• O IES Pedra da Águia no Parlamento Xove da Universidade Laboral

    O pasado fin de semana tivo lugar nas instalacións da Universidade Laboral, en Culleredo, a fase clasificatoria do Parlamento Xove, un programa de debates organizado pola Xunta de Galicia para xóvenes de 3º e 4º da ESO, no que interviron un total de 22 Centros galegos, entre eles o IES Plurilingüe Pedra da Aguia de Camariñas.
  • Ex-deputados do Parlamento de Galicia visitan o IES Pedra da Águia

    O mércores 18 de xaneiro, o IES Plurilingüe Pedra da Aguia, de Camariñas, recibiu a visita de tres exdeputados do Parlamento galego, o que se está a converter  nunha constante nos últimos cinco anos.
  • Os rapaces do IES Pedra da Águia aprenden inglés nos Peares

    A pasada semana un grupo de 20 alumnos de 3º da ESO do IES Plurilingüe Pedra da Aguia participou na English Week, un programa de inmersión lingüística da Xunta de Galicia que se desenvolve no marco incomparable do encoro de Os Peares.
  • O IES Pedra da Águia da Ponte do Porto emprende rumbo cara Italia

    O mércores día 18 de marzo, 10 alumnos de 3º da ESO e dous profesores do IES Pedra da Aguia de A Ponte do Porto (Camariñas), emprenderán viaxe rumbo á pequeña localidade italiana de Scandiano (cerca de Bolonia) para participar nun Encontro Europeo que, baixo o título “Back to the future”, pretende poñer en contacto experiencias pasadas e presentes dos  participantes na mesma. 
  • Recortes continuos e inxustificados no profesorado do IES Pedra da Águia

    Dende o Consello Escolar do IES Pedra da Águia da Ponte do Porto remítennos unha contundente nota de prensa onde se mostran especialmente indignados polos continuos e descarados recortes neste centro por parte da Consellería de Educación da Xunta de Galicia. Uns recortes que, lamentablemente, están a ser máis continuos sobre os alumnos con máis necesidades educativas. Así, tal e como nos explican dende o consello escolar, a pesar de que o número de alumnos con necesidades educativas especiais se incrementou exponencialmente, tan só contan no centro cunha profesora e media para atendelos (malos presaxios para o futuro destes rapaces). Recalcar tamén o inxustificado da reducción do profesorado xa que dende o curso 2009/10 ata o actual o recorte no número de docentes foi dun 30% cando a matrícula de alumnos tan só se reducíu nun 18%. Dende Camarinas.eu queremos dar o noso máis firme apoio a esta xusta causa que nos trasladan dende o Instituto da Ponte que ten por finalidade frenar esta inacabable sangría de recortes no que debería de ser un tema intocable e de máxima preferencia para calqueira goberno ao que lle interese minimamente o futuro de todo un pais: a educación dos nosos fillos.
  • Malestar no IES Pedra da Águia pola retirada de tres profesores por parte da Xunta de Galicia

    O Consello Escolar do IES Pedra da Aguia de Camariñas, reunido de xeito extraordinario a mañá do luns, día 8 de setembro, e unha vez informado pola Dirección do centro da perda de tres profesores no presente curso escolar, manifesta o seu malestar e descontento ante esta decisión da Consellería de Educación. Considera que a perda continuada de profesorado incide negativamente na calidade do ensino e impide a organización e desenvolvemento dos apoios e axudas que os rapaces con dificultades necesitan para progresar no seu itinerario educativo. Existe unha contradición entre o que a Xunta propón como obxectivos educativos e o cadro de persoal co que dota ao centro para que se poñan en marcha. Este centro leva desenvolvendo durante varios cursos diferentes medidas: Plan de Mellora de Convivencia, Contratos-Programa(PROA), Programas de Diversificación Curricular e Seccións Bilingües, que haberá que suprimir por falta de profesionais que os impartan. O Consello Escolar considera necesario velar polos intereses da Comunidade Educativa e polo tanto adoptará medidas de presión para manter o equipo docente do curso pasado.
  • A Voz da Águia, novo fanzine no IES Pedra da Águia

    Un grupiño de frikis e frikas do instituto, baixo a dirección do profe máis artista, deron en facer este Fanzine, A Voz da Aguia, que seguro que terá máis números en vindeiros cursos. A verdade é que lles quedou moi ben. Igual o próximo curso se animan a continuar e eu diría que incluso deberían facer unha edición a cor e vendela, que seguro que hai clientela abonda. Os de primeiro, cando me viron chegar con ela a clase, xa preguntaban como conseguila, así que xa sabedes, hai que seguir.  E os autores/as xa saben que no que queiran facer a biblio colaborará en todo o que poida, que para eso estamos, oiga.  Ademais é que saíron moi guapos na foto...Para que vexades o que fan deixamos aquí a fotonovela publicada. Tede coidado os que padezan do corazón, que da moito medo!
  • Don Jesús xubílase do seu posto de profesor de relixión do IES Pedra da Águia

    Este xoves 7 de novembro de 2013 celebramos a xubilación do que foi profesor de Relixión durante moitos anos no Instituto Pedra da Aguia, da Ponte do Porto, Jesús Nieto Baneira. Incorporado no ano 2000 ao centro, ao pouco de abrirse este, foi gañando curso a curso o cariño do alumnado, do persoal non docente e do profesorado, que compartiu con el a súa labor nas aulas ao longo dos case 13 anos de permanencia no instituto.
  • Marcha de convivencia no IES Pedra da Águia

    Os rapaces do IES Pedra da Águia pasarono pipa na Marcha de Convivencia
    Nada máis práctico para ir rachando o xeo e ir profundizando nun coñecemento mutuo entre docentes e alumnos dun centro escolar que organizar unha divertida escursión a pe xusto no principio de curso. Isto foi o que, acertadamente, prepararon os profesores do IES Pedra da Águia da Ponte do Porto esta semana de finais de setembro de 2013 no que se organizou un ameno percorrido a pe no que os alumnos o pasaron pipa xunto aos seus tutores. Un traxecto de varios kilómetros que discorrío polo camiño que vai dende Santa Mariña ata a Praia de Arou na que algúns alumnos aproveitaron para darse un merecido e refrescante chapuzón despois da longa camiñata que se puxeron enriba do lombo. Unha boa iniciativa que, a tenor dos comentarios dos alumnos no blog da biblio do insti (pedradaaguia.blogspot.com.es), foi do máis divertida e productiva. Vaia dende aquí a nosa noraboa por esta boa e divertida iniciativa. Fonte: pedradaaguia.blogspot.com.es
  • Comeza o curso escolar 2013-2014 no IES Pedra da Águia

    Reunión dos profes cos alumnos e os pais do IES Pedra da Águia - Foto:http://pedradaaguia.blogspot.com.es

    En datas recentes dou comezo o curso escolar 2013-2014 en todos os centros educativos do Concello de Camariñas e no IES Pedra da Águia comezou tamén a actividade no seu magnífico blog pedradaaguia.blogspot.com.es que a redacción de Camarinas.eu segue asiduamente. Como primeira entrada nesta interesante páxina o administrador do blog da biblioteca do insti infórmanos sobre o inicio deste novo curso aderezada con unha ampla galería fotográfica na que pudemos ver a moitos dos nenos que comezan de novo no insti así como a moitos pais deses nenos e nenas que non quixeron perderse o primeiro día dos seus fillos.
  • Acto de despedida no IES Pedra da Águia

    O grupo IPAD nunha visita recente ao Concello de Camariñas

    Mañana viernes 5 de abril, a las doce del mediodía, el eurodiputado gallego Antolín Sánchez Presedo, el alcalde de Camariñas, el concejal de Desenvolvemento y miembros del grupo local del proyecto europeo YPAD, Young People and Devolpmented, visitarán el IES Pedra da Aguia de A Ponte do Porto. El acto tiene por objeto felicitar y mantener una breve charla con los 20 alumnos de 4º de la ESO que la próxima semana irán a Estrasburgo para asistir, en el Parlamento Europeo, a una jornada de convivencia y reflexión con más de 450 estudiantes procedentes de 21 países comunitarios.
  • Fin de curso no Pedra da Aguia

    De celebración no IES Pedra da Aguia a conta do fin do curso"Au Revoir Les Enfants" foi un film pseudobiográfico do director Louis Malle no que relataba a existencia dun internado católico francés baixo a ocupación hitleriana ao que un día, comenzado xa o curso do 43, chega un alumno xudío ao que os seus compañeiros tentarán protexer da ameaza da detención e posterior deportación. Un clima de compañerismo parecido, de amizade pre e adolescente, foi o que se puido ver nas celebracións do alumnado do IES Pedra da Aguia no día no que festexaban a tan ansiada finalización dun ano máis de andaina estudiantil con todos os seus éxitos, fracasos e medias tintas pendentes de decidir alá polo mes de setembro. Un evento que queda perfectamente retratado no vídeo que elaboraron os alumnos e que aparece recollido no pedradaaguia.blogspot.com.es. Fin de curso, o día no que o alumnado do IES Pedra da Aguia entonou ao unísono o "Au Revoir Le Institute".
  • Os alumnos pintan o IES Pedra da Águia

    Os chavales do insti pasárono pipa pintando os murais

    Están os de Plástica do IES Pedra da Aguia que non paran. Con Javier ao frente atacan canto atopan ao seu paso. Empezaron polas portas de clase, como podedes ver, e logo, non contentos con eso (afortunadamente) "atacaron" o muro de entrada do instituto porteño, que estaba tan tranquilo e agora, día si e día non, vese "invadido" por alumnos armados con pinceis, pintura e gañas de deixar constancia do seu paso por aquí. Eu non quero dicir nada... pero voulle tirar a picada a Javier e discípulos de que collo número e me poño na cola, que a entrada da biblio está un pouco triste, e pode que o próximo ano...

    Fonte: Blog do IES Pedra da Águia

  • José Teijeiro Pardo "Aguiar" D.E.P.

    Faleceu Aguiar, o administrador durante tantos anos da fábrica de CoreaNa mañán deste invernal 1º de Maio de 2012, Festividade do Traballo, entre chuvias e cristales empañados comenzou a expandirse por Camariñas a nova sobre un novo falecemento. Nunha residencia de León, cidade na aque actualmente está a residir unha das súas fillas así como o seu neto Pedro, acababa de falecer aos 90 anos de idade Don José Teijeiro Pardo, coñecido dende sempre na Vila das Palilleiras como "Aguiar". Provinte orixinariamente de Santa Marta de Ortigueira chegaba Don José a Camariñas para encargarse da administración da importante fábrica conserveira da familia Aguiar, situada en tempos no Barrio de Corea e da que tomaría Don José o sobrenome que o acompañaría o resto da súa vida, levando durante anos o timón dunha factoría que sempre destacou pola calidade indiscutible do seus productos, elaborados de forma artesanal, seguindo os vellos cánones e tradicións da salazón.
  • Entroido no IES Pedra da Aguia

    Os rapaces do insti pasárono pipa este carnaval 2012

    Continuando co repaso máis exhaustivo posible ao Entroido camariñán do presente exercicio 2012 a caravana informativa de camarinas.eu detense desta volta no Carnaval organizado entre profesores e alumnos no Instituto porteño Pedra da Aguia. Recollendo unha vez máis a información publicada no seu blog, a web que fixo da plasmación do día a día das boas (e por desgracia das malas: son poucas, pero mui nocivas) xentes de todo un concello un arte, procede a publicar na primeira plana máis vista da Costa da Morte, a de maior credibilidade e independencia, o Entroido do IES Pedra da Aguia 2012, pero mellor que nolo conten os seus propios protagonistas...
  • Club de Lectura do IES Pedra da Águia

    O Blog da biblioteca do IES Pedra da Águia tamén posúe gran actividadeXa sabiamos que os alumnos/as do Club de Lectura deste centro non andaban moi ben da cabeza (A quen se lle ocorre andar a ler libros!??) pero é que ultimamente xa empeza a cousa a ser preocupante: dáselles por afirmar que os libros falan entre eles cando non os vemos, e que incluso están preocupados pola forma de actuar dos lectores. Eu non cría nada disto, pero eles din que deixaron unha cámara oculta e que gravaron o que aquí vedes. Cada un que saque as súas conclusións:

  • Festival de Nadal no IES Pedra da Aguia

    Explosión de talentos no IES Pedra da Águia da Ponte

    Neste festival de fin de ano no noso insti descubrimos, ou máis ben, deixáronse ver por fin, unha chea de talentos do máis diverso. Sabiamos xa de habilidades en danza e coreografía e tamén tiñamos experiencias estupendas en teatro, tanto de alumnos como de profes. Pero do musical tiñamos poucas mostras nos festivais, a pesar de ter incluso un disco gravado! Só nos deixaban ver unhas pingas en momentos dispersos. Neste festival por fin asistimos a unha maior concentración de músicos e cantantes. De sempre os profes de música (case todos) animaron o "cotarro" (un recordo para Almudena) e Charo non ía ser menos. Esperemos que estes talentos nos sigan deleitando en moitas outras ocasións. O vídeo do festival é moi longo para colgalo enteiro, aquí vos quedan un par de mostras. Terédelo a disposición na biblio, onde o iremos vendo nos recreos, e quedará permanentemente no Canal Vilán, vale? A diasfrutar das vacacións!
  • Visita científica do IES Pedra da Águia

    Os chavales do insti pasárono pipa nunha excursión moi educativa

    O pasado venres 18 de novembro, os alumnos e alumnas de 4º de ESO, coñeceron o Instituto de Ciencias Forenses "Luis Concheiro", ubicado na facultade de Medicina da Universidade de Santiago de Compostela, á fronte do cal se atopa o prestixioso xenetista galego Ángel Carracedo Álvarez. Os rapaces e rapazas recibiron unha charla sobre a importancia da proba de ADN na casuística forense, e sobre o traballo que neste centro se leva a cabo. Ademais, durante a visita guiada polos laboratorios do instituto, achegóuselles ao "día a día" dun equipo de investigación punteiro.
  • Xoán Curiel no IES Pedra da Águia

    O paso do grupo do cantautor Xoán Curiel por Camariñas onde milita o noso querido amigo Álvaro Trillo como batería e percusionista principal non só foi para demostrar a súa calidade musical no concerto celebrado na Casa de Pedra este sábado pasado se non que houbo algo máis. Os días anteriores a dito concerto, do cal tamén publicaremos un amplo reportaxe, os compoñentes do grupo estiveron cos rapaces do IES Pedra da Águia para realizar un taller sobre cómo facer música cos corpos dun grupo de xente perfectamente sincronizada  e a verdade é que todos quedaron contentísimos coa experiencia como ben podedes ler no espectacular blog do IES Pedra da Águia.
  • Excursion no IES Pedra da Águia ata Camelle e Soesto

    A verdade é que o ambiente cibernético que se respira en Camariñas (a pesar de algunha que outra mamarrachada que se publica por ahí adiante) está a ser cada vez máis grande e interesante e, a pesar da dificultade que ten esto de seguir tódolos días os numerosos blogs que inundan este ambiente, sempre existe un momentiño para descubrir por casualidade unha boa noticia publicada nun destes tantos blogs camariñáns de gran calidade. E atopámolo desta vez (outra vez) no blog que tan ben levan dende a biblioteca do IES Pedra da Águia da Ponte do Porto dende o cal acaban de organizar unha excursión polo incomparable parace que descorre pola costa de Camelle ata Soesto. Alí os raparigos (e non tan raparigos) pasárono pipa desfrutando dun espléndido día de paseo entre a natureza e aquí, en Camarinas.eu, queremos mostrárvolo outra vez. Noraboa aos impulsores desta excursión. Noraboa aos profesores do IES Pedra da Águia.