• Proxecto para a reparación da vía do faro de Camariñas

    Esta pasada fin de semana o goberno local do Concello de Camariñas mantivo unha reunión coas autoridades portuarias responsables da vía que comunica a vila de Camariñas co seu faro. Nela o responsable do proxecto, Martín Fernández Prado, transmitiu a súa firme intención de acelerar o proceso de redacción do plan de acción asegurando que so faltan os últimos detalles para rematalo. Unha vez finalizado presentarase para a súa licitación e iniciar canto antes as obras.

  • Aprobada a construción do primeiro albergue turístico no Concello de Camariñas.

    Onte, venres 28 de Maio, aprobouse en Xunta de Goberno Local do Concello de Camariñas a concesión da licencia para a construción do primeiro albergue turístico do municipio. Este situarase na zona da Area da Vila e terá como nome “Devalar do Mar”.

  • Nova proposta para a senda da Punta dos Castros

    No mes de Xaneiro o Concello de Camariñas propuxo un plan para realizar unha senda na ribada da Punta dos Castros e, deste xeito, poder conectar a zona da Area da Vila coa praia de Lingunde. Porén, este foi rexeitado polos expertos en arqueoloxía da Dirección Xeral de Patrimonio da Xunta de Galiza alegando que o estudo previo realizado sobre o terreo era insuficiente. O motivo dese rexeitamento foi que por onde se situaría a senda ao finalizar o proxecto podería ser un terreo que gardara restos arqueolóxicos a unha maior profundidade da que se estudo polo de agora.

  • Proposta para a reposición do firme de Reira.

    Unha cuestión recorrente no Concello de Camariñas é a vía de 12 quilómetros que conecta o cabo Vilán coa vila de Santa Mariñas. Esta ten un firme de zahorra que se ve afectado frecuentemente polo paso dos temporais xa que producen nel frecuentes fochas que dificultan o seu uso. A este problema tentóuselle por solución de diversas formas ao longo dos últimos anos, mais os resultados non foron satisfactorios posto que o material segue a deformarse.

  • Acto inaugural da exposición “Palilleiras: Presente e Futuro”

    Tal día coma hoxe, mércores de semana santa, a tradición sempre foi a de inaugurar a Mostra do Encaixe. Porén, este ano non puido ser pola situación sanitaria, mais se homenaxeou este feito con outro acto similar como foi o acontecido esta mañá na praza da Insuela, fronte a casa consistorial do Concello de Camariñas.

  • Presentación da edición especial do cupón da ONCE no Concello de Camariñas

    Onte, luns 29 de Marzo, tivo lugar a apertura institucional da II edición da Mostra do Encaixe Virtual xunto coa presentación do cupón da Once dedicado a trixésima edición da Mostra do Encaixe de Camariñas. O acto tivo lugar na aula de palillo “Raquel Moreira” do Museo do Encaixe. Nel a alcaldesa do municipio, Sandra Ínsua, dou o discurso que puxo en marcha os numerosos acontecementos que se irán levando a cabo ao longo desta semana até o próximo domingo, como son a presentación das coleccións dos participantes do concurso “Jovenes deseñadores” ou a inauguración da exposición “Palilleiras: presente e futuro” entre outros.

  • Inicio da II Mostra do Encaixe Virtual de Camariñas

    Dende o 29 de Marzo ao 4 de Abril o Concello de Camariñas organizará a segunda edición da “Mostra do Encaixe Virtual”. Este ano cambia o seu funcionamento con respecto ao anterior ao centrarse na comercialización e na publicación das coleccións do certame de “Jóvenes Deseñadores” en diferentes enclaves turísticos.

    O evento durará toda a semana dando cabida a unha completa programación. Esta iniciarase o luns 29 coa apertura da II Mostra Virtual e os discursos institucionais da alcaldesa de Camariñas, Sandra Insua; o presidente da Deputación da Coruña, Valentín González Formoso; e a Consellería de Industria e Comercio. Paralelamente, o Museo do Encaixe acollerá ás 12 horas a presentación dun cupón da Once coa imaxe da XXX Mostra do Encaixe.

    Dende o martes 30 de Marzo ao domingo 4 de Abril os postos participantes ofrecerán, a través de Facebook e a web do evento www.mostra.es, unha serie de produtos con encaixe que contarán con ofertas especiais nestas datas.

    Do mesmo xeito, durante estas xornadas iranse publicando os vídeos de cada colección do XXVII certame de Jóvenes Deseñadores. Moitos destes foron gravados por alumnos do Grao en Comunicación Audiovisual da Universidade da Coruña (UDC) en diferentes localizacións do municipio camariñán e protagonizados por modelos locais. Así, tamén terán o seu espazo, entre outros, as palilleiras, as nenas das escolas de palillo e o voluntariado.

    O mércores 31 de marzo, dentro da programación da II Mostra Virtual, inaugurarase na praza da Insuela a exposición ‘Palilleiras: presente e futuro’. Esta é unha pequena homenaxe ao labor e esforzo das palilleiras que, xeración tras xeración, fan do Encaixe de Camariñas unha arte única no mundo. As fotografías dos 22 tótems que se instalarán forman parte dun proxecto realizado en decembro de 2019 por Ana García, fotógrafa da Voz de Galicia. Está previsto que esta exposición permaneza na praza ata o mes de outubro.

    A clausura correrá a cargo da directora da Mostra, Dolores Lema, e da concelleira da Mostra, Encarna Liñeiro. Ademais, tamén haberá espazo para a música xa que o Grupo Jaque quixo formar parte deste evento cunha versión propia da coñecida canción ‘Camariñas’.

    Para ir abrindo boca, e como antesala do evento, o domingo 28 de marzo publicarase o proxecto ‘Ruth Matilda, A Costa da Morte’, obra do camariñán Víctor Fernández Alves. A través de dúas publicacións recompilará algunhas das fotografías que Ruth Matilda Anderson fixo durante a súa visita a Camariñas hai case 100 anos e nas que mostra aquelas palilleiras que traballaban nas rúas e nas casas a tecer os encaixes.

    As plataformas dende as que se pode seguir esta segunda edición da Mostra do Encaixe Virtual serán principalmente a páxina de Facebook da Mostra (@MostradoEncaixe) e tamén haberá contidos no Instagram (@Mostraencaixecamarinas) e na canle de Youtube (@Mostradoencaixe).

    A alcaldesa de Camariñas, Sandra Insua, agradeceu “o esforzo do departamento da Mostra por idear, outro ano máis, o xeito de que non tivésemos unha Semana Santa sen encaixe” e eloxiou “o traballo tanto dos e das modelos como dos rapaces e rapazas que gravaron os vídeos porque xa puiden ver algún adianto e son de moita calidade”.

    Pola súa parte, a concelleira da Mostra, Encarna Liñeiro, destacou a importancia de “manter viva a tradición xa que en todo o país e sobre todo en Galicia a Semana Santa sempre se relaciona coa Mostra do Encaixe e non podemos perder ese sentimento” e lembrou que “á vez que facemos a Mostra Virtual seguimos traballando para que a trinta edición da Mostra, prevista para outubro, sexa todo un éxito e axude a reactivar a economía na zona”.

    Por último a directora da Mostra, Dolores Lema, quixo animar á xente a que “participe activamente comprando os produtos de encaixe que ofertarán os postos” xa que “tal e como está deseñado este evento virtual permitirá comercializar e promocionar o encaixe, un elemento fundamental na economía familiar da nosa comarca”.

     

  • O 44% das actuación de Protección Civil durante o 2020 estiveron relacionadas co Coronavirus

    O traballo da agrupación local de Protección Civil de Camariñas céntrase na realización de servizos necesarios para a comunidade ano tras ano. Porén, no 2020 estas tiveran un carácter máis salientable debido a situación sanitaria que se viviu.

  • O proxecto “Mercamariñas” xa conta cos seus primeiros participantes.

    A plataforma “Mercamariñas” do Concello de Camariñas pretende adaptar aos comerciantes locais ao mundo da compra/venda a través de internet. Funcionará a xeito de centro comercial virtual a través do dominio www.mercamarinas.com onde se poderán atopar todos os establecementos do municipio que participen na iniciativa.

  • Reactivación do proxecto "Eu Son Camariñas"

    O concello de Camariñas reactiva o programa “Eu Son Camariñas”, un proxecto municipal creado para dar visibilidade a persoas do Concello que destacan no seu ámbito profesional, académico, deportivo, artístico ou sociais.

  • Preocupación pola zona de ribadas da Punta da Ínsua

    A semana pasada o Concello de Camariñas contactou cun enxeñeiro industrial e unha xeóloga para que realizaran unha inspección na zona de ribadas da Punta da Ínsua en Camariñas e avaliar o seu estado. As conclusións constataron que os últimos temporais aceleraron o proceso de erosión que se estaba a dar no lugar empeorando a súa situación xa de por si precaria.

  • Posta en marcha do proxecto MerCamariñas

    “A vida cambiou moitísimo nos últimos anos”. Quen non escoitou esta frase algunha vez na súa vida? Normalmente tende a vir de alguén maior a un mesmo, ou un dilla a alguén máis novo. Case chega a punto de establecerse como un tópico deses que perden un pouco o seu significado. Mais, se somos sinceros, nos últimos tempos si podemos asegurar sen temor a dubidas que as cousas cambiaron moito e moi rápido. E é que as tecnoloxías impactaron nas nosas vidas e transformáronas por completo case sen darnos conta. Un exemplo é o modo no que chegastes a este texto. De seguro que estabas a fedellar en Facebook pasando o cacho e decidistes ver que che podiamos contar dende o camarinas.eu. Non? Pois a noticia de hoxe ten moito que ver con isto.

    Internet cambiouno todo, dende o modo no que nos comunicamos até o mero feito de ir comprar. Así é, a día de hoxe non necesitamos nin sequera levantarnos do sofá para adquirir o libro que andabamos a buscar, ese estante que precisamos ou mesmo o máis imprescindible como é a comida. Deste xeito nace no novo proxecto do Concello de Camariñas, o proxecto MerCamariñas.

  • Este venres as obras na ponte da Ponte do Porto comezarán as 9:30

    Nos últimos días a preocupación polas obras programadas na ponte da Ponte do Porto foi en aumento polas dificultades que presentaban para o transporte escolar. Os autobuses que recollen aos rapaces e rapazas de Carnés, Tufións, Cereixo e a zona baixa da Ponte do Porto utilizaban este camiño  para realizar o seu traballo. Co pechamento do tráfico as 7:30 da mañá isto resultaría imposible, trastornando os seus horarios.

  • Os servizos municipais retoman a casa de pedra

    Os servizos municipais retoman a casa de pedra tras a renovación do chan e a instalación de varios armarios e estantes novos. Estes traballos realizados polos rapaces/as do módulo de “instalación de elementos de carpintería” do obradoiro “Xuventude polo emprego” promovido polo Concello de Camariñas xunto co de Vimianzo e Muxía, teñen unha segunda fase que deberá esperar até que mellore o tempo posto que son no exterior do edificio. Tamén queda pendente a instalación de unhas pezas máis de mobiliario que se levaran a cabo proximamente.

    A alcaldesa Sandra Insua estivo presente e amosou a súa satisfacción polo “bo traballo realizado até o de agora” felicitando tanto ao alumnado como ao seu monitor.

  • Xuntanza de Sandra Insua coa subdelegación do goberno

    “En ningún informe previo da Garda Civil e tampouco nos datos que nos trasladaron na reunión que mantivemos en decembro se reflicten os puntos de venta que se fixeron públicos ao detalle nos medios de comunicación e que tamén coinciden co sentir do pobo polo que cremos que é necesario que se investigue” foron as palabras de Sandra Insua na última xuntanza coa subdelegada de goberno Pilar López Rioboo e o coronel Francisco Javier Jambrina. Isto reflicte a súa preocupación na disparidade das cifras oficiais e non oficias publicadas recentemente arredor do consumo de estupefacientes no concello.

  • Estabilízase a situación epidemiolóxica no Concello de Camariñas

    A alcaldesa de Camariñas, Sandra Insua, participou hoxe nunha videoconferencia convocada polo conselleiro de Sanidade, Julio García Comesaña, para informar da situación epidemiolóxica aos alcaldes de Bergantiños e Soneira. No encontro, Comesaña comunicou que o Concello de Camariñas comezaba a estabilizarse e Sandra Insua agradeceu o rastreo que se fixo na Industria Cerdeimar xa que "supuxo un respiro que non xurdiran demasiados casos nese cribado". Manifestou tamén a súa relativa tranquilidade "ao ser dos municipios menos afectados á vista dos datos, baixando de 32 a 28 positivos e sabemos que hai contaxiados que pronto se darán de alta". De tódolos xeitos solicita á veciñanza "que sexan cautos, que cumpran as normas actuais e tamén as posibles novas medidas que esixa a Xunta despois deste comité clínico". 

  • O primeiro ‘bibliobebé’ do 2020 en Camariñas recibe os seus agallos do proxecto Camariñando

    Os nenos e nenas que nazan en Camariñas no ano 2020 chegarán ao mundo cun regalo baixo o brazo. Antes do comezo do Estado de Alarma o primeiro ‘bibliobebé’ do 2020, Hugo Rodríguez González, recibiu os seus agasallos por parte da alcaldesa, Sandra Insua, e a concelleira de Cultura, Encaixe e Turismo, Encarna Liñeiro.

  • O cartel da XXX Mostra do Encaixe arrasa nas redes sociais e conquista Madrid

    Despois do terremoto mediático que supuxo tanto a publicación do makinf off como da revelación do impresionante cartel da Mostra do Encaixe protagonizado por Damián Álvarez, continuaba a apisonadora mediática da mostra a conquistar Madrid por tódolos flancos posibles.  As redes sociais botaron fume durante toda esta semana con estas dúas publicacións. As estadísticas ás que temos acceso dentro do facebook da Mostra son de infarto: caseque 500 veces compartido e 30.000 persoas alcanzadas en tan só 24 horas co cartel creado por Diego Alonso e protagonizado por Damián Álvarez. Unha asoballadora avalancha social poderíamos dicir que deixa en ridículo outras publicacións. Máis alá, e dentro destas accións de difusión previas da XXX Mostra do Encaixe, o Concello de Camariñas decidiu ao mesmo tempo promocionar o evento en pleno corazón de Madrid. Así, aproveitando a presentación da XXX Mostra en FITUR, programou que do 22 ao 29 de xaneiro se proxectase nas grandes pantallas dixitais de Callao en Gran Vía o cartel da edición deste ano. 

  • Sandra Insua consegue traer compromisos específicos de Costas do Estado para o Concello de Camariñas

    Este pasado 13 de xuño de 2019 a alcaldesa do Concello de Camariñas, Sandra Insua, e varios membros da actual corporación e do futuro goberno do municipio, mantiveron unha reunión co xefe da Demarcación de Costas da Coruña, Rafael Eimil, para coñecer o estado dos proxectos que ten o Estado para Camariñas.

  • O Concello de Camariñas extende o Servizo de Axuda no Fogar

    O Concello de Camariñas continúa coa súa firme aposta por reforzar os Servizos Sociais municipais. Así, desde o 1 de abril, estendeu a cobertura do Servizo de Axuda no Fogar (SAF) aos usuarios de grado un para cubrir a totalidade dos demandantes por primeira vez. Antes do mes de abril o SAF contaba con 90 usuarios que se atendían de luns a venres a través de 14 horarios de mañá e dous de tarde e a fin de semana con cinco de mañá e dous de tarde. Agora, con este aumento, pásase a atender a 103 usuarios cun horario máis de luns a venres, 15 en total.