• Comezan as titorías do MerCamariñas

    Esta semana comezaron as titorías presenciais nas tendas adheridas ao “MerCamariñas”, proxecto que xorde dende o Concello de Camariñas para axudar ao comercio local a adaptarse a venta online mediante unha central no dominio web www.mercamarinas.com.

  • O proxecto “Mercamariñas” xa conta cos seus primeiros participantes.

    A plataforma “Mercamariñas” do Concello de Camariñas pretende adaptar aos comerciantes locais ao mundo da compra/venda a través de internet. Funcionará a xeito de centro comercial virtual a través do dominio www.mercamarinas.com onde se poderán atopar todos os establecementos do municipio que participen na iniciativa.

  • Posta en marcha do proxecto MerCamariñas

    “A vida cambiou moitísimo nos últimos anos”. Quen non escoitou esta frase algunha vez na súa vida? Normalmente tende a vir de alguén maior a un mesmo, ou un dilla a alguén máis novo. Case chega a punto de establecerse como un tópico deses que perden un pouco o seu significado. Mais, se somos sinceros, nos últimos tempos si podemos asegurar sen temor a dubidas que as cousas cambiaron moito e moi rápido. E é que as tecnoloxías impactaron nas nosas vidas e transformáronas por completo case sen darnos conta. Un exemplo é o modo no que chegastes a este texto. De seguro que estabas a fedellar en Facebook pasando o cacho e decidistes ver que che podiamos contar dende o camarinas.eu. Non? Pois a noticia de hoxe ten moito que ver con isto.

    Internet cambiouno todo, dende o modo no que nos comunicamos até o mero feito de ir comprar. Así é, a día de hoxe non necesitamos nin sequera levantarnos do sofá para adquirir o libro que andabamos a buscar, ese estante que precisamos ou mesmo o máis imprescindible como é a comida. Deste xeito nace no novo proxecto do Concello de Camariñas, o proxecto MerCamariñas.

  • O cartel da XXX Mostra do Encaixe arrasa nas redes sociais e conquista Madrid

    Despois do terremoto mediático que supuxo tanto a publicación do makinf off como da revelación do impresionante cartel da Mostra do Encaixe protagonizado por Damián Álvarez, continuaba a apisonadora mediática da mostra a conquistar Madrid por tódolos flancos posibles.  As redes sociais botaron fume durante toda esta semana con estas dúas publicacións. As estadísticas ás que temos acceso dentro do facebook da Mostra son de infarto: caseque 500 veces compartido e 30.000 persoas alcanzadas en tan só 24 horas co cartel creado por Diego Alonso e protagonizado por Damián Álvarez. Unha asoballadora avalancha social poderíamos dicir que deixa en ridículo outras publicacións. Máis alá, e dentro destas accións de difusión previas da XXX Mostra do Encaixe, o Concello de Camariñas decidiu ao mesmo tempo promocionar o evento en pleno corazón de Madrid. Así, aproveitando a presentación da XXX Mostra en FITUR, programou que do 22 ao 29 de xaneiro se proxectase nas grandes pantallas dixitais de Callao en Gran Vía o cartel da edición deste ano. 

  • Un Proxecto sobre o Faro Vilán, por Lara Pasantes

    Lara Pasantes Campaña, unha fermosa e intelixente camariñana, recén Diplomada en Arquitectura de Interiores pola Escola Superior de Arte da Coruña presenta a iniciativa de Camarinas.eu ao máis numeroso público cibernético da Costa da Morte o que foi o seu Proxecto de Fin de Carreira: un espectacular vídeo que amosa o uso do Faro Vilán como centro de Interpretación, como ámbito de exposicións diversas, un espacio en definitiva adicado ao universo cultural do noso ámbito territorial. Unha reorganización de interiores ambiciosa e vanguardista do máis célebre monumento camariñán que non deixará indeferentes, manifestación do talento desta xoven e experta palilleira asidua participante da Mostra do Encaixe e de diversas demostracións que despois de diplomarse como Técnica de Farmacia unha vez superado o bachiller decidío acometer desafíos de maior envergadura ingresando na Escola Superior de Arte da cidade herculina. A primeira proba da súa creatividade, a mostra do que espera en breve demostrar no mundo profesional unha vez que atope ese ansiado posto de traballo que anda buscado, tan só en Camarinas.eu.
  • Festa da Palilleira de Camarinas 2009

    Na tarde do domingo 2 de agosto, en pleno Paseo Marítimo, poñíase o peche á 2ª edición da Festa da Palilleira e alí estaba acompañando ás nosas palilleiras camarinas.eu, a web dotada do don da ubicuidade no fin de semana máis intenso do que vai de ano no Concello de Camariñas. Cun certo déficit de público debido a un clima que obrigou a trasladar o operativo ao local da Marina no tarde do sábado e tal vez pola data elexida, un fin de semana a cabalo entre os turistas do mes de xullo e os de agosto, esta edición ven marcada polo concurso que coronou como Raíña do Encaixe camariñán á xove Lara Pasantes Campaña, que cunha composición en encaixe que reproducía o logo da Empresa Cerdeiras no seu 125 aniversario levouse os 800 euros cos que estaba dotado o 1º Premio.