo por só 25 euros!! Ademáis, para todos os que teñan nenos, haberá un menú infantil especial a 10 euros e haberá un servizo de animador-cuidador de nenos con hinchables e xogos diversos. E para os que non queiran ir á cea e só desexen desfrutar do baile do gran Grupo America SL tan só terán que abonar 5 euriños de entrada. Para mercar as entradas a esta gran festa para recaudar fondos para o San Pedro os interesados poden adquirilas no Restaurante O Ariño ou chamando ao teléfono da comisión de festas nos 699 68 78 28 ou no 628 35 66 73. En fin, unha gran iniciativa a da comisión de festas de San Pedro da Ponte do Porto que de seguro terá unha gran acollida entre gran parte dos veciños do concello. Camarinas.eu alí estará para dar boa conta do espectacular menú e tamén do que alí aconteza.

O IES Plurilingüe Pedra da Aguia acolleu o xoves 21 unha experiencia novidosa na que participou case todo o alumnado. Profesores da Escola Municipal de Camariñas trouxeron varios instrumentos musicais de corda, percusión e vento para achegar a música aos rapaces e animalos a tocar e a participar na Escola do Concello. Situando un instrumento en cada aula, os grupos de alumnos pasaron de forma rotatoria e en intervalos de 10 minutos para escoitar as explicacións e os acordes do piano, a batería e a guitarra. Finalmente, todos xuntos congregáronse no salón de actos para escoitar unha pequena actuación dos profesores, xa con todos os instrumentos. Dende o Centro queremos agradecer o interese da Escola Municipal de Camariñas por achegar a música ás aulas, unha experiencia que entusiasmou tanto ao alumnado como ao persoal docente.

É por dereito propio a avoa do Concello de Camariñas, e case con toda seguridade da Costa da Morte... e aínda de Galicia porque atopar a alguén que chegue a idades tan lonxevas ven a ser case un imposible. Seguramente alá polo Cáucaso (Xeorxia, Nagorno-Karabaj, as repúblicas rusas...) entre montañas remotas, desfiladeiros intransitables, a alturas inalcanzables, sabios anciáns de longas barbas, bíblicas, respetables matronas, xerme de interminables proles existan exemplos semellantes. Aquí, por mor das nosas singularidades inclasificables todo ven acontecer a dous pasos do mar: prácticamente ao seu mesmo nivel, sen necesidade de alturas insondables nin de fríos árticos. Na parroquia da Ponte do Porto vive dende hai 110 anos fará este 24 de decembro Dª. Avelina Mouzo Leis e para conmemorar tal efeméride unha das súas bisnetas grabou un entrañable vídeo que Camarinas.eu procede a publicar con sumo gusto. O duns veciños orgullosos de ter ao seu carón á qe constitúe a auténtica avoa da Costa da Morte.

Dende o Consello Escolar do IES Pedra da Águia da Ponte do Porto remítennos unha contundente nota de prensa onde se mostran especialmente indignados polos continuos e descarados recortes neste centro por parte da Consellería de Educación da Xunta de Galicia. Uns recortes que, lamentablemente, están a ser máis continuos sobre os alumnos con máis necesidades educativas. Así, tal e como nos explican dende o consello escolar, a pesar de que o número de alumnos con necesidades educativas especiais se incrementou exponencialmente, tan só contan no centro cunha profesora e media para atendelos (malos presaxios para o futuro destes rapaces). Recalcar tamén o inxustificado da reducción do profesorado xa que dende o curso 2009/10 ata o actual o recorte no número de docentes foi dun 30% cando a matrícula de alumnos tan só se reducíu nun 18%. Dende Camarinas.eu queremos dar o noso máis firme apoio a esta xusta causa que nos trasladan dende o Instituto da Ponte que ten por finalidade frenar esta inacabable sangría de recortes no que debería de ser un tema intocable e de máxima preferencia para calqueira goberno ao que lle interese minimamente o futuro de todo un pais: a educación dos nosos fillos.

O Consello Escolar do IES Pedra da Aguia de Camariñas, reunido de xeito extraordinario a mañá do luns, día 8 de setembro, e unha vez informado pola Dirección do centro da perda de tres profesores no presente curso escolar, manifesta o seu malestar e descontento ante esta decisión da Consellería de Educación. Considera que a perda continuada de profesorado incide negativamente na calidade do ensino e impide a organización e desenvolvemento dos apoios e axudas que os rapaces con dificultades necesitan para progresar no seu itinerario educativo. Existe unha contradición entre o que a Xunta propón como obxectivos educativos e o cadro de persoal co que dota ao centro para que se poñan en marcha. Este centro leva desenvolvendo durante varios cursos diferentes medidas: Plan de Mellora de Convivencia, Contratos-Programa(PROA), Programas de Diversificación Curricular e Seccións Bilingües, que haberá que suprimir por falta de profesionais que os impartan. O Consello Escolar considera necesario velar polos intereses da Comunidade Educativa e polo tanto adoptará medidas de presión para manter o equipo docente do curso pasado.

El arqueólogo subacuático Miguel San Claudio Santa Cruz y el escritor y delegado de la Real Liga Naval Española en la Costa da Morte Rafael Lema Mouzo recibieron la Medalla al Mérito Cultural de la Real Liga Naval Española el fin de semana en Madrid. También recibió esta mención el historiador coruñés y presidente de la Asociación Contraarmada Luis Gorrochategui Santos. La junta de gobierno de la RLNE el pasado 3 de febrero acordó conceder estos reconocimientos por la labor de tipo cultural y formativo de los premiados, tras haber solicitado la medalla para los tres el delegado en Galicia José Manuel Pato González. Las imposiciones tuvo lugar en el campus de la Universidad Camilo José Cela en una acto de gala seguido de un cóctel. Es la primera vez que se otorga esta condecoración que recibieron 17 personalidades de toda España.

Na mañán deste sábado 22 de xuño de 2013 recibíamos unha visita moi especial na nosa redacción. Tratábase de dous amigos que despois de 38 anos de fatal separación gracias a Camarinas.eu volveron a encauzar os seus pasos. Una historia entrañable e con final feliz que daba os seus primeiros pasos un 30 de setembro de 2009, cando dende Buenos Aires unha fiel usuaria, María del Carmen Rodríguez Lema, poñíase en contacto con nos en búsqueda de axuda para atopar a un amigo da súa infancia na Arxentina, misteriosamente desaparecido a principios dos anos 70. Non tardaron en chegar as boas noticias acerca do paradeiro do amigo ausente, o porteño Manuel García Santos, e así un 15 de novembro de 2009, 45 días despois da anguriante chamada de auxilio, Camarinas.eu localizaba no seu barrio do Outeiro a Manuel e publicaba a súa fotografía nunha noticia na que se poñía a Maricarmen ao corrente da situación na que se atopaba o seu gran amigo.