• Continúan as Andainas do Carme de Camariñas 2019

    A Asociación Cívica, Cultural, Deportiva e Recreativa “Virxe do Carme de Camariñas” da comezo a súa temporada de andainas destinadas a recadar fondos para financiar as festas do Carme a través de prácticas saudables. A primeira delas será unha andaina entre Camariñas e a área recreativa do Ariño, na parroquia de Xaviña, que se celebrará o próximo 2 de xuño. A hora de saída será as 10 da maña dende a Praza de Insuela, diante da Casa do Concello, e a distancia a percorrer é de 14 quilómetros por un circuito que nunca perde de vista o mar e as marabillosas paisaxes da Ría de Camariñas. Ao remate, os andantes poderán degustar un xantar campestre que inclúe empanada, churrasco, postre, bebidas e café. As reservas poden facerse no teléfono 646 94 22 95 ou contactando con calquera dos membros da Asociación.

  • Video resumo da preestrea de Eu Son Camariñas

    Despois da multitudinaria preestrea de Eu Son Camariñas, o equipo creativo deste programa promocional do Concello de Camariñas ven de publicar no blog da súa web oficial o video do acontecido o pasado domingo 7 de abril na Casa de Pedra. Alí preto de 200 persoas se deron cita, a pesares da intensa chuvia, para ver en primicia o video-clip que ten en vilo a toda Camariñas. Neste acto foi o seu creador, Diego Alonso Freire, o encargado de explicar nunha interactiva e amena presentación en diapositivas de todo o programa.  A preestrea de Eu Son Camariñas contou tamén con varias sorpresas como a proxección dun video do mellor deportista da historia da Costa da Morte, o camariñán Víctor Vigo que tamén se uníu a este programa. E ao final, despois dos emocionados aplausos do público asistente, o equipo de grabación recolleu, nun escepcional video, a opinión dos protagonistas do spot así como dalgunhas das testemuñas que quixeron voluntariamente valorar este proxecto promocional. E aquí volo deixamos a continuación para que poidades ver o acontecido nese acto de preestrea do programa Eu Son Camariñas.

  • Un mercado de Nadal e Belén Vivente na praza de San Xurxo de Camariñas

    O Concello de Camariñas instalará este domingo, 23 de decembro, o espírito de Nadal na praza de San Xurxo. Alí levarase a cabo un Mercado de Nadal e un Belén Vivente no que se poderán gozar de diferentes propostas de ocio típicas desta época
  • Este sábado 8 de decembro Festa da Palilleira en Camariñas, a terra das palilleiras

    A VII da Festa da Palilleira de Camariñas de mañá, sábado 8 de decembro, promete ser un auténtico éxito. Nesta edición, espérase unha gran afluencia de artesás, procedentes, non só de toda Galicia, senón tamén do resto de España.
  • Camariñas continuará a ter servizo de pediatría no centro de saúde

    O centro de saúde do Concello de Camariñas continuará a contar cun pediatra a pesar de que á persoa que actualmente ocupa ese posto concedéuselle o traslado e abandonará a vila. Así llo confirmaron ao Concello de Camariñas desde o propio Sergas.
  • Hotel Playa de Camariñas, un soplo de aire fresco para o turismo de Camariñas

    Estas derradeiras semanas están sendo frenéticas para o xoven empresario camariñán Rubén Lema e familia. Despois dunha longa temporada de duros traballos están a piques de inaugurar o que será un dos máis atractivos hoteis de toda a Costa da Morte. Hotel Playa de Camariñas é o nome escollido por este xoven emprendedor da nosa vila para esta nova instalación hoteleira sita en plena praia de Area da Vila No que antigamente foi o Hotel Triñanes, pero cunha inversion importantísima que supuxo inha reforma do inmoble caseque total. Dende a instalación electrica ata os sumidoiros, todo se reconstruiu novamente dándolle un exquisito toque modernista tanto nas habitacións como nos demáis recunchos do hotel.
  • Domingo 27 de maio, Festa Popular do Foxo dos Lobos de Camariñas

    O domingo 27 de maio na zona de Reira de Camariñas, celebrase esta segunda edición da festa do Foxo dos Lobos. A asociación Dequenquen, o Concello de Camariñas e a Deputación da Coruña colaboran na realización deste evento que pon en valor un un dos patrimonios inmateriais e das construcións etnográficas máis singulares da provincia: o foxo dos lobos.
  • Paula Esteiro Ramos, nomeada Camariñana de Honra 2018

    A Asociación Cívica, Cultural, Deportiva e Recreativa “Virxe do Carme de Camariñas” acordou nomear á atleta camariñana Paula Esteiro Ramos, Camariñana de Honra 2018. Este recoñecemento, que se fai por primeira vez, pretende, con carácter anual e coincidindo coa festividade do Carme de Camariñas, recoñecer á persoa, entidade ou institución que represente mellor os valores camariñáns. 
  • Unha delegación de 70 persoas das Illas Baleares visitará esta fin de semana en Camariñas

    No último fin de semana deste mes de abril preto de sesenta persoas procedentes de Baleares visitarán Camariñas ocupando practicamente tódalas prazas hosteleiras da capital municipal. Este colectivo está formado po lo coro de "Mestres Cantaires da Universitat de les Illes Balears" que darán un concerto na Casa do Alemán en Camelle o domingo 29 ás 13 horas, e na igrexa parroquial de San Xurxo de Camariñas ás oito da tarde. Neste último concerto participará tamén o Coro Municipal de Camariñas. Nesa mesma data inauguraranse dúas exposicións de artistas baleares no Museo Man de Camelle.
  • Xunta de Galicia, a calada por resposta cara os veciños de Camariñas

    Segundo pudo coñecer de primeira man camarinas.eu, a Valedora do Pobo, Milagros Maria Otero Parga, ven de remitir un escrito á representante do colectivo que estivo recollendo sinaturas para demandar un transporte público digno e regular, María Jesús Freire Ramos. Neste escrito a Valedora do Pobo manifesta que, logo de reiterar a demanda de información sobre a denuncia presentada polo colectivo camariñán, a Consellería de Infraestrutura e Vivenda, de quen depende o transporte público, sigue sen dar resposta á Valedora. E van xa dúas demandas de información sobre o mesmo asunto sen que a Xunta de Galicia se dignase contestar ás demandas da Valedora.
  • Cabodano de Don Benedicto Tajes Romar

    Este 25 de novembro de 2017 conmemorarase o primeiro aniversario da morte do querido veciño de Camariñas Don Benedicto Tajes Romar, e despois dun triste ano de ausencia, a súa familia quere facer saber da próxima celebración da misa de cabodano. Esta ceremonia de cabodano realizarase, como dicíamos, o 25 de novembro ás 7 da tarde na Igrexa Parroquial de San Xurxo de Camariñas. A súa familia agradece enormemente a asistencia ao primeira aniversario da morte de Don Benedicto e rogan unha oración polo seu descanso eterno. Descanse en Paz.
  • O Coro Brisas do Mar actuará en Luar para conmemorar a traxedia do Serpent

    Comezan a brotar as diversas iniciativas para conmemorar o aniversario do afundimento do HMS Serpent na costa de Camariñas. A primeira da que damos a coñecer aquí trata da actuación do noso querido Coro Municipal Brisas do Mar de Camariñas como estrela invitada no programa Luar que se emitirá en directo na TVG este venres 10 de novembro. E centrará a súa actuación na interpretación a capela da mítica canción composta polo mestre xornalista camariñán Xosé Luis Blanco Campaña adicada aos afogados no naufraxio do Serpent nos baixos da Punta do Boi. 
  • Segunda reunión no Concello de Camariñas para afrontar o problema da drogadicción

    Esta mesma maña , as 11 h.no salón de plenos do Concello de Camariñas, tivo lugar a segunda xuntanza entre representantes do IES Pedra da Aguia, axentes da Policía Local, o sarxento da Garda Civil, as técnicas de servizos sociais, a Concelleira de servizos sociais e o Alcalde de Camariñas. O obxectivo destas xuntanzas e mellorar a prevención no consumo de drogas e, sobretodo, coordinar un plan de acción para facer frente a esta devastadora praga do noso século. Unha das primeiras vías de acción aprovadas nesta xuntanza foi a realizar tareas de  formación e información de pais, nais e xoves para evitar o consumo de estupefacientes, así como a coordinación cos distintos ámbitos de actuación.
  • O Coro Municipal de Camariñas busca novas voces femininas e masculinas

    O Coro Municipal Brisas do Mar de Camariñas coa colaboración da Concellalía de Cultura do Concello de Camariñas ven de abrir unha captación de voces para ampliar o número de participantes nesta xa consumada agrupación coral. A incorporación de novas voces femininas para redondear a xa ben conseguida variedade tonal do conxunto polifónico das nosas mulleres súmase agora a intención do director do coro de incorporar voces masculinas que lle dean o toque de tonos baixos e forza ás pezas interpretadas polo exitoso coro Brisas do Mar. Para elo a dirección desta coral camariñana planea un ensaio este 3 de outubro de 2017 ás 20:00 horas no Centro de Iniciativas Empresariais sito na Rúa Río do Prado, ao lado do Centro de Saúde de Camariñas. Todas e todos aqueles que desexen incorporarse a este exitoso coxunto musical poden poñerse en contacto coa dirección do Coro Municipal Brisas do Mar de Camariñas.
  • 17 mozos e mozas recibiron a confirmación en Camariñas

    Outro ano máis os rapaces de Camariñas que se estaban a preparar para recibir o sacramento da confirmación agradeceron a visita dende Santiago de Compostela do Vicario José Antonio Seone. Chegaba o vicario a Camariñas para celebrar esta importante misa pouco antes das 11:00 da maña nun día frío aínda que soleado que fixo de preludio a inevitable chegada do outono ata as nosas terras. Os rapaces, todos eles coas súas mellores galas aínda que algo nerviosos, estiveron á altura de tan importante evento sobretodo despois das sabias e entrañables palabras previas de Mary Luz Ramos, a gran catequista e mellor persoa que leva preparando a estes rapaces e rapazas para celebrar a súa confirmación. Palabras tranquilas e sinceiras que apaciguaron un pouquiño ese nerviosismo que se palpaba no ambiente. Así chegaba o momento máis importante da misa que oficiou con gran sabiduría Don José Antonio que, acompañado polo noso querido cura párroco Don Eduardo, dou a confirmación a un total de 17 rapaces de Camariñas, Camelle e Arou. Despois da misa chegou o turno das fotos que se fixeron os rapaces cos seus seres queridos. Un gran día para a comunidade católica de Camariñas que vío como 17 dos seus rapaces e rapazas se confirmaban na fé cristiana. Noraboa chavales!
  • Este venres comeza a II edición da Exporía de Camariñas

    Nesta nova edición da ExpoRía Camariñas o programa de actividades ofrecerá unha ampla oferta para gozar dun fin de semana en contacto coa cultura mariñeira. Entre as actividades organizadas está previsto a organización dun obradoiro-Itinerario medioambiental para rapaces e rapazas de 6 a 12 anos. Co cofinanciamento da Consellería de Educación e Ordenacion Universitaria da Xunta de Galicia. Neste obradoiros coñecerase a flora e fauna (aves) de Camariñas. Realizaranse os dias 19 e 20 de agosto de 11: 00 a 13:00 e requirese inscrición previa. Como continuidade dunha das grandes novidades da primeira edición da ExpoRía de Camariñas está previsto a organización do Campionato de Pesca do Calamar. Segunda edicion deste campionato no Peirao de Camariñas o venres 18 de agosto dende ás 10 da noite. Un concurso de pesca que fará as delicias de gran parte da afición calamareira da vila das palilleiras.
  • A estatua homenaxe a Don Jesús pronto será unha realidade en Camariñas

    Esta edición da nosa Festa do Carmen será un pouco máis especial sobre todo para todos os feligreses da parroquia de San Xurxo de Camariñas. Entre as ausencias que todos teremos presentes na nosa memoria nestes días tan sinalados o pobo de Camariñas poñerá de menos especialmente ao que foi o seu cura durante cáseque 20 anos. E así o quixo homenaxear a comisión de festas con un acto en memoria de Don Jesús Nieto Baneira na véspera do que será o día grande do Carmen 2017. Prolegómeno do que está a vir, xa que a estatua homenaxe ao páter tristemente falecido hai varios meses comeza a tomar forma definitivamente. Despois de que un grupo de veciños se puxera mans a obra para promocionar esta homenaxe para o noso amigo Don Jesús e, sobretodo, para recaudar o importe necesario que sufrague o busto conmemorativo a semellante ser humano que nos guiou espiritualmente durante os derradeiros 17 anos, todo apunta a que en poucos meses contaremos con ese monumento no atrio da nosa igrexa. Tanto é así que os promotores desta homenaxe ao noso querido Don Jesús piden un último esforzo a todos aqueles que desexen colaborar nos donativos para costear o importe total que implica un traballo tan riguroso e especial como o de recrear exactamente o rostro dunha persoa . Os interesados en colaborar económicamente e darlle o último empuxón a esta xusta iniciativa popular tan só teñen que dirixirse ás oficiñas do Banco Sabadell (antes Banco Gallego) de Camariñas e alí mesmo os asesorarán para facer efectivo o donativo en só uns minutos. Para todos aqueles que non podan acudir persoalmente ao banco poden facer o donativo mediante a banca electrónica no seguinte número de conta: IBAN ES 6600812140110006205434. Ao rematar de recaudar os fondos necesarios publicarase a lista de donativos nesta mesma web para que todo o mundo teña constancia do seu aporte. Tan só nos queda un pequeno pasiño para honrar a memoria do noso querido amigo Don Jesús. Entre todos vámolo a facer posible.
  • Vecinos de Camariñas entregan 1.300 firmas para demandar una mejora en el transporte público

    Vecinos de Camariñas entregaron esta mañana 1.300 firmas en la Consellería de Política Territorial, Obras Públicas y Transporte para reclamar un mejor servicio en las líneas de autobús público en esta localidad. En el escrito entregado demandan que se cumpla con el expediente de reestructuración llevado a cabo por las empresas Monbús, Autos Vázquez y Aucasa, tras la segregación de Arriva, y que se haga cumplir la Ley de Transportes de Galicia aprobada en 2013. “Que podamos tener un servicio acorde con las necesidades de las citas al hospital comarcal Virxe da Xunqueira, así como una línea a las ciudades de Santiago y A Coruña”, reclaman los afectados. Los vecinos de Camariñas llevan tiempo demandando una mejora de este servicio, ya que es muy complicado desplazarse hasta otros lugares de la comarca y hasta las ciudades debido a la escasez de líneas.
  • EXPOPEQUES, un salón de comunión e bautizo en Camariñas

    Un grupo de emprendedores, profesionais e artesáns do sector servizos da Costa da Morte veñen de crear un salón aberto a todos os cidadáns no que se dará visualización a todo o relativo coa organización dos eventos familiares dos máis pequenos. Un experimentado grupo de profesionais do sector foron os que idearon o salón chamado ExpoPeques para dar saída á estresante tarefa de organizar con éxito un evento tan importante na vida dos nosos fillos.
  • O noso Cura en estado grave: RECEMOS TODOS POR DON JESÚS

    Segundo fontes da máxima credibilidade ás que acaba de ter acceso Camarinas.eu, o Cura Párroco de Camariñas Don Jesús Nieto Baneira estase debatindo nestes intres entre a vida e a morte como consecuencia dun infarto de miocardio. Todo comenzaba cando esta tarde o lexendario páter camariñán achegábase ata o Hospital Virxe da Xunqueira de Cee por mor de facerse unhas probas. Unha vez alí, era derivado de inmediato ata o antigamente chamado Hospital Juan Canalejo da Coruña onde xa foi  ingresado na Unidade de Cuidados Intensivos (UCI). Pouco máis estamos en condicións de decir nestes momentos, cabe só confiar na probada competencia  e solvencia dos facultativos do hospital herculino, na modernidade das súas instalacións e rezar, rezar por este bo cristiano, gran católico e mellor persoa que dende hai aproximadamente un cuarto de século ven desenrolando de maneira exemplar o seu maxisterio de pastor de almas na parroquia camariñana. Máis de 25 anos leva Don Jesús rezando por nós, tócanos a nós agora rezar pola súa pronta curación.