Sociedade en Xaviña

Enter part of title 

Amosar # 5 10 15 20 25 30 50 100 Todos

• Misa de cabodano de Gustavo Carril en Xaviña este sábado 26 de xaneiro

  Cúmprense 12 meses exactos da traxedia que sacudíu á comunidade arxentina de Xaviña cando un 24 de xaneiro se producía a repentina morte do noso querido amigo Don Gustavo Carril aos seus 49 anos de idade. Falecía Gustavo, irmán de Manuel Carril, o coñecido empresario propietario xunto a súa esposa da tenda de electrodomésticos Master Carril de Xaviña, como dicíamos hai exactamente un ano e a súa familia quere recordalo na misa de cabodano que será celebrada na Igrexa Parroquial de Santa María de Xaviña. A ceremonia relixiosa celebrarase ás 17:00 horas deste sábado 26 de xaneiro de 2019 e a familia de Gustavo quere agradecer de antemán a asistencia ao cabodano de Gustavo Carril tráxicamente falecido hai un ano. A túa familia non te olvida, Descanse en Paz.

• Don Mario, o querido párroco de Xaviña, ingresado nun hospital da coruña

  Máxima preocupación en Xaviña: ese centro vital ao redor do cal leva xirando a vida social da parroquia durante estas últimas décadas está a pasar por un pequeño bache de saúde. En efecto, Don Mario, o seu entrañable cura párroco, leva ingresado dende hai uns días nun centro hospitalario da Coruña. As causas que motivaron o seu ingreso veñen determinadas por unha intervención de estómago que, por precaución, requeriron tal medida. Como consecuencia de esta situación, actualmente as misas diarias están suspendidas en Xaviña pero os reflexos que lle faltaron as autoridades eclesiásticas na declaración do 27 de setembro de 2017 da Conferencia Espiscopal, na que equipararon a un vulgar hataxo de golpistas separatistas cunha nación centenaria, vese que algúns deron por amortizada a España, sí fixeron acto de presencia nesta ocasión ca rápida designación do páter xaviñán retirado Don Lorenzo como sustituto do noso querido Don Mario. Porque a Don Mario, como a España, aínda lle queda muito camiño por recorrer. Recemos todos pola pronta recuperación do noso querido cura Don Mario.

• A xaviñana Mari Carmen Fernández protagonista do programa da TVG Vivan as Tardes

  Hai documentos visuais que constitúen si mesmos verdadeiros exemplos, deses que habería que mostrar nas escolas ou, tal vez máis apropiadamente, nos hospitais. Exemplos de como un ser humano cunha vida plena e satisfactoria vese golpeado do xeito máis inesperado polo infortunio e ten que sobrepoñerse dun xeito ata entón inverosímil á máis cruel adversidade. Soen ser estes documentos que estremecen, que tal vez un non gusta de ver, confiado como está á súa egoísta boa sorte. Pero ningún de nós está exento de semellantes zarpazos do destino. A xaviñana Mari Carmen Fernández tiña unha vida plena e satisfactoria, entendida ao modo xaviñán de levar unha carga inherente de duro traballo, ata que unha día de Nadal hai máis dunha década sufreu un ictus. De cómo se sobrepuxo a tan brutal e demoledora traxedia que levou sempre coa súa inquebrantable fé en Deus noso señor, de cómo encarou con esforzo e ilusión o seu futuro, e de cómo utilizou o encaixe como inseparable compañeiro de tan dura travesía, se ocupa a entrañable entrevista de que foi obxecto na TVG xunto ao seu esposo "O Jallejo" e o seu fillo Sergio Caamaño. Un documento de visión obrigada. Porque ningún de nós está a salvo de ser zarandeado polos hados do destino.

• LA XAVIÑANA SILVINA MUÑOZ PROTAGONISTA EN EL ENCUENTRO DEL PROYECTO REN EN PELLEGRINO PARMENSE, ITALIA.

  La joven emprendedora Silvina Muñoz, propietaria de una panadería y pastelería artesana, viajó a la ciudad italiana de Pellegrino Parmense para asistir al encuentro local del proyecto REN, red de municipios rurales europeos en el que participa el Concello de Camariñas.

• Cena Baile da comisión de festas de Santa Mariña

  A renovada comisión de festas de Santa Mariña ven de organizar para este sábado 6 de decembro de 2014 unha cea baile no Ristorante O Ariño de Xaviña co obxectivo de achegar uns cartiños para a próxima cita festeira dunha das vilas mariñeiras máis coquetas da Costa da Morte. A cena, que estará amenizada por un dúo musical, contará con un sinxelo aínda que apetecible menú no que se servirá en primeiro lugar uns entrantes variados. Xa despois, ben parapetados na mesa todos os comensais, comezarase co reparto do rancho que consistirá en gambas á plancha e churrasco de porco e de tenreira con guarnición e ensalada para despois finalmente culminar con un cafeíño para relaxarse uns e para despexarse os máis bailadores antes de que comece a sesión musical. Todos aqueles que desexen acudir a esta cita para beneficencia da famosa Festa de Santa Mariña poden chamar ao 672 04 19 63 para confirmar a súa asistencia.

• Primeiro Aniversario de Roberto Castro Tajes

  Este próximo sábado 6 de decembro de 2014 a partir das 17:00 horas celebrarase na Igrexa Parroquial de Santa María de Xaviña o primeiro aniversario do pasamento do noso amigo Don Roberto Castro Tajes. Máis coñecido como Roberto de Brañas Verdes, finou tristemente un 1 de decembro de 2013 aos seus 59 anos de idade despois dunha dura loita contra unha fatal enfermidade que ao final levouse por diante a vida do noso querido amigo. Para todos aqueles que queiran asistir ao funeral de Roberto contarán con servicio de dous autobuses que sairán un dende Camelle ás 16:00 horas pasando por A Ponte do Porto, O Allo e Dor e outro transporte que sairá dende Carantoña á mesma hora e que pasará recollendo a todas as persoas que desexen asistir ao funeral de Roberto polas localidades de Santa Mariña, Brañas Verdes e Camariñas. Roberto Castro Tajes, sempre na nosa memoria. Descanse en Paz.

• Silvina Muñoz, nova colaboradora de Camarinas.eu

  Camarinas.eu suma unha nova colaboradora nómina á máis prestixiosa nómina de firmas da Costa da Morte. Trátase a xaviñana de adopción Silvina Belén Muñoz, natural de Mendoza, na Arxentina, que rexenta con notable éxito de crítica e público dende hai un tempo un local propio de repostería e pastelería en Xaviña. Toda unha revolución gastronómica que causa furor nos paladares máis esixentes. Escribirá Silvina un artigo semanal en Camarinas.eu sobre repostería ou sobre calquer outro tema que teña a ben, e representará esa porción tan sacrificada da actual sociedade española, ese sector sobre que se fai descansar o peso económico de toda unha nación, o do empresariado autónomo, que loita duramente día a día por tentar saír adiante. Pero mellor será que sexa a propia Silvina a que nos conte a singular singladura que a levou a ser colaboradora de Camarinas.eu.

• O xaviñán Félix García Ínsua con Loquillo

  Este pasado xoves 24 de xullo de 2014 tiña lugar nunha abarrotada Praza da Quintana un concerto do veterano músico Loquillo. Xa sin Los Trogloditas, sin a presencia do guitarrista e compositor Sabino Méndez, hai anos que Jose María Sanz Beltrán decidío continuar en solitario a sú aventura musical, un campo onde a súa forte personalidade e compromiso o levou a ser un auténtico quebradeiro de cabeza para o sectario e archifanatizado sector do nacionalismo independentista catalán. Alleo ás críticas, insultos e persecución na súa propia terra, Loquillo continúa a levar a cabo o seu tour veraniego por España adiante e así na noite de autos recalaba na Praza da Quintana, en plena capital compostelana, onde a un público de variadas xeracións lle regalaba un impresionante concerto. Despois, para ir ata o mellor local da noite santiaguesa, non tivo que andar moito: xusto alí ao carón do seu escenario o esperaba un templo nocturno, La Quintana, exemplarmente comandado polo empresario xavñán Félix García Insua. Á interminable lista de invitados de honor do seu local, Félix deberá engadir a partires de agora a presencia dun rockeiro dos vellos tempos, un rocker de tupe e cazadora negra que a lomos dun cadillac solitario leva repartindo boa música polas terras de España dende a friolera de 35 anos.

• Cartel del Primer Festival del Legado del Tibu en Xaviña

  Pois xa está aquí, o flamante cartel do primeiro Festival do Legado del Tibu que se celebrará o próximo 12 de xullo de 2014 na área recreativa da Praia do Ariño en Xaviña. O encargado de organizar todos os detalles do evento que promete xuntar a centos de persoas na milenaria parroquia de Xaviña non é outro que o noso querido amigo Félix García Ínsua, hostaleiro de éxito xaviñán en Santiago de Compostela e ás Rías Baixas.  Como decimos, o acto realizarase este próximo 12 de xullo e contará coa actuacións dos mellores Dj´s a partires das 23 horas. Así mesmo, realizarase unha espectacular pulpada e churrascada amenizada por varios grupos musicales de éxito. Desde Camarinas.eu queremos felicitar a todos os nosos amigos integrantes da Asociación LEGADO DEL TIBU por esta gran iniciativa. Para informarse mellor vos recomendamos ler o cartel que nos mandan nosos colegas Félix García e Damian Pereira.

• A lenda de Damián Pereira espándese, o legado sae nos informativos nacionais

  Sigue extendéndose a lenda de Damián Pereira "Tibu" por toda a xeografía galaica sin solución de continuidade e agora traspasa xa as fronteiras dos Ancares. Desta vez o medio de comunicación que se fai eco desta impresionante actividade viral é o canle de ámbito nacional Cuatro que no seu informativo desta tarde venres 30 de maio de 2014 adica unha pequena reportaxe sobre o #Legadodeltibu na que os reporteiros da canle privada contan a impresionante repercusión desta na cal xa se contan por miles de persoas os que se mollaron por conta de non pagar unha suculenta mariscada aos seus nominadores. Damián Pereira"Tibu", o responsable de toda esta festa social, falaba para os micrófonos dos informativos dende o aeroporto de Santiago de Compostela, ata onde chegou dende terras helvéticas para presenciar o vital partido de fútbol da Liga Adelante entre o Deportivo e o Xaen. De saír victorioso o conxunto coruñés éste conseguiría o ascenso directo a primeira división do fútbol español e, como levan dicindo moitos dos membros do grupo #LegadodelTibu en facebook, sería unha gran oportunidade para lograr facer un mega legado na fonte de Catro Camiños para celebrar dito ascenso. O legado parece non ter límites e son cada vez máis as mostras de recoñecemento dende todos os medios de comunicación que se fan eco desta festa acuática que o noso amigo Damián Pereira, veciño de Xaviña e residente en Suiza, levou ata convertila nunha lenda.

• Legado del Tibu, Pichurri nominado por Camarinas.eu

  As nominacións sucédense sen solución de continuidade e acaban chegando ata as máis altas xerarquías. Unha vez posta en marcha a maquinaria acuática infernal do Legado del Tibu era cuestión de tempo que importantes persoeiros municipais acabaran véndose contra a espada ou a parede (esto é, a mariscada ou a pingadura). Incluso algún que agazapado na súa cálida guarida sureña confiaba en que escampase sen maiores complicacións acabou condeado a un riguroso pelotón de fusilamento en forma de xélido mangueirazo a presión. O reo condeado en virtud de nominación sumaria dictada polo Presidente do Tribunal Revolucionario de Camarinas.eu, Diego Alonso Freire, non foi outro que un dos redactores históricos desta redacción, Zhúkov, o cal nun vídeo premonitorio, nun día que acabaría por entrar na leyenda, cunha interpretación digna do Método Stanislavsky, cumprío co rito e fixo as súas impactantes nominacións: dous antigos colaboradores de Camarinas.eu, Lucía Carril Ageitos e o broker porteño José Manuel Souto Bello e... o Alcalde de Camariñas, baixo forte pena de pago dunha suculenta mariscada nun dos elitistas ristorantes de O Grove. E eso como di o vídeo, colegas, non é moco de pavo... ¿Aceptará o Alcalde de Camariñas o guante lanzado pola redacción de Camarinas.eu? Que siga la fiesta.

• Damian Pereira O Tiburón do #legadodeltibu fala para Camarinas.eu

  A gran persoaxe do momento fala para Camarinas.eu. Faino en exclusiva, como corresponde ao principal medio de comunicación da Costa da Morte, a través dun vídeo especial no que dende Suiza o creador do maior fenómeno de masas que se lembre neste remoto recuncho atlántico pasa revista ao xa realizado e adianta os seus vindeiros pasos. Estaba lonxe de imaxinar o xaviñán Damián Pereira, Tiburón para os seus amigos, ata onde chegaría o #legadodeltibu, que centos, miles de persoas, gustosas, aceptarían tras ser nominadas un baño de auga xeado a cambio de non pagar unha suculenta cea. Mariñeiros, comerciantes, parados, alcaldes, curas, etc... todos á auga. Un grupo en facebook que conta xa con máis de 1.000 integrantes. Pero non se contenta con elo e en esta primicia Damián nos adianta que entre as novedades que se avecinan xa se inclúe unha quedada masiva no Ariño para o mes de agosto, churrasquiño incluido, cando el esté de volta por estas terras, a posta a venta de camisetas oficiais de #legadodeltibu cuia recadación irá íntegra á Asociación de Loita contra o Cancro. Pero será mellor que volo conte, el, o creador da maior experiencia de ilusión colectiva da historia da Costa da Morte.

• La Torre, novo local do xaviñán Félix García Insua

  Continúa a expansión territorial e comercial do empresario xaviñán Félix García Insua. Non contento con rexentar os locais de moda da noite compostelana, La Quintana, El Santiagués ou o Bar Mazarelos, agora dou en conquistar novos territorios. Concretamente foise ata a Península do Barbanza, onde nunha das súas vilas máis fermosas, a Puebla do Caramiñal, inaugurou este pasado venres 11 de abril de 2014 o local "La Torre", nun concurrido acto ao que acudiron diversos representantes políticos tanto a nivel provincial como autonómico, o delegado de Philip Morris en España e demáis autoridades locais. Ubicado en pleno centro urbán da vila, nunha zona peatonal gran punto de afluencia de turistas conta "La Torre" cunha impresionante terraza de 30 mesas con capacidade para albergar ata 120 clientes. Un local en definitiva chamado a reinar de xeito inmisericorde sobre a movida dunhas das vilas máis coquetas de Galicia, alá pola banda norte da Ría de Arousa, aos pes mesmos do maxestuoso Monte da Curota e que significa un novo fito na expansión territorial de Camariñas, porque alí onde o noso amigo Félix abre un novo negocio conquista unha nova fronteira e ata alí chegan os dominios do Concello de Camariñas.

• Video dos Percebeiros Santamariñáns

   Dentro da memoria audiovisual do Concello de Camariñas se hai documento de valor excepcional, filmado no seu momento cunha profesionalidade exquisita, montado na fase de posproducción ca dilixencia propia dun orfebre e cun contido, en definitiva, inmortalizador dunha profesión, dun lugar e dunha época, ese foi o documental dos percebeiros de Santa Mariña grabado pola TVG alá polo ano 1999. Vinta e oito minutos de reportaxe que indaga na alma e conviccións que animaban nun coqueto recuncho da Costa da Morte a un pequeno grupo de profesionais a xogarse o pelexo ante o máis terrible dos mares.

• Un xaviñán no Mundial de Motociclismo

  O pasado domingo 29 de abril de 2012 o circo do Campeonato Mundial de Motociclismo facía unha parada no Gran Premio de Jérez e ao mesmo asistía como invitado especial un veciño procedente do Concello de Camariñas, en concreto da Parroquia de Xaviña. Estamos a falar do noso querido amigo Félix García Insua, o xoven empresario hosteleiro que dende maio de 2011 dirixe un dos locais máis exitosos de Santiago de Compostela: La Quintana. Precisamente, estar ao frente dun dos locais máis emblemáticos da hostelería compostelana, situado nun entorno de verdadeiro luxo, ao carón da mesmísma Catedral, foi a causa desencadeante de que a firma Philip Morris subministrara a Félix unha invitación especial para asistir ao maior espéctaculo motoclista da Terra: o Gran Premio puntuable para o Campeonato do Mundo que tiña lugar en Jérez.

• Festa da Praia de Xaviña 2010

  Pois posiblemente na parroquia máis católica deste concello, Xaviña, cando son chegadas as sagradas datas dos seus santos máis devocionados, os venerables habitantes desta terra antiga tiran a casa pola ventana, bótanse ás rúas, ás praias e aos camiños e todo é celebrar festas en honor do santo en cuestión. Esto puidémolo apreciar particularmente este domingo 25 de xullo ca celebración do Santiago Apóstol, Patrón de Galicia e das Españas, nunha espectacular Festa da Praia, o luns 26 ca multitudinaria procesión do Sacramento e ca festividade tardía do Carme de Xaviña, a celebrar este martes 27. Tres días de festividade relixiosa continuada e extenuante no medio dunhas paraxes bucólicas e paradisíacas. Tal vez entre tanta festa piadosa, os veciños da llanura xaviñana tiveron tempo de adicar parte das súas súplicas a rezar polas futuras andainas deportivas do Xaviña FC, club futbolero que da man do noso querido amigo Isaac fará a súa espectacular reentrada no competitivo mundo do fútbol profesional na campaña 2010-2011. E camarinas.eu, como todo o que acontece na parroquia máis extensa do Concello, alí estará para contar o que suceda por eses campos de Deus.

• Bautizo de Daniel Castro Castiñeira en Xaviña

  Nun día tan señalado para o calendario cristiano como o Domingo de Ramos, víspera de Semana Santa, tivo lugar na milenaria Igrexa de Xaviña o bautizo de Daniel, benxamín da parexa formada por Sergio Castro, percebeiro santamariñán, e Celestina Castiñeira Blanco, máis coñecida como Tina, unha xaviñana comprometida activamente co concello no que vive, o que a levou incluso a desempeñar o papel de concelleira por Xaviña nas filas do Partido Popular. O caso é que este fermoso rapaciño chamado Daniel tivo o privilexio de ser cristianado nun dos máis antigos e lexendarios templos que existen por estes pagos, o da Igrexa de Santa María de Xaviña, cumbre da arte románica no noso concello e unha das obras cimeiras da Costa da Morte, ademáis de que a súa entrada na gran familia cristiana prodúxose das sabias mans de Don Mario, o admirado e respetado páter da parroquia máis extensa do Concello de Camariñas.  Pois alí, acompañado dos seus pais, do seu irmán maior Serxio, de toda a súa familia e das ducias de devotos que ramo en man cumprían cun rito sagrado tivo lugar o bautizo de Daniel o Domingo de Ramos do ano do Noso Señor de 2010. ¡¡FELICIDADES DANIEL!!

• Festa da Praia de Xaviña 2009

  Toda a mala sorte que tiveron os camariñáns nas Festas do Carme cun clima sempre sorprendente e inesperado, aliouse este 25 de xullo cos nosos compatriotas xaviñáns e así estes organizaron dunha forma sinxelamente perfecta a festa de Santiago Apóstol, Santo Patrón de Galicia e das Españas, o home que supostamente cometería tantas matanzas de invasores mahometanos alá na Baixa Edade Media. E todo elo adobado ca minuciosidade, detallismo e dotes organizativas tan caras á milenaria alma xaviñana: grupos de baile, unha sardiñada xigantesca, actuacións, un sol de xusticia e un baño reparador. Posiblemente a mellor Festa da Praia que se recorda no fértil areal xaviñán en anos.

• Procesión do San Antonio de Xaviña 2009

  Camarinas.eu estivo este sábado 13 de xuño acompañando ao humilde e noble pobo de Xaviña na súa festa de San Antonio porque si unha das misións desta web como medio de comunicación máis importante da Costa da Morte é o de fomentar e promocionar as nosas festas máis importantes outro dos sinos de camarinas.eu é o de recuperar e mostrar a todos os miles de usuarios as festas máis humildes ou as tradicións máis antigas deste noso Concello de Camariñas.

• Sergio Caamaño, 27 anos. Delegado Desenvolvemento

  Grande como un estado norteaméricano, así é a nosa querida parroquia de Xaviña. Múltiples son as divisións e subdivisións da explanada Xaviñana. Precísamente, nun dos seus innumerables lugares, o Lugar de Cruceiro, naceu o invitado desta semana do Top Camariñas: Sergio Caamaño. Político nato, este Cáncer de 27 anos, pelo negro e ollos marróns é na actualidade o Concelleiro de Desenvolvemento Económico e Servizos Públicos do Concello de Camariñas polo PsdeG-PSOE. Ou como lle gusta dicir a él con orgullo: "O Concelleiro de Xaviña". Despois de uns anos compaxinando estudos e traballo na Coruña finalmente, no ano 2005 Sergio voltou a súa querida terra e dende aquela é un membro activo de todos os movimentos sociais e veciñais que impulsan o desenrrolo de Xaviña. Sempre moi interesado no mundo rural e a súa problemática, sendo Presidente da asociación cultural "Abrindo Rejo" e tamén Secretario da "Asociación de Veciños de Xaviña", él considera que o principal logro acadado polo movimento veciñal xaviñán foi o de sacar aos rapaces da rúa, para iso foron básicos as diversas actividades culturais organizadas na parroquia de Xaviña: Torneos deportivos, biblioteca parroquial, a organización dos festexos de Carnavais e San Xoán, e sobre todo, o olliño dereito de Sergio, a súa obra predilecta: A Xoldra Enxebre. Como bo político (chamado a grandes xestas), supo zafarse e encaixar ben os golpes que dirixío o xornalista:

Páxina 1 de 2

• Comezo
• Prev
• 1
• 2
• Seguinte
• Fin