A redución dunha hora e media na xornada do pediatra de Camariñas e a alarmante situación que padecen moitos Concellos de Galicia pola reiterada ausencia deste servizo fixo que a alcaldesa de Camariñas, Sandra Insua, se puxese en contacto co xerente do Sergas, Luis Verde, para aclarar a situación e coñecer os plans da Consellería de Sanidade para o municipio.Durante o transcurso da conversación, Luis Verde asegurou que Camariñas continuará contando co servizo de pediatría durante todos os días da semana cunha atención continuada de 4 horas.

O centro de saúde do Concello de Camariñas continuará a contar cun pediatra a pesar de que á persoa que actualmente ocupa ese posto concedéuselle o traslado e abandonará a vila. Así llo confirmaron ao Concello de Camariñas desde o propio Sergas.