• Fotos Históricas: Escola de Xaviña nos anos 80-90

    Aínda que en principio as distancias sexan polo de agora considerables, tal vez dentro dun tempo a Escola de Xaviña rememore a situación da cidade mineira rusa das Illas Svalbard ou a daquelas poboacións diamantíferas alemanas próximas a Windhoek, na actual Namibia. A dunhas instalacións abandoadas, desoladas, precipitadas ao olvido. Esta mesma semana rescatábamos do noso arquivo unha imaxe da dotación ca que contaba o vetusto centro escolar xaviñán datada aproximadamente nunha época comprendida entre finais dos 80 e principios dos 90, nos turbulentos anos do Felipismo. Vestidos maiormente cos anacrónicos chándales que caracterizaron unha época, uns 50 rapaces sonríen confiados á camara. No curso escolar 2013-2014 recén escomenzado, tan só seis alumnos visitan a diario as aulas deste centro de ensino situado nas inmediacións do Lugar do Pedrouzo.
  • Fotos Históricas: Marisqueo en Xaviña

    Gracias á inestimable aportación da nosa querida usuaria Anita, Dj^CaPrIcHoSa, a disc jockey  máis talentosa deste remoto recuncho atlántico, a lexendaria conductora do programa Paraíso Radio, camarinas.eu procede a publicar unhas fotos dun valor invaluable acerca das orixes do marisqueo moderno nos areais xaviñáns de O Ariño e de A Vasa. Imaxes dun mar de gamelas que xa nas afastadas épocas dos anos 50 e 60 extraían do fértil areal xaviñán o producto que axudaría a saír adiante a tantas familias do noso concello nuns tempos especialmente duros; fotos dos ateigados camións que levaban o berberecho, cheos a rebosar; imaxes das entrañables festas familiares que festexaban un boa tempada e permitían relaxarse un pouco en familia, sempre en familia, despois do duro traballo; tamén de palilleiras xaviñanas, porque o traballo non remataba co marisqueo no Ariño e no cuidado da casa e uns poucos pesos de máis sempre axudaban a dominar a carestía dos tempos... Pero tamén imaxes dunha explotación equilibrada, racional, que permite vislumbrar aínda a día de hoxe en calqueira das mañáns de calquer semana, nos ríxidos e incorruptibles horarios establecidos, toda unha ringleira de automóbiles aparcados á sombra dun dos máis fermosos merendeiros que un recorde, a todo un enxambre de mariscadores de ambos sexos como formigas na lexanía afanarse duramente para recoller o tope establecido, de embarcacións chegadas dende a veciña Camariñas para levarse consigo un producto dunha calidade difícilmente igualable... Imaxes dos vellos tempos, historia antiga e eterna, do Concello de Camariñas.