• "Na Beira do Mar, os versos dun fillo da Emigracion" por Rafael Lema

    Florencio Rodríguez Figueiras é un porteño nacido na emigración, en Bilbao, e residente en Cáceres. A súa nai Mari Carmen nacida na Ponte do Porto, nas Barrosas, foi que me deu este verán un libro que Floren acababa de publicar. Un libro de poemas adicado ao pobo dos seus, Ponte do Porto, titulado “Na beira do mar”. Para min Floren é o fillo de Mari Carmen e o sobriño do Chiteiro, por iso este traballo está feito cun cariño especial. Floren descende dunha gran muller amiga dos versos e dos contos de algún día, a Rusa. Dunha liñaxe de canteiros altos e louros (Grela) e outra de músicos (os Figueiras). En fin, leva artistas por moitos ventos.
  • A Virxe de Guadalupe, Patroa das Palilleiras, por Rafael Lema

    Escindida entre o norte e o sur, case sen saber moi ben cal é o seu auténtico lugar, atópase a vila mariñeira de Rianxo. Patria natal de tres dos máximos exponentes da literatura galega (Rafael Dieste, Manuel Antonio e Castelao), cuias casas familiares se atopan a escasos metros unhas de outras na mesma rúa, vive estos días (do 13 ao 20 de setembro) alporizada pola celebración das súas festas tradicionais en honor á Guadalupe. Por elo nada máis adecuado que un novo artigo indagatorio da nosa identidade e das nosas raíces escrito polo colaborador habitual de Camarinas.eu Rafael Lema que descubre como a virxe que cando anda pola ribeira vai descalziña pola area foi en tempos a mesmísima Patroa das nosas palilleiras. Unha colaboración máis que abraia polos seus descubrementos e a imaxe que a ilustra, que entra a formar parte da sección cultural máis potente e completa da Costa da Morte e quen sabe se unha das máis fecundas de Galicia: aquela que dende hai seis anos a levan enchendo de contidos as mellores firmas do noso concello. Aquela na que ser publicado equivale a un privilexio e un honor e da que forma parte por dereito propio Rafael Lema, o gran historiador da Costa Atlántica.
  • Río Porto: Un nome con historia, por Rafael Lema

    Ata o de agora sempre houbera un pequeno desbaraxuste en torno á correcta forma de nomear o cauce fluvial que atravesa o Concello de Camariñas e que ten como punto máis sinalado no seu fluir o da vila da Ponte do Porto: uns, que Río Grande, outros que Río Porto. Pois ben, esta polémica un tanto artificial á luz dos datos agora aportados pode xa considerarse finiquitada para sempre: nun impresionante artigo polo seu rigor extremo, o seu aporte inacabable de datos, e a súa intelixente e impecable análise científica dos mesmos, Rafael Lema zanxa de xeito definitivo o tema. Remontándose ata arquivos do século XIII, cifra a orixe do desencontro linguistico nunha absurda redenominación do noso río porteño por parte da administración de tempos do Réxime Franquista, que polo que se ve tamén tiña as súas derivas polos torcidos eidos do políticamente correcto, sempre tan nefastos e atentatorios para unha intelixencia medianamente normal. Así foi como se perpetrou contra unha vila e un concello un atropelo histórico.
  • Historia da Ponte do Porto: A Orquesta Mambo

    Infatigable na súa busqueda constante das raíces culturais e históricas do noso concello, Rafael Lema retoma as andaduras musicais porteñas e desta volta indaga o pasado da Orquesta Mambo, seis músicos de acrisolada competencia que animaron as veladas musicais da España dos anos 50 e 60 do século pasado. Unha imaxe de verbenas, sesións vermouths populares en pequenas aldeíñas ou grandes pobos dunha Galicia rural e semiatrasada, de cura, alcalde e Guardia Civil animada dende un rudimentario palco por unha animada orquesta porteña ven aos nosos ollos e fainos rememorar épocas idas para sempre, promotoras do que estaba por vir: trailers espectáculo nos que os máis vangardistas e complexos xogos de luces, sons e danzas en ocasións non permiten ver o bosque. Outro anaco do pasado dun concello e das súas xentes arrastrado ata os nosos días polo gran historiador da Costa da Morte, Rafael Lema.
  • Exitosa Conferencia de Rafael Lema

    Rafael Lema invitado especial dunha prestixiosa conferencia no Ateneo madrileñoO prestixioso historiador da Costa da Morte Rafael Lema ven de colleitar un importante recoñecemento máis a toda unha carreira profesional chea de éxitos. Nin máis nin menos que no histórico Ateneo de Madrid, ante preto de 300 asistentes e xunto a recoñecidas figuras do ámbito naval, o investigador porteño participou nunha conferencia sobre un aspecto no que Rafael constitúe sen dúbidas uns dos maiores expertos a día de hoxe: a historia dos naufraxios na Costa da Morte. Por elo, ninguén mellor que o colaborador de Camarinas.eu para disertar sobre unha realidade que coñece como ninguén, froito todo elo dun traballo tenaz, serio e documentado ao longo de toda unha vida adicada á investigación historiográfica.
  • Os Sucesos de 1809 en Camariñas

    Foi en 1808 cando, tal que agora, abandoado polos seus patéticos e corruptos gobernantes o pobo español encarou en solitario a invasión francesa: foron os heroicos días nos que xurdío por vez primeira a Nación Española, epopeia materializada un 19 de xullo no glorioso campo de batalla de Bailén (Jaén), primeira derrota dun exército napoleónico. Unha ola incontible de fervor patriótico que se extendío como un regueiro de pólvora por toda a Península Ibérica que levaría seis anos despois á victoria inapelable sobre as armas francesas e da que Camariñas non podía permanecer allea. Uns feitos, os da invasión napoleónica no noso concello e o os terribles sucesos que en 1809 terían lugar, que son agora deconstruidos maxistralmente pola pluma historiográfica do noso colaborador Rafael Lema nun artigo que engade unha nova volta de tuerca a uns sucesos ata de agora pouco explorados e que aporta unha nova e interesante perspectiva ao debate histórico. Todo elo froito do traballo serio, exhaustivo, documentado ata a extenuación, do gran Historiador da Costa da Morte.
  • Blas Espín, o maior Orfebre da Costa da Morte

    Unha das firmas máis reputadas e talentosas do universo intelectual da Costa da Morte, o noso querido amigo Rafael Lema, inicia con este artigo adicado ao que foi o gran orfebre da Costa da Morte, a que esperemos sexa unha prolongada e fecunda colaboración con Camarinas.eu. Un auténtico luxo e un honor sumar o nome de Rafael á ilustre nómina de colaboradores que caracterizou dende sempre a unha web cunha das seccións culturais máis potentes de Galicia. E faino ca historia dun artesán, un napolitano, que por mor das voltas da vida acabou residindo durante case 50 anos na vila que moito despois vería nacer a un dos grandes historiadores xa non da mesma senón de toda esta Franxa Atlántica. Un artigo que supoñe en si mesmo un auténtico traballo de orfebrería histórica, fruto dunha labor intensa e seria de documentación en diferentes arquivos e bibliotecas e que agora se sirve ao gran público camariñán, por un dos seus fillos máis recoñecidos, Rafael Lema, o gran historiador da Costa da Morte.
  • Ola de recoñecementos a Rafael Lema

    O traballo serio, riguroso e exhaustivo de Rafael Lema recibe o seu xusto premioDentro do mundo literario da Costa da Morte hai tempo que descolla como un dos seus principais talentos o porteño Rafael Lema. Despois de anos e anos de traballo riguroso, serio e exhaustivo, de investigacións profundas e fecundas, de acometer un minucioso traballo de campo ben polos distintos recunchos da nosa costa ben por diferentes archivos e bibliotecas, en datas recentes ven de colleitar dous importantes recoñecementos a toda unha vida de investigación intelectual. A primeira delas acontecía ca emisión da entrevista que todo un mito  da Televisión de Galicia, o xornalista Pemón Bouzas, lle facía para o programa cultural da TVG "Eirado" e a segunda ca concesión, por unanimidade do xurado, do VI Premio Santa Bárbara de comunicación da Cámara Oficial Mineira de Galicia por unha serie de artigos publicados sobre o sector mineiro ao longo do 2012 en medios de prensa e internet.