Dende o Concello de Camariñas licítase o proxecto para a pavimentación da rúa Alto do Penedo da Ponte do Porto. Os traballos inclúen o roce da e a limpeza das marxes da vía, a demolición do pavimento existente en varios dos seus tramos e, por último, a execución de un novo firme de aglomerado asfáltico e lastro rústico de pedra granítica.

Os traballos de  reurbanización da rúa Ínsua na parroquia da Ponte do Porto están a piques de rematar. Esta obra incluíu a demolición do antigo firme, a substitución e ampliación da rede de saneamento, a instalación de unha rede paralela para a recollida e evacuación de augas pluviais e, finalmente, a aplicación un novo pavimento de formigón armado cun acabado pulido e, no tramo final, a extensión de unha capa de zahorra artificial.

A actuación está valorada en 41.720,57 euros e serviu para pavimentar a vía e dotar de máis servizos a veciñanza. Para o seu remate so restan executar os últimos detalles: adecuación de tapas, arquetas, etc.

Hoxe, martes 23 de Febreiro, formalizouse a acta de reformula da rúa Insua, na parroquia da Ponte do Porto. Este é o último paso antes do inicio das obras que levaran a cabo a demolición do actual firme da rúa perpendicular as Barrosas e a substitución e ampliación da rede de saneamento existente, ademais da instalación de unha rede para a recollida e evacuación de augas fluviais.

Logo disto aplicarase un novo pavimento de formigón armado, similar ao xa utilizado previamente en lugares como a rúa Muiño do Vento na vila de Camariñas. No tramo final da rúa Insua estenderase unha capa de zahorra artificial (grava fina).

A obra ten un presuposto de 41.720,57 euros e pretende remodelar a zona para dotar de máis servizos a veciñanza. As obras duraran en torno aos dous meses.

Nos últimos días a preocupación polas obras programadas na ponte da Ponte do Porto foi en aumento polas dificultades que presentaban para o transporte escolar. Os autobuses que recollen aos rapaces e rapazas de Carnés, Tufións, Cereixo e a zona baixa da Ponte do Porto utilizaban este camiño  para realizar o seu traballo. Co pechamento do tráfico as 7:30 da mañá isto resultaría imposible, trastornando os seus horarios.

Estes días deron comezo os traballos de renovación e mellora do parque infantil do CEIP da Ponte do Porto por parte do Concello de Camariñas. A través desta actuación, moi demandada polos pais e nais dos nenos porteños, instalaranse tres xogos que consistirán en un tobogán e dous balancíns así como tamén se habilitará unha zona de descanso para que os pequenos estudantes da escola da Ponte podan recobrar folgos despois dos seus xogos. Tamén se adecentou o firme cunha capa de pavimento pulido pola cal se distribuirán os novos xogos.  O obxectivo do goberno local dirixido por Sandra Ínsua consite en continuar a mellorar as zonas de xogos dos máis pequenos sobretodo nos centros escolares de cada parroquia. E dende Camarinas.eu trataremos de seguir estas obras menores, eso si, pero que redundan inmensamente no benestar dos nosos pequenos.

O Concello de Camariñas vén de rematar o novo firme a base de formigón do parque infantil no CEIP de Ponte do Porto. Unha actuación moi necesaria que era unha antiga demanda dos pais, a ANPA e tamén do persoal docente debido ao mal estado desta parte do colexio porteño onde xogan os pequenos nos recreos. Reclamacións xustas das que o Concello de Camariñas tivo finalmente que facerse cargo dunhas obras que non lle competen, sobretodo despois do nulo interese mostrado polo Xefe Territorial de Educación da Xunta de Galicia nunha reunión mantida hai unhas semanas co grupo de goberno do concello. Debe ser que a seguridade e o benestar dos nenos e nenas da Escola da Ponte do Porto lles importa un pimiento aos xerifaltes tan ben pagados da administración autonómica desenténdendose completamente das súas obrigas cos nosos nenos.

O Concello de Camariñas, consciente da problemática do consumo desmesurado de electricidade, continúa coa súa política de aforro enerxético. Agora, acaba de rematar de substituír un total de 45 luminarias por tecnoloxía LED no lugar de Dor, na Ponte do Porto, unha actuación valorada en 7.094,84 euros.

Os investimentos aprobados pola Deputación no municipio suman 5 millóns de euros neste mandato O presidente da Deputación da Coruña, Valentín González Formoso, presentou esta mañá en Ponte do Porto (Camariñas) o proxecto de reurbanización da zona, que suporá un investimento de 440.491,11 euros para renovar as beirarrúas actuais, o alumeado público e crear novas zonas axardinadas e prazas de aparcamento.

Nestes días estanse rematando as obras que a empresa Espina & Delfín ven levando a cabo no Allo (Ponte do Porto). As obras tiveron por finalidade o cambio da tubería de fibrocemento, de distribución de auga, que une o depósito de Ponte do Porto co de Camariñas. Esta tubería sufría continuas rupturas que ocasionaba as conseguintes molestias e cortes de auga con mais frecuencia da desexada e moitísimas molestias aos sufridos veciños deste lugar porteño, polos traballos de reparación que un día si e outro tamén levaban a cabo os técnicos municipais para restituír o servicio de auga potable.

Despois dun largo periódo de letargo, exactamente dende finais dos anos 80 cando se puxeron en coñecemento este grave problema ás autoridades eclesiásticas, os feligreses da parroquia de San Pedro da Ponte do Porto comprobaron por fin a iniciación das obras de reparación estructurales do campanario da súa igrexa. Este xoves 27 de outubro comenzaban a traballar os operarios da empresa concesionaria ataviados cos seus arneses de seguridade pola maraña de andamios que recobren o campanario da igrexa da Ponte. Alí, nas alturas porteñas, os técnicos puderon comprobar o estado da situación despois dese interminable intervalo de tempo no cal non se sabía moi ben cal ía a ser a solución a este problema estructural que poñía en perigo o santuario porteño.

Camarinas.eu visitaba esta semana, da man dun dos encargados da empresa adxudicataria, os derradeiros traballos de remodelación da Rúa do Campo do Outeiro na Ponte do Porto. Unhas obras que consistiron nunha primeira fase na demolición do antigo pavimento existente. Na segunda fase desta importante actuación do concello na Ponte do Porto, acometeuse a construcción dunha rede de saneamento que recolla correctamente as augas residuais das vivendas e as transfira cara as tuberías centrais que trasladan as augas fecais cara a depuradora de Dor. Despois desta actuación procedeuse a construcción da outra rede de augas pluviais e a renovación de todas as acometidas existentes. Na derradeira fase do proxecto, e que se está levando a cabo finalmente mentras se está a redactar este artigo, realizaranse os traballos de pavimentación de toda a rúa mediante un novo firme de formigos pulido. Esta importante obra foi realizada pola empresa Ponciano Nieto SL e conta cun orzamento total de 108.477,12 euros. Unha necesaria obra que poñe en valor a zona do Campo do Outeiro e que vai a preceder, tal e como nos comentaban dende o consistorio camariñán, a outras importantes actuacións previstas polo Concello de Camariñas na nosa querida parroquia de San Pedro da Ponte do Porto.

A Xunta de Goberno do Concello de Camariñas ven de adxudicar a substitución de luminarias e a instalación doutras novas en varios puntos do concello por outras moito máis eficientes, mais económicas e menos contaminantes. En concreto son 105 luminarias novas, de tecnoloxía LED, que van a supoñer un aforro con respecto as actuais do 80.3%. En términos medioambientais esta mellora significa unha redución do consumo en 64,520 KWH, e a redución de CO2 á atmósfera en preto de cuarenta e dúas mil toneladas. Xeograficamente estas luminarias serán instaladas 68 nás rúas Rampa, Castelo, Tomás Artaza, O Bico, Atalaia, Churruca, Curro Santa Ana e Portocelo, da capital municipal. En Xarás, A Ponte do Porto, instalaranse 20, e as 17 restantes instalaranse en Prado, na parroquia de Xaviña. Continúa deste xeito o programa do concello de disminuir o consumo de enerxía eléctrica e, polo tanto, a cuantiosa factura da luz que pagamos polo alumeado público verase reducida significativamente.

Foi unha obra pequena, duns 50.000 euros de orzamento, pero que supuxo toda unha revolución no ámbito territorial na que se levou a cabo. Dende unha nova rede de saneamento ata a dirección único do tráfico rodado, dende novas acometidas no abastecemento domiciliario das augas ata unha nova rede de pluviais, dende un novo firme do asfalto ata novas zonas de aparcamento para automóviles e motocicletas. Tamén novas beirarrúas polas que transitar os viandantes. Todo iso supuxo a obra executada na Travesía da Esquipa, na Ponte do Porto, polo Concello de Camariñas que ven de ser inaugurada en datas recentes. Difícilmente se podería haber feito máis con tan pouco: uns 50.000 euros escasos cos que a vida dos veciños deste rueiro porteño verase signficativamente mellorada.

Semanas de traballos continuos por parte da administración local camariñana na vila porteña. Esta mañán o Concello de Camariñas comezaba a mellora na señalización vial de varias importantes vías da Ponte do Porto. Especialmente tratouse o repintado dos pasos de peóns da zona do cruce de Xarás e tamén se fixo o mesmo na flamante Travesía da Esquipa da cal se espera a súa apertura con unha pequena inauguración este mércores 30 de xullo de 2014 na cal teremos un enviado especial desde Camarinas.eu. Deste xeito, o concello acomete varias melloras no que se refire ao tránsito peonil posto que hai tan só unhas semanas tamén se realizaron obras de adaptación en varias rúas da Ponte do Porto.

Dun tempo a esta parte as rúas da Ponte do Porto estanse vendo sacudidas por unha pequena revolución de pequenas obras varias do seu entramado vial. Concretamente as zonas afectadas son as que van dende o Outeiro ata a ponte, máis ou menos ata a altura da entidade bancaria antigamente chamada Banesto, agora Banco Santander, onde se procedeu a eliminar as barreiras que había nas beirarrúas (tales como aceras-escaleiras) que impedían o paso de silla de rodas e carritos. Asemesmo tamén se está a dar continuidade a beirarrúas en zonas onde antes tiñan preferencia os coches,e que agora pasarán a ser de prevalencia peatonil. O alumeado público será outro dos eidos afectados eliminando unha serie de postes que co tempo deron en ser superfluos e que dificultaban onormal tránsito. Finalmente, na Travesía da Esquipa estase a facer unha inversión de 50.000 euros no que dende o comenzo foi un clásico da nova corporación municipal: novas tuberías para pluviais e saneamento en este caso pols dous lados, novas beirarrúas e pavimentación con aglomerado asfáltico. Non está mal, para os tempos que corren.

O anhelo tan longamente ansiado por toda unha vila, o desexado acariciado durante tantos anos, xa é unha realidade: a Ponte do Porto conta cun flamante e espectacular campo de fútbol. Unha realidade fruto da colaboración administrativa (financiación conxunta entre a Deputación Provincial de Salvador Fernández Moreda e o Concello de Camariñas) e da colaboración desinteresada dos veciños: uns cedendo gratuitamente terreos e outros talando voluntariamente as árbores que impedirían que o sol bañara a alfombra natural máis flamante de toda a Costa da Morte. Deste xeito, un histórico do fútbol galego, o Porteño, conta cun estadio á altura da súa lenda, os rapaces da vila do Río Grande cun recinto de impresión para desenvolver as súas actividades deportivas e o Concello con dous campos de fútbol modernos e impecables, perfectamente compatibles (un de herba artificial e outro de céspede natural). Por elo esperemos que a inauguración oficial do mítico pero a partires de agora xa non destartalado Estadio Municipal de A Grixa esté á altura do recinto, que se dispute un encontro en consoancia ca importancia do evento e, sobre todo, que este vaia precedido da debida homenaxe aos héroes que cubriron de gloria a vila porteña un día lonxano de 1971.

Unha tupida e delicada alfombra natural empeza a cubrir o leito do Campo da Grixa. Nun dos seus laterais a primeira grada cuberta da súa historia xa é unha realidade. Deberon pasar máis de corenta anos para que un dos equipos máis antigos da Costa da Morte contara cun estadio á altura da súa lenda. En efecto, esta semana pasada os primeiros tepes de céspede natural foron instalados nun dos córneres e en breve cubrirán toda a extensión cuadrangular do campo porteño, o cal esixirá para o futuro do concello, titular do estadio, un serio esforzo de mantemento que impida que a herba natural se bote a perder como xa ten acontecido noutros pastos non moi lonxanos da Grixa. Por outra banda o graderío con cantina incorporada  está xa a piques de ser rematado pola empresa adxudicataria da obra. Unha inversión que fixo posible un home que só seis meses despois das eleccións municipais xa empeza a ser botado seriamente de menos polo noso concello, un Salvador Fernández Moreda, ex-Presidente da Deputación Provincial, que debe ser canto antes obxecto da homenaxe que tanto merece polas xentes da nosa terra as cales, independentemente da súa cor política, recoñezan todo o que este home fixo por Camariñas durante o seus mandatos presidenciais. Por exemplo: a financiación da obra que logrou que despois de corenta anos o Porteño contara cun estadio á altura da súa lenda.

Continúan a bo ritmo as obras no Campo de Fútbol da Grixa, unha das últimas probas da estima e compromiso cara Camariñas que caracterizaron a singladura política de Salvador Fernández Moreda na Presidencia da Deputación Provincial da Coruña. Obras que está a  executar a empresa camariñana Construcciones Perucho, empresa con experiencia nestas lides dos campos de fútbol, xa que non en vano executou no 2011 a obra do Peche Perimetral do Estadio Hermanas Patiño. Recén comenzaba o ano novo, o principal responsable da empresa adxudicataria e o Alcalde de Camariñas, dous vellos coñecidos no mundillo do fútbol da costa, visitaban o antigamente destartalado recinto porteño para comprobar o estado das obras . E así, viron como se estaban construindo as bases das gradas que serán cubertas tal e como se levaron a cabo as do Campo de Camariñas. Asemesmo, unha vez que pasen estas duras xiadas invernais meterase a terra para despois sementar o céspede natural xa que o regadío e a drenaxe están realizados. Por último e atendendo á expresa petición da Xunta Directiva do Porteño, o bar irá nas gradas para desta meneira facer máis amenos os partidos e aforrarlle aos asiduos do histórico conxunto da Ponte do Porto unha boa viaxe.

Desgraciadamente, moito vai botar de menos o Concello de Camariñas ao ex-Presidente da Deputación Provincial da Coruña, Salvador Fernández Moreda. Adeus ás subvencións que permitían facer unha obra de certa envergadura ao ano (Praza do Mercado, Beirarrúas no Outeiro da Ponte do Porto, o futuro Tanatorio Municipal, etc...), adeus á axuda de 120.000 euros que permitío durante máis de 20 anos a celebración desa data crucial para a economía das boas xentes do noso concello que é a Mostra do Encaixe. O novo presidente deputacional Diego Calvo, supoñemos que asesorado polo seu novo persoal de confianza, xa rebaixou á axuda que financiaba o maior certame encaixeiro mundial á metade (eso este ano, o que ven será a metade da metade, por aquelo de amortiguar o impacto político), e respecto ás obras, supoñemos que os únicos beneficiados serán certas empresas de construcción que executarán as súas obras... noutros concellos, eso si, sempre do partido do novo presidente. Todo a dedo.

A alma de xubilado prematuro, de enxeñeiro de barra de bar, tan característica de camarinas.eu experimentou un gozo sin igual na tarde deste martes 12 de outubro de 2010. Andaba cara ás cinco da tarde esa mesma alma tan inquieta e xoguetona medio abollada por ahí á búsqueda dalgunha noticia que botarse ao coleto, cando reparou no lado dereito da carretera según se sae da Ponte do Porto con dirección a Camariñas que no sitio onde antes existía un triste camiño bacheado e  reparcheado centos de veces, cas súas márxenes invadidas pola maleza e as malas herbas, estreito e tortuoso, agora atopábase unha auténtica autopista, unha limpa e amplia highway que non nos levaría ata o ceo pero sí nunhas condicións dignas ata o Lugar de Xarás.