• Comezan os traballos para renovar a rúa de Abaixo en Arou

    O Concello de Camariñas xa comezou as obras para a renovación total da rúa de Abaixo, no lugar de Arou (Camelle), un proxecto valorado en 106.992,93 euros e que se centra na mellora do saneamento e na pavimentación do firme afectado. Os traballos consistirán na renovación da rede de abastecemento e de saneamento, aproveitando para retirar as conducións existentes e para facer unha rede separativa de saneamento e pluviais. Posteriormente, procederase á pavimentación da rúa con formigón armado para evitar a rotura do firme co paso do tempo.E aquí en Camarinas.eu trataremos de realizar un exhaustivo seguimento a estas obras que transformarán para semre esta importante rúa da nosa coqueta parroquia de Arou.
  • O Concello de Camariñas licita as obras da Rúa de Abaixo en Arou

    O Concello de Camariñas ven de anunciar a licitación das obras de pavimentación e saneamento da Rúa de Abaixo, de Arou, con cargo o Plan de Obras e Servicios (POS+) correspondente a este exercicio económico. O orzamento é de 106.992,13€ e o prazo para a entrega de documentación, por parte das empresas interesadas, é ata o 4 de decembro.
  • Inauguración da impresionante Rúa Principal de Arou

    O Reis Magos pasaron adiantados por Arou e deixaron un inmellorable presente en forma de remodelación da súa Rúa Principal. Unha obra que marca un antes e un despois para a poboación do norte do noso concello e á que contribuiron sinaladamente os propios veciños cedendo de forma voluntaria e gratuita os terreos que permitiron un ancheamento sinalado da mesma. A obra, orzamentada en máis de 82.00 euros, foi executada pola empresa de construccion de José Martínez Rial e incluío unha nova rede de saneamento, a renovación das acometidas as vivenda de auga, saneamento e pluviais, a construción da rede de pluviais, a preparación das instalacións necesarias para o soterramento das liñas eléctricas e do alumado, a reposición e construcións de novos peches de fincas e parcelas e, por suposto, un novo firme feito de formigón impreso acabado en color negro. Agora sí que van poder pasar como auténticos reis, con espacio suficiente para a súa suntuosa cohorte asiática, os monarcas magos de Oriente. Feliz Nadal a todos!!
  • Estacion Depuradora de Augas Residuais de Camelle e Arou

    Camarinas.eu prosegue a súa labor de seguimento exhaustivo das obras que conlevarán o saneamento integral do Concello de Camariñas. Trala recente presencia da nosa web nos históricos actos de entrega ao Concello das Estacións Depuradoras de Augas Residuais de Santa Mariña e Ponte do Porto, de ser o único medio de comunicación que se interesou no seu momento pola entrada en funcionamento da vital EDAR de Camariñas, e de visitar as obras de saneamento dos lugares de Pións e Riás en pleno Distrito de Buría, esta semana decidimos visitar as obras da EDAR que quedaba pendente: a que saneará as augas negras e fecais de Arou e Camelle. Unha obra que foi adxudicada pola anterior Xunta de Galicia en decembro de 2008 na cantidade de 1.800.000 euros, que está situada no lado dereito da carretera que une a Camelle con Arou, xusto enfrente do coqueto e abrigado porto arouán e na que como sucedeu en tódolos demáis casos, o Concello de Camariñas víose obrigado a poñer a disposición de Augas de Galicia tódolos terreos necesarios sobre os que foi acometida a obra. A construcción desta instalación depuradora vital para as poboacións norteñas do noso concello asemesmo conlevou a execución dun novo tendido de tuberías que conectasen a rede actual camellana de desaugamento cunha nova EDAR que en canto entre en funcionamento suporá, no breve lapso de tempo de dous anos, a cuadratura do círculo en canto ao saneamento integral dun concello deixado da man de Deus ata agora.
  • Arou e Lobeiras un crudo día de inverno

    No mismo día no que nos enteramos de que supostamente o record da maior ola da historia rexistrada en 20 metros no Cabo Vilán foi superada en 4 metros por outra medida a 22 millas de Santander, en pleno Mar Cantábrico, e dada a ausencia estes días de noticias (interesantes, queremos decir) dignas de publicación,  pois decidimos irnos ata Arou ca chuvia pegándonos duro nunhas caras xa afeitas a todo e destruidas en gran medida polo paso do tempo, para ver si pescábamos alí algo. O resultado foi unha reportaxe sobre un crudo día de inverno en Lobeiras e Arou a tan só dous días da finalización das obras do seu Paseo Marítimo.
  • Seguimento ás obras do paseo marítimo de Arou

    Continuando co seguimento ás obras que as diversas administracións públicas realizan en Camariñas tócanos mirar desta vez cara a nosa querida vila de Arou. Un pequeno e encantador pobo que verá a súa fachada marítima moi mellorada cas obras que está a levar a cabo o Ministerio de Medio Ambiente. Estas obras xa levan executándose hai uns meses nos cales se concluío a 1ª fase que tivo un presuposto de mais de 350.000 euros. Agora estase a realizar a segunda fase que ten un presuposto de 756.650 euros. A inversión total suporá máis de 1.100.000 euros que serán invertidos nesta preciosa vila de Arou.
  • Nova fachada marítima de Arou

    Continuando co seguimento ás obras que as diversas administracións públicas realizan en Camariñas tócanos mirar desta vez cara a nosa querida vila de Arou. Un pequeno e encantador pobo que verá a súa fachada marítima moi mellorada cas obras que está a levar a cabo o Ministerio de Medio Ambiente. Estas obras xa levan executándose hai uns meses nos cales se concluío a 1ª fase que tivo un presuposto de mais de 350.000 euros. Agora estase a realizar a segunda fase que ten un presuposto de 756.650 euros. A inversión total suporá máis de 1.100.000 euros que serán invertidos nesta preciosa vila de Arou.