• O noso Cura en estado grave: RECEMOS TODOS POR DON JESÚS

    Segundo fontes da máxima credibilidade ás que acaba de ter acceso Camarinas.eu, o Cura Párroco de Camariñas Don Jesús Nieto Baneira estase debatindo nestes intres entre a vida e a morte como consecuencia dun infarto de miocardio. Todo comenzaba cando esta tarde o lexendario páter camariñán achegábase ata o Hospital Virxe da Xunqueira de Cee por mor de facerse unhas probas. Unha vez alí, era derivado de inmediato ata o antigamente chamado Hospital Juan Canalejo da Coruña onde xa foi  ingresado na Unidade de Cuidados Intensivos (UCI). Pouco máis estamos en condicións de decir nestes momentos, cabe só confiar na probada competencia  e solvencia dos facultativos do hospital herculino, na modernidade das súas instalacións e rezar, rezar por este bo cristiano, gran católico e mellor persoa que dende hai aproximadamente un cuarto de século ven desenrolando de maneira exemplar o seu maxisterio de pastor de almas na parroquia camariñana. Máis de 25 anos leva Don Jesús rezando por nós, tócanos a nós agora rezar pola súa pronta curación.
  • Exitosa cena Benéfica a prol da AECC de Camariñas

    Un ano máis a cidadanía de Camariñas volcouse no seu compromiso a prol da loita contra o gran mal do noso tempo: o Cancro. Foi nunha exitosa e concurrida velada onde destacaron as artes distinguidas, señoriais e cercanas do noso amigo José Luis Blanco Campaña que exerceu de insuperable mestre de ceremonias. Ao seu carón a Presidenta da Agrupación Local da Asociación Española Contra o Cancro, María Pilar Insua, e as forzas vivas do concello co seu alcalde Pichurri ao frente. Pero sobre todo centos de camariñáns que entusiastas un ano máis quixeron aportar o seu gran de area nesta loita titánica, coraxuda e infatigable contra un enemigo letal e inmisericorde. Sen embargo, vendo o exemplo dunha humilde vila atlántica perdida nos confíns oceánicos contra este gran Leviathán, un pensa esperanzado que o ser humano acabará, nun futuro non moi lonxano, por sair victorioso desta batalla.
  • Procesión do Encontro de Xesús da Semana Santa en Camariñas

    Nos mesmos días en que procesións de distinto tipo se suceden sen solución de continuidade por toda a xeografía de España, este venres 3 de abril Camariñas non podía ser unha excepción e celebrou unha fermosa conmemoración na que Xesús e a Virxe María acababan por reencontrarse e compartir a súa dor. En efecto, na mañán deste Venres Santo 3 de abril Camariñas procesionou, palabra esta nova que sen que se saiba moi por quén por qué ven de poñerse de moda. Como case todas as estupideces gramaticais ou de pensamento que inexorable e fatalmente acaban por facer sorte e extenderse como a pólvora pola nosa torturada xeografía nacional, de seguro que foi ideada pola prensa patria: nesto o xornalismo segue os derroteiros do resto do país e o seu nivel non pode ser máis lamentable. Procesionouse, sí, polas rúas de Camariñas e os máis incautos, non conscientes aínda da novidade, nin siquera o sabían. Limitábanse a facer o que xa levaban facendo toda a vida. P.D.: Gracias a nosa redactora Sefa Carril Rodríguez polas excepcionais fotografías que ilustran a presente noticia.

  • Bodegón O Percebe, un novo local hostaleiro en Camariñas

    A vila de Camariñas está a vivir neste comezo de primaveira un reflorecemento do seu tecido comercial con aperturas de novos establecementos que veñen, nalgúns casos, a cubrir espacios non ocupados nos seus respectivos sectores. Este é o caso da inminente apertura do Bodegón O Percebe, local especializado en bos viños e boas tapas que rexentan os nosos queridos amigos e veciños de Buría Eva e Pedro, ben coñecidos en terras helvéticas e que hai uns cantos meses decidiron deixar Suiza para voltar á súa terra e montar un negocio nun sector no cal teñen ampla e demostrada experiencia. Así se puxeron mans á obra e este venres 27 de marzo de 2015 inaugurarán por todo o alto o seu novo establecemento hostaleiro con un deseño e bo gusto espectacular ao que sumamos que este local está situado nunha das zonas máis bonitas de Camariñas como é o seu paseo marítimo. E será a partires das 20:00 horas cando poderemos degustar as riquísimas tapas e pinchos variados que teñen preparados Eva e Pedro para repartir gratuitamente entre os seus clientes regados con unha selección dos mellores viños dos cales os nosos amigos nos agasallarán con unha primeira copa. Pois dende a redacción de Camarinas.eu non nos queda máis que desexarlle toda a sorte do mundo a esta preciosa familia que decidíu apostar forte por labrarse un futuro na súa vila. Sorte e a traballar!
  • AXÚDANOS A GAÑAR UN CONCURSO DE RELATOS!

    Varios alumnos de 6º de Primaria do CEIP O AREAL presentamos uns contos a un concurso de "Microrelatos de La Voz de Galicia". O concurso é a nivel de todo Galicia, e gañará o relato máis votado durante a próxima semana en facebook. A gran dificultade e que competimos con rapaces de 1º,2º,3º e 4º da ESO. O relato gañador levará un premio e ademáis será publicado no xornal.  Por este motivo a continuación poñemos os enlaces dos nosos contos para que os podades ler e se vos gustan os votedes:
  • CELEBRAMOS O DÍA DA PAZ NO CEIP O AREAL DE CAMARIÑAS

    Este venres no Colexio de Camariñas tivemos un montón de celebracións relacionadas có Día da Paz no no CEIP O AREAL. Neste ano no que estamos a ver numerosas guerras no Mundo como as de Siria ou Ucrania, quixemos facer moitas actividades como forma de pedir que deixe de haber guerras. A Actividade principal deste dia foi a decoración dun tarro e a plantación dunha planta nel por cada grupo de infantil e de primaria.  Na imaxe da esquerda poden ver a planta de 6º, nela aparecen unhas semillas que forman a palabra amor, e delas saen un montón de flores representando que do amor poden saír cousas moi bonitas. E na foto da dereita podemos ver aos alumnos de 1º realizando a plantación no seu tarro. 
  • Primeiro Aniversario de Dona Balbina Ozón Suárez

    Este sábado 13 de decembro de 2014 celebrarase na Igrexa Parroquial de San Xurxo ás 11:00 horas o cabodano da querida veciña de Camariñas Dona Balbina Ozón Suárez. Dona Balbina faleceu tristemente o 5 de xaneiro de 2013 aos seus 91 anos de idade. A súa familia roga unha oración polo eterno descanso de Dona Balbina e agradecen anticipadamente a asistencia ao seu funeral de Primeiro Aniversairo. Descanse en Paz.
  • Programa do 3º Encontro de Corais de Camariñas

    Este sábado 8 de novembro de 2014 celebrarase na Casa de Pedra a terceira edición do Encontro de Corais de Camariñas. Esta exitosa cita musical levada a cabo polas mulleres do Coro Municipal Brisas do Mar de Camariñas coa inestimable colaboración do Concello de Camariñas terá lugar, coma sempre, na Casa de Pedra da Vila das Palilleiras a partires das 20:00 horas. Contará coa actuación da Coral Aires Bergantiños de Carballo, Coral Areosa de Narón e para finalizar as nosas mulleres do Coro Municipal Brisas do Mar de Camariñas realizarán unha exibición do seu bo facer musical. Unha cita esta terceira edición que se caracterizará tamén pola ausencia dunha das grandes impulsoras deste xa clásico encontro, a Concelleira tan recordada e querida en Camariñas Mari Carmen Linares Chica que de seguro sentirá dende a súa actual residencia en Málaga non poder estar coas súas grandes amigas do Coro Municipal de Camariñas. En todo caso alí estará Camarinas.eu para realizar unha ampla reportaxe do acto para que A Malagueña e todos os Camariñáns que andan polo mundo adiante podan ver todo o acontecido nesta terceira edición do Encontro de Corais de Camariñas.
  • A Danza de Arcos representada polos nenos das actividades de verán do Concello

    Dentro da gran labor que están a realizar os monitores de verán do Concello de Camariñas, a do día de hoxe quedará para enmarcar. Imbuidos polo ambiente festivo que se apodera da Vila das Palilleiras nos días previos a Festa do Carme, decidiron disfrazar aos pequenos de arqueiros da Danza de Arcos e dende o Pavillón Municipal de O Areal fixéronos bailar por toda Camariñas ata o seu porto e despois volta cara arriba. Unha labor que enchío non só de ledicia e ilusión aos máis pequenos senón tamén de orgullo aos maiores, tanto os monitores como todos os transeúntes que tiveron a sorte a contemplar unha estampa que quedará para a historia. A do día na que bailaron polas rúas de Camariñas por vez primeira os arqueiros do futuro.
  • Homenaxe das mulleres do Coro Municipal de Camariñas á Malagueña

    Este martes 24 de xuiño de 2014, Festividade de San Xoán, tomaba camiño dende Camariñas hacia o seu novo destino a nosa amiga María del Carmen Linares Chica. A Malagueña de Buría trasladábase onte xunto a toda súa familia cara Malaga por mor de diversos motivos persoais. E foi por esto polo que as mulleres do Coro Municipal de Camariñas "Brisas do Mar" quixeron homenaxear toda a inxente labor que A Malagueña ten desenrolado dentro do Concello de Camariñas como concelleira do grupo municipal socialista para levar a diante tantos e tantos proxectos como o destas mulleres camariñanas que quixeron recoñecer esa labor. Mari Carmen, quixo retratarse nese día con todas e cada unha destas muilleres para ter un recordo de tan grata relación que se mantuvo durante tantos anos e nos, dende Camarinas.eu tamén nos queremos unir na homenaxe desta a que será para sempre a nosa Malagueña de Buría. Boa viaxe! Voltaremos a vernos!
  • Cena do Cáncer de Camariñas 2014

    O pasado sábado 14 de xuño de 2014 tivo lugar cun clamoroso éxito de asistentes a Cea da Asociación Española Contra o Cancro 2014 en Camariñas. A entidade presidida pola xaviñana Pilar Insua reunío no Restaurante Catro Ventos ata 250 veciños que deste xeito quixeron aportar o seu gran de area contra o que é o gran mal do noso tempo. Foi a partir das 21:30 horas cando comenzaba este entrañaba acto que remataba co sorteo de diversos regalos donados desinteresadamente por comercios da vila. Entre os asistentes podíamos constatar a presencia dunha importante comitiva oficial que asemesmo prestaban o seu apoio á labor exemplar e necesaria que presta no noso concello unha asociación que fai da axuda aos demáis, a aqueles que pasan polo trago máis duro das súas vidas, a súa razón de ser.
  • O Coro Municipal de Camariñas "Brisas do Mar" estrea novo vestiario subvencionado pola Deputación Provincial da Coruña

    Dende hai uns anos destaca no eido cultural a impresionante labor desenrolada en Camariñas polo Coro Municipal. Xa non só nos diversos actos celebrados no noso concello, senón tamén en todas aquelas terras que teñen a sorte de ser visitadas por unha agrupación musical que destaca pola impresionante calidade das súas interpretacións musicais. Un dos derradeiros exemplos desta aseveración puidemos comprobala na V edición do Certame de Corais da Costa da Morte, celebrado recentemente en Vimianzo, evento no que participaron xunto a outras corais como Brisas do Mar de Corme, a Polifónica Municipal Atalaia de Laxe e Lusco e Fusco de Vimianzo. Ca presencia dos alcaldes de Camariñas e Vimianzo e ante 200 persoas, ademáis de polas sentidas pezas interpretadas polas mulleres camariñanas se por algo destacou o acto foi por dúas detalles entrañables: o primeiro polo estreo da nova vestimenta das integrantes da Coral Municipal, subvencionada integramente pola Deputación Provincial de A Coruña, e por outro pola sentida homenaxe que lle renderon interpretando a canción "El adiós del soldado" á malagueña Mari Carmen Linares Chica, a persoa que dende a súa Concellería de Servizos Sociais máis fixo para que a nosa Coral sexa a firme realidade que hoxe en día encandila auditorios ao longo de toda Galicia. Mari Carmen, vaise, volve a súa terra, pero deixará un legado que será lembrado durante anos.
  • Videos promocionais da XXIV Mostra do Encaixe de Camariñas

    Un ano máis Camarñas engalánase para a mellor das Mostras e unha vez máis tamén a implicación de Camarinas.eu na mesma será total, absoluta, sen resquicio algún á improvisación nen ao descanso. Unha cobertura que nesta 24º edición do principal certame encaixeiro a nivel mundial será exhaustiva e que incluirá, ademáis da publicación diaria de canta novidade e noticia aconteza dentro do recinto da Mostra, un módulo especial en exclusiva para as notas de prensa que se vaian emitindo en relación do certame encaixeiro. E para ir quentando motores procedemos a publicar dous documentos gráficos que amosan ben ás claras o que significa a Mostra do Encaixe de Camariñas: o vídeo resumen do ano pasado, elaborado precisamente por Diego Alonso Freire, e o spot promocional da presente edición. Será do 16 ao 20 de abril de 2014 cando o principal acontecemento que sacuda as terras de Galicia aconteza na precisamente por elo chamada Vila das Palilleiras e alí, para a dar máxima promoción xornalística á mesma, estará Camarinas.eu. En corpo e alma ca nosa Mostra do Encaixe.
  • Dúas camariñanas no Concurso de Xoves Deseñadores da Mostra 2014

    Despois da presentación do que será o Cartel da Mostra do Encaixe do 2014, outro dos máis importantes fitos sinalizadores na conta atrás para o que constitúe por dereito propio o maior certame encaixeiro a nivel mundial soe ser o da publicación dos finalistas do Concurso de Xoves Deseñadores. Nun evento que nestas derradeiras edicións convertíose nunha pasarela privilexiada, nun escaparate internacional de prestixio para deseñadores de certo renome e para as promesas que pulen duro para gañarse un posto entre o máis granado do escalafón da moda, ata dúas camariñanas lograron abrirse paso e figurar no listado definitivo de 28 aspirantes, tras unha criba final de ata de 67 nomes: María Dolores Campaña López, na capital municipal, e Cathy Mouzo de León, en Xaviña. Deberán competir polo prestixioso título con contendentes chegados do resto de España e Portugal, animados moitos deles por algunhas das escolas de deseño de moda máis reputadas da Península Ibérica. Deste xeito as máis selectas, granadas e elaboradas composicións desfilarán un ano pola pasarela máis prestixiosa do encaixe internacional nunha competencia da que esperamos que gañen os mellores. E si resultan ser de Camariñas, pois moito mellor.
  • O CNC non responde aos seus socios

    Continúan a chegar malas noticias dende o Club Náutico e o camiño emprendido pola súa Xunta Directiva. Se en datas anteriores alertábamos sobre a execución de obras dentro do seu recinto sen a previa concesión de licenza municipal, obras precisamente adxudicadas á empresa familiar dun dos vocais da Xunta, sobre o silencio oficial respecto ao limbo xurídico no que se mantén unha Xunta Directiva non ratificada por asamblea algunha, sobre un local que por momentos parece unha taberna de colegas onde o seu máximo dirixente exercería de camareiro, ou respecto da escasa ansia cobratoria das débedas pendentes, agora temos que constatar con tristeza como a actual Xunta Directiva desprecia olímpicamente a parte da súa masa social, aquela que se mostra máis combativa, e non se digna responder ás solicitudes de información de socios de número da entidade. Algo nunca visto que sirve para constatar (tal e como xa alertara esta redacción no seu momento) a existencia de socios de primeira (os fieles) e socios de segunda sen précticamente ningún dereito máis alá do de pagar a súas correspondentes cuotas, eso sí (os disidentes). Algo vergonzoso e escandaloso nunha entidade que se pretendía exemplar e senlleira no ámbito náutico galego. Os comportamentos dictatorais xa están aquí.
  • Unha camariñana no Trono de Holanda

    A bomba surxía hai escasos días cando un dos diarios decanos da prensa española, o Faro de Vigo, publicaba no seu especial dominical unha reportaxe que examinando concienzudamente a árborea xenealóxica da nova Raíña de Holanda, a arxentina Máxima Zorreguieta Cerruti, descubría unhas posibles orixes galegas da mesma. A sorpresa estalaba en toda a súa inmensidade ao constatar que a muller que reinará sobre unha das nacións máis sobranceiras e destacadas de Europa proviña nin máis nin menos que de Camariñas. Así o establecen sen ningún xénero de dúbida as Actas da XI Reunión Americana de Geneaología e a web internacional de xeneaoloxía www.genealogiafamiliar.net, os cales certifican esta nova exclusiva, todo un auténtico bombazo xornalístico, que Camarinas.eu trae ata o gran público da Costa da Morte.
  • 2º Encontro de Corais en Camariñas

    Se non o evita unha nova denuncia interposta polo PP de Camariñas a través de calqueira dos seus testaferros habituais, este vindeiro sábado 4 de maio a partires das 20:00 horas celebrase na Casa de Pedra o 2º Encontro de Corais. Postos a sabotear todas e cada unha das iniciativas postas en marcha polo equipo de goberno municipal tal vez o vindeiro obxectivo a abatir será a música coral, quen sabe, o caso é que a ninguén lle extrañaría vista esta lamentable plaga que nos tocou aturar. En todo caso, e se non a sabotea a oposición municipal, no edificio multiusos camariñán daranse cita a Coral Polifónica Santa María de Cambre, a Coral Areosa de Narón e, como non, as mulleres camariñanas cen por cen producto nacional da nosa Coral Municipal, coorganizadoras deste maravilloso evento xunto ao Concello de Camariñas.
  • Clausura da Mostra do Encaixe do 2013

    En verdade a realidade non soe dar demasiados motivos para a innovación xornalística nunha vila como Camariñas: ano tras ano chegadas unhas determinadas datas soen repetirse o mesmo tipo de noticias, ás que xa pola forza do costume se lles da un tratamento máis ou menos idéntico. Quen sabe, seguramente sexa mellor así.  E un dos clásicos anteditos soe ser o acto de clausura da Mostra do Encaixe, noticia ca que aquí en Camarinas.eu damos en cada exercicio xusto remate a unha nova cobertura, sempre a maior e máis exhaustiva posible, da edición da Mostra do Encaixe. Unha noticia que soe ser publicada 10, 15 despois da finalización do maior punto de encontro encaixeiro a nivel mundial para ter a obrigada perspectiva ca que poder enxuizar a situación no seu xusto término.
  • Próxima Inauguración da Estatua á Virxen do Carmen de Camariñas

    Comenzou como unha sinxela iniciativa da Comisión da Festa do Carmen que acabou collendo vuelo gracias á implicación de Camarinas.eu e do Concello de Camariñas e que finalmente todo indica acabará sendo un evento chamado a pervivir durante décadas no imaxinario colectivo da Vila das Palilleiras. Elo acontecerá este sábado 22 de decembro de 2012 a partires das 14:00 horas cando teña lugar a solemne inauguración do Monumento á Virxe do Carmen no Paseo Marítimo de Camariñas. Máis ou menos en frente ao Gadis, ca bendición santa do páter Don Jesús e ca presencia estelar da Danza de Arcos. Unha hora antes, ás 13:00 horas, e tal e como mandan os cánones, celebrarase na Capela do Virxen do Carmen unha misa solemne en honor á Patroa de tódolos mariñeiros.
  • Nova Estatua para Camariñas

    No que constitúe unha nova exclusiva, Camarinas.eu está en condicións de adiantar que si Portos de Galicia non arruina a operación Camariñas contará en breve cun novo monumento que embelezca os seus rueiros. A Comisión da Festa do Carmen, liderada polo noso querido amigo Rubén Lema, ven en datas recentes de adquirir unha Virxen do Carmen de pedra coa intención de instalala de forma permanente no Paseo Marítimo, diante do Gadis. A estatua da Patroa dos Mariñeiros quedaría mirando cara o lugar onde a súa intercesión salvadora desprega os seus efectos benefactores, o mar camariñán, e se todo marcha ben e se obteñen os permisos correspondentes para o día 22 de decembro do exercicio en curso estaría prevista a súa inauguración oficial previa misa solemne de consagración.