• Presentado o video de Eu Son Camariñas

    Un dos actos máis multitudinario da Mostra do Encaixe 2019 tiña lugar na noite do venres 17 de abril na sala de desfiles. Alí, ante preto de 300 persoas era presentado en sociedade o video promocional do concello camariñán "Eu Son Camariñas". Ao final por fin se resolveu ese misterioso video promocional que tiña en vilo a todos e cada un dos cidadáns do concello e que fixo que en unha semana as redes sociais do programa sumaran centos e centos de cidadáns ávidos por saber como sería o desenlace final que foi desvelado neste evento. Acto presentado polo seu creador Diego Alonso Freire que estivo acompañado polos protagonistas desta historia de música e terra. A gran ausente desta espectacular estrea era a unha das protagonistas principais do programa Belem Tajes, a intérprete de Arou que estaba de viaxe por Nueva York e que quixo estar presente mediante un video que nos enviou a todos os asitentes dende a cidade dos rañaceos. Despois chegou o turno da proxección do video que, tal e como acontecera na preestrea, volveu a arrincar os aplausos emocionandos dun público entregado posto en pe que non quixo perderse a oportunidade de agradecer e dar a noraboa a todos os integrantes deste programa promocional que vos adxuntamos a continuación aquí en Camarinas.eu

  • Estrea oficial de Eu Son Camariñas este venres na Mostra do Encaixe

    Este venres 19 de abril ás 20:00 horas da tarde na sala de desfiles da Mostra do Encaixe, desvelarase publicamente todo o programa promocional do Concello de Camariñas que leva desenrolándose dende hai seis meses. O video central deste proxecto será proxectado xunto ao conxunto de actuacións como non podía ser doutro xeito no máis importante certame encaixeiro do mundo, verdadeiro escaparate do noso concello cara o exterior. Todos aqueles que desexen asistir a esta presentación en sociedade de Eu Son Camariñas poderán facelo solicitando a súa entrada gratuita por medio da web oficial do programa neste enlace de reserva para ver a presentación que realizarán os protagonistas e creadores deste impresionante video. Así mismo tamén queremos lembrar desde esta web que todos os camariñáns están invitados a este acto que se celebrará este venres 19 de abril na sala de desfiles da Mostra do Encaixe de Camariñas.

  • Carlos Bardullas e o encaixe local triunfan na segunda xornada da Mostra do Encaixe de Camariñas

    O arranque da segunda xornada da XXIX Mostra do Encaixe de Camariñas non decepcionou a ninguén. Despois de que as gaitas de Vaiche Boa e o son das palilleiras amenizasen a apertura de portas, chegou a quenda para os desfiles do ‘Pequeencaixe’, as ‘Encaixeiras Sénior’ e o estilista internacional, Carlos Bardullas. Despois da súa estrea de onte, as 50 nenas e nenos das Escolas Municipais volveron á pasarela da Mostra para amosar o encaixe que crearon durante todo o curso e que aplicaron posteriormente aos vestidos cos que desfilaron.

  • O son dos palillos dá a benvida á XXIX Mostra do Encaixe de Camariñas

    A inauguración oficial correu a cargo da alcaldesa de Camariñas, o delegado do goberno en Galicia, o conselleiro de Economía e o presidente da Deputación da Coruña.  Sandra Insua, na súa primeira Mostra como alcaldesa, destacou no seu discurso a importancia da muller na sociedade e na Mostra desde hai 29 anos.

  • Todo listo para a Mostra do Encaixe de Camariñas 2019

    O Concello de Camariñas vivirá desde mañá mércores 17 de abril ata o domingo 21 a XXIX Mostra do Encaixe. Cinco días nos que a tradición, a moda e unha chea de actividades complementarias inundarán as rúas do municipio. A apertura da Mostra terá lugar mañá, mércores 17, ás 15 horas, coa actuación do grupo de gaitas ‘Con todo en banda’ pero a inauguración oficial coas autoridades non será ata as 17 horas. Á inauguración oficial asistirán o Delegado do Goberno, Javier Losada; o Conselleiro de Economía, Francisco Conde; a subdelegada do goberno, Pilar López-Rioboo; o presidente da Deputación da Coruña, Valentín González Formoso; a Directora de Turismo de Galicia, Nava Castro; a Directora de Comercio e Consumo, María Sol Vázquez Abeal; a alcaldesa de Camariñas, Sandra Insua, e o resto de membros da corporación, e outras autoridades locais de municipios limítrofes.

  • Un total de 29 deseñadores participarán no XXVI Concurso de Noveis Deseñadores de Moda da Mostra do Encaixe 2019

    Hoxe, martes 18 de decembro, decidíronse os finalistas do XXVI Concurso de Noveis Deseñadores de Moda, que se levará a cabo durante a XXIX Mostra do Encaixe de Camariñas entre o 17 e o 21 de abril. Nesta ocasión serán 29 os deseñadores que participen no certame. Os finalistas presentarán un total de 24 coleccións, que desfilarán en dous grupos: ‘A’ e ‘B’. Hai máis deseñadores que coleccións debido a que, como permiten as bases, algúns deles preséntanse en grupo.
  • 4.500 euros no XXVI Concurso de Noveis Deseñadores de Moda da Mostra do Encaixe 2019

    Na mañán deste martes 23 de outubro, o BOP publica as bases do XXVI Concurso de Noveis Deseñadores de Moda, que se levará a cabo durante a XXIX Mostra do Encaixe de Camariñas entre o 17 e o 21 de abril e que repartirá nesta edición un total de 4.500 euros en premios. Este certame, que xa está totalmente consolidado e é altamente valorado no mundo da moda, mantén o obxectivo que persigue desde os seus comezos: fomentar e promocionar a aplicación do Encaixe de Camariñas na moda.