O Concello de Camariñas resultou como adxudicatario de un vehículo todo terreo para uso de protección civil. Este foi concedido pola Xunta de Galiza a través de unha convocatoria de equipamentos de emerxencia parcialmente financiada polos fondos FEDER.

Deste xeito, o todo terreo será destinado a resolución de situacións de emerxencia e de protección civil o cal permitirá complementar as funcións da actual pick-up contraincendios  aumentando a frota da que dispoñe a agrupación camariñá.

O traballo da agrupación local de Protección Civil de Camariñas céntrase na realización de servizos necesarios para a comunidade ano tras ano. Porén, no 2020 estas tiveran un carácter máis salientable debido a situación sanitaria que se viviu.

O próximo 13 de novembro cúmprese o XV aniversario da catástrofe ocorrida nas costas de Camariñas como consecuencia do afundimento do buque petroleiro Prestige. Con este motivo, a Asociación Nacional de Agrupacións e asociacións de Voluntarios de Protección Civil, ANAV, vai facer entrega en Camariñas das Medallas de Recoñecemento ás persoas que participaron no operativo de limpeza das costas do municipio naqueles tempos de gran dificultade, pero tamén de xenerosa solidariedade.