• Portos de Galicia abandona á súa sorte ao paseo marítimo de Camariñas

    A alcaldesa Sandra Ínsua, lamenta a deixadez de Portos de Galicia repecto ao porto de Camariñas e concretamente na pasarela de madeira para os vehículos e os paneis laterais de cristal da pasarela peonil da Dársena que están en mal estado. O Concello cumpriu o acordo chegado con Portos para arranxar a pasarela de madeira, pero PORTOS o incumpriu ao non amañar os paneis de cristal. A entidade portuaria comprometeuse a facer un informe propio no que contemple posibles alternativas xa que actualmente só existe un informe municipal no que se conclúe que o problema é derivado dunha deficiencia estrutural. A alcaldesa manifesta a súa indignacion ante a situación da ponte da dársena que segue pechada pese o compromiso de Portos de arreglala.

  • Os socialistas de Camariñas cansados dos desprecios de Portos de Galicia

    Aquí en Camarinas.eu xa levávamos moito tempo sen lembrar todas as tropelías das que o noble pobo de Camariñas foi obxecto por parte de Portos de Galicia, e a verdade é que xa temos perdida a conta de tanta humillación. En realidade poderíamos crear unha sección aparte para elo, ou xa postos se podería confeccionar toda unha páxina web; un repositorio de todos e cada un dos enganos, desprecios e humillacións que dende xa hai anos este ente público dependente da Xunta de Galicia, ten perpetrados contra as xentes deste concello. Dende que un tal Álvarez-Campana se postulara como o maior farsante da historia de Camariñas non se vira tal sarta de mentiras arroxadas a toda unha alcaldesa dun humilde concello da Costa da Morte. O caso é que o novo protagonista desta outra afrenta ao milenario pobo de Camariñas non foi outro que o noso querido amigo JJ Durán. Unha persoaxe que sempre nos pareceu simpatica e dicharacheira pero que, sempre que ten oportunidade, infrinxe un castigo desproporcionado aos nosos veciños da Costa da Morte. Xa se sabe, para os sectarios primará sempre antes de todo a cor política que a seguridade dos seus conveciños.
  • Cando a desidia é a única política

    O porto de Camariñas é un dos mais importantes da flota de baixura galega e xa non digamos na economía municipal. Con esta carta de presentación ninguén pensaría que non ocupase un lugar central nas preocupacións de quen ten a obriga política e legal de procurar os medios necesarios para dar cobertura a un motor económico e social desta envergadura. Sen embargo solo con botar unha ollada cara el constátase unha panorámica absolutamente desoladora: unha fachada marítima mutilada, os restos da antiga lonxa amosando o abandono e a desidia e a cuberta da nova posta a proba cada vez que soa o vento, os barcos de Camariñas procurando xeo noutros portos, os pantaláns e as táboas do paseo son coma restos dun campo de batalla, as luminarias do paseo afundidas a maioría delas... ou apagadas, os restos do minicriadoiro amosan un claro exemplo de despilfarro vergoñento, etc, etc.
  • Portos de Galicia recoñece que non presentou no Concello de Camariñas ningún proxecto para a fábrica de xeo

    O presidente de Portos de Galicia, Xosé Xoán Durán, confirmou que a entidade autonómica nunca presentou no Concello de Camariñas un proxecto para a fábrica de xeos do municipio, tal e como afirmaba recentemente froito dunha equivocación.
  • Portos de Galicia segue facendo negocio en Camariñas tamén coa auga

    Como xa publicamos fai uns días, Portos de Galicia está nunha cruzada recaudatoria sen precedentes a conta das sufridas e nunca ben tratadas Comisións de Festas que utilizan os espacios portuarios. Pero, para sorpresa deste modesto medio de comunicación dixital, veñen de comunicarnos que coa auga pasa tres cuartos do mesmo: o concello cóbralle a Portos uns 45 céntimos por tonelada e os clientes do Ente Público págana multiplicada polo infinito.
  • Visita de JJ Durán, Presidente de Portos de Galicia, a Camariñas

    Vetados a perpetuidade polo PP camariñán, houbo que probar a pedirlle unha entrevista ao inefable JJ Durán, presidente de Portos de Galicia. É interesante esta novidade que se introduce no panorama mediático dende os populares da Vila das Palilleiras: coñecíamos o caso de medios de comunicación que vetan a políticos, ahí temos o exemplo dos medios públicos e privados golpistas de Cataluña (TV3, RAC 1, Catalunya Radio, La Vanguardia, todos os chiringuitos dixitais subvencionados, etc...), pero a novidade introducida dende Camariñas é a do político que veta a un medio. Posiblemente esta concomitancia entre golpistas cataláns e populares camariñáns se reduzca a que ambos compartan idéntico sectarismo. En fin, torpedeados por aqueles que pretenden ser os nosos propios representantes, ahí fumos papel en man, como xornalistas mendicantes, entregarlle unha solicitude de entrevista á xefa de prensa de JJ para aclarar in personam como afectará a nova normativa recaudatoria de Portos ás festas tradicionais. A xefa, como boa aficionada taurina, dounos un par de encomiables largas cambiadas de moito mérito,entregándonos a cambio unha nota de prensa a maior gloria de JJ que nin era o que pedíamos nin nos vale para absolutamente nada. Pero nós, que non adolecemos do sectarismo patolóxico dos vetadores profesionais, aquí a reproducimos para maior ilustración dos tendidos camariñáns.
  • Portos de Galicia fai caixa a a conta da Festa do Carmen de Camariñas

    Xa é oficial. Para formar parte dunha comisión de festas que pretenda celebrala -coma toda a vida- en terreos portuarios, hai que ser un súper heroe xa que as condicións que pon o Ente Público Portos de Galicia para a utilización do chan afectado polos portos para a celebración das festas patronais, converte aos sufridos cidadáns que se atrevan a organizar unhas festas, para solaz de todos, en auténticos Hércules. Así o establece unha resolución de Portos de Galicia publicada a finais de setembro.
  • Portos de Galicia négase a reparar a perigosa situación da ponte do paseo de Camariñas

    Nos mesmos días en que unha banda de supremacistas tarados, cochambre racista en estado puro, andaba metida a destruir España, as barandillas acristaladas de estilo xaponés do Poso do Muelle voltaron a aparecer rotas. E de igual xeito que o esperpento perpetrado polos nacionalistas en Cataluña, o problema ven de lonxe. A eterna dicotomía de pareceres entre a Xunta de Galicia, concretamente eses Portos de Galicia comandados polo inefable JJ Durán, e o Concello de Camariñas volta aos ruedos ibéricos: a primeira di que se trata de problemas de mantemento, tal vez de vandalismo (a ver si un comando das CUP apareceu por Camariñas para vender as bondades inagotables do procés a pau limpio), o Concello que se trata de problemas estructurais e a tal efecto encomendou á arquitecta municipal a elaboración dun informe técnico que sustentaría o teorema de que temos demasiado pouco cristal para tanta ponte. Mentras, cada pouco, o único símbolo do Imperio do Sol Nacente na Costa da Morte amence escachado, ata o extremo de que agora xa varias láminas de cristal desapareceron e unhas vallas cumpren a función de evitar o esfuciñamiento dos veciños contra o Poso do Muelle. A imaxe non pode ser máis lamentable. Pero si respecto ao primeiro dos problemas destes días, o de España, hai máis de 100 anos o Canciller de Ferro, Otto Von Bismarck, afirmara daquela que o noso era o país máis forte de Europa, porque os seus habitantes levaban máis dun século tentando destruilo e éste resistía, non parece que a nosa alicaída ponte sexa a máis forte nin siquera da Costa da Morte. Por obra dun estrano sortilexio, sen que se saiba moi ben por qué, España parece ser unha nación chamada a soportalo todo, dende cada pouco guerras civís ata etarras asesinos ou infantilizados nacionalistas cataláns: algo indestructible. Non sucede así ca nosa escachada ponte nipona, tan endeble, tan mal diseñada, tan ridícula cos seus cristais rotos, como os miolos dun separata catalán.
  • Portos arranxa a ponte xaponesa do pozo do muelle de Camariñas

    Dende decembro de 2008 había un anaco do Imperio do Sol nacente transplantado a Camariñas. Asentada sobre unha firme estructura de aceiro unha acristalada ponte colgante unía as dúas ribeiras do Poso do Muelle. Proxectada a obra na época do despilfarro (orzamento de máis de 120.000 €), unha vez rematada a súa instalación e obnubilados todos pola forte impresión estética que dela se desprendía dentro do conxunto non menos apabullante do novo Paseo Marítimo, a ninguén se lle ocurrío calibrar os custos que se desprenderían do mantemento da súa barandilla de cristal ou da reposición do seu chan de madeira.
  • Porto de Camariñas: A Gran Mentira do 2011

    Non queríamos aquí en camarinas.eu rematar o ano que recén acaba sen deixar constancia ante a posteridade do que foi posiblemente o maior engano de toda a historia do Concello de Camariñas, a mentira máis ignominiosa, vergoñante e desvergonzada en todo o acontecer histórico destas benditas terras.  Os seus protagonistas: o agora defenestrado ex-Presidente de Portos de Galicia José Manuel Álvarez-Campana e toda a súa cuadrilla local, sen dúbidas sabedores do engano masivo que se perpetraba o día 10 de abril de 2010 contra as xentes de Camariñas, día que todos lembramos como o da presentación por todo o alto, TVG incluida, na Cofradía de Pescadores do así chamado rimbombantemente "Programa de Actuacións 2010-2014. Camariñas Século XXI", o conxunto de sete actuacións destinadas a cambiar o borde portuario da Vila das Palilleiras para sempre e que estaban orzamentadas inicialmente en 11,2 millóns de euros.
  • Programa de Actuacións 2010-2014. Camariñas Século XXI

    O día 10 de abril de 2010 pasará á historia da Vila de Camariñas con letras de ouro. Posiblemente, un dos días máis importantes da súa historia, senón o máis importante. Asesmesmo o día que acabou ca lenda negra de que os gobernos populares na Xunta de Galicia non invertían no Concello de Camariñas. Porque a impresionante batería de investimentos que na soleada e radiante mañán deste primaveral sábado de abril foi presentada na Lonxa Nova da Vila dos Encaixes deixará obras por un valor  nunca antes visto, 11,2 millóns de euros, a inversión máis grande acometida por goberno algún na historia do Concello, e dotará a Camariñas dunhas impresionantes instalacións pesqueiras e náutico-recreativas culminando asemesmo o acondicionamento do borde marítimo ca construcción da fase do Paseo Marítimo que vai dende o Canzorro ata a Punta da Carnicería. O principal responsable deste milagro inversor que en tres anos revolucionará a nosa vila: Jose Manuel Álvarez-Campana, Presidente de Puertos de Galicia.
  • Visita do Presidente de Portos de Galicia a Camariñas

    O flamante novo director do ente público Portos de Galicia, José Manuel Alvarez-Campana Gallo, levou a cabo este venres 18 de maio unha visita bastante completa a Camariñas. Así, pasadas as 20:30 tomou parte no mitin que enmarcado dentro das eleccións ao Parlamento Europeo do 7 de xuño celebrou o Partido Popular na Casa de Pedra (e no que sorprendío a presencia dalgún que outro veciño da nosa vila), para unha vez rematado este e tras un breve intervalo no céntrico Restaurante Villa de Oro, desprazarse a cenar ata o Club Náutico de Camariñas inivitado pola directiva do mesmo. Pulsa na  imaxe para ver unha galería fotográfica da visita do Presidente de Portos.
  • A NOVA LONXA, O PEIRAO E OUTRAS INFRAESTRUCTURAS

    O porto de Camariñas reúne unha serie de condicións que fan del un dos mais seguros de toda a costa galega. Sempre foi así dende a construción do novo dique de abrigo, durante a presidencia de Fernando González Laxe. Durante moitos anos negóuselle a posibilidade de medrar xa que o proxecto de porto, deseñado naquel momento, foi esquecido pola Xunta de Galicia ate tempos moi recentes. Hoxe, entre o xa construído e o proxectado, Camariñas non solo terá o porto mais seguro de toda a Costa da Morte senón, tamén, o mellor dotado.