• Presentado o video de Eu Son Camariñas

    Un dos actos máis multitudinario da Mostra do Encaixe 2019 tiña lugar na noite do venres 17 de abril na sala de desfiles. Alí, ante preto de 300 persoas era presentado en sociedade o video promocional do concello camariñán "Eu Son Camariñas". Ao final por fin se resolveu ese misterioso video promocional que tiña en vilo a todos e cada un dos cidadáns do concello e que fixo que en unha semana as redes sociais do programa sumaran centos e centos de cidadáns ávidos por saber como sería o desenlace final que foi desvelado neste evento. Acto presentado polo seu creador Diego Alonso Freire que estivo acompañado polos protagonistas desta historia de música e terra. A gran ausente desta espectacular estrea era a unha das protagonistas principais do programa Belem Tajes, a intérprete de Arou que estaba de viaxe por Nueva York e que quixo estar presente mediante un video que nos enviou a todos os asitentes dende a cidade dos rañaceos. Despois chegou o turno da proxección do video que, tal e como acontecera na preestrea, volveu a arrincar os aplausos emocionandos dun público entregado posto en pe que non quixo perderse a oportunidade de agradecer e dar a noraboa a todos os integrantes deste programa promocional que vos adxuntamos a continuación aquí en Camarinas.eu

  • Estrea oficial de Eu Son Camariñas este venres na Mostra do Encaixe

    Este venres 19 de abril ás 20:00 horas da tarde na sala de desfiles da Mostra do Encaixe, desvelarase publicamente todo o programa promocional do Concello de Camariñas que leva desenrolándose dende hai seis meses. O video central deste proxecto será proxectado xunto ao conxunto de actuacións como non podía ser doutro xeito no máis importante certame encaixeiro do mundo, verdadeiro escaparate do noso concello cara o exterior. Todos aqueles que desexen asistir a esta presentación en sociedade de Eu Son Camariñas poderán facelo solicitando a súa entrada gratuita por medio da web oficial do programa neste enlace de reserva para ver a presentación que realizarán os protagonistas e creadores deste impresionante video. Así mismo tamén queremos lembrar desde esta web que todos os camariñáns están invitados a este acto que se celebrará este venres 19 de abril na sala de desfiles da Mostra do Encaixe de Camariñas.

  • Todo listo para a Mostra do Encaixe de Camariñas 2019

    O Concello de Camariñas vivirá desde mañá mércores 17 de abril ata o domingo 21 a XXIX Mostra do Encaixe. Cinco días nos que a tradición, a moda e unha chea de actividades complementarias inundarán as rúas do municipio. A apertura da Mostra terá lugar mañá, mércores 17, ás 15 horas, coa actuación do grupo de gaitas ‘Con todo en banda’ pero a inauguración oficial coas autoridades non será ata as 17 horas. Á inauguración oficial asistirán o Delegado do Goberno, Javier Losada; o Conselleiro de Economía, Francisco Conde; a subdelegada do goberno, Pilar López-Rioboo; o presidente da Deputación da Coruña, Valentín González Formoso; a Directora de Turismo de Galicia, Nava Castro; a Directora de Comercio e Consumo, María Sol Vázquez Abeal; a alcaldesa de Camariñas, Sandra Insua, e o resto de membros da corporación, e outras autoridades locais de municipios limítrofes.

  • Video resumo da preestrea de Eu Son Camariñas

    Despois da multitudinaria preestrea de Eu Son Camariñas, o equipo creativo deste programa promocional do Concello de Camariñas ven de publicar no blog da súa web oficial o video do acontecido o pasado domingo 7 de abril na Casa de Pedra. Alí preto de 200 persoas se deron cita, a pesares da intensa chuvia, para ver en primicia o video-clip que ten en vilo a toda Camariñas. Neste acto foi o seu creador, Diego Alonso Freire, o encargado de explicar nunha interactiva e amena presentación en diapositivas de todo o programa.  A preestrea de Eu Son Camariñas contou tamén con varias sorpresas como a proxección dun video do mellor deportista da historia da Costa da Morte, o camariñán Víctor Vigo que tamén se uníu a este programa. E ao final, despois dos emocionados aplausos do público asistente, o equipo de grabación recolleu, nun escepcional video, a opinión dos protagonistas do spot así como dalgunhas das testemuñas que quixeron voluntariamente valorar este proxecto promocional. E aquí volo deixamos a continuación para que poidades ver o acontecido nese acto de preestrea do programa Eu Son Camariñas.

  • Máis de 150 persoas abarrotan a Casa de Pedra na preestrea de Eu Son Camariñas

    Na tarde deste pasado domingo 7 de abril estreábase cun éxito sobresaínte o programa promocional do Concello de Camariñas denominado “Eu Son Camariñas”. Ademáis dos protagonistas principais do programa asistíu a alcaldesa Sandra Ínsua acompañada de varios concelleiros así como unha representación de algúns dos colectivos participantes no proxecto coma, entre outros,  o empresario camariñán Andrés Cerdeiras Lemus. O acto, celebrado nunha Casa de Pedra abarrotada coa presencia de máis de 150 persoas, foi presentado polo creador de todo este programa promocional, Diego Alonso Freire, que desgranou polo miúdo nunha amena e xenial exposición todos os pormenores deste proxecto que comezaba a andar hai seis meses.

  • Eu Son Camariñas, a preestrea este domingo 7 de abril

    Este domingo 7 de abril ás 18:00 horas da tarde será celebrada na Casa de Pedra a preestrea do video-clip "Eu Son Camariñas" por parte dos seus creadores. Despois de 5 meses de intensos traballos de deseño e creación audiovisua, xestións e grabacións o equipo de producción ten xa todo preparado para proceder a esta preestrea á que tan só se poderá acceder por medio do formulario da web do proxecto da web do proxecto habilitado para tal efecto. Unha preestrea exclusiva á cal asistirán tanto os seus protagonistas, creadores e representantes dos colectivos participantes no programa como ortavoces dos partidos políticos así como un selecto grupo de creadores audiovisuais invitados expresamente para facer unha valoración do gran proxecto promocional que ten en vilo a toda a cidadanía do Concello de Camariñas. Será esta gala a antesala da presentación oficial que, tal e como nos informan dende o equipo de producción de "Eu Son Camariñas", será celebrada por todo o alto nesta edición da Mostra do Encaixe de Camariñas e da cal terán informados aos nosos usuarios e lectores convenientemtente. Eu Son Camariñas!

  • Fran Barcia desvela en Radio Nordés máis secretos do proxecto "Eu son Camariñas"

    Segue Radio Nordés Cadena Ser a interesarse polo proxecto "Eu son Camariñas" adicando entrevistas semanais a algúns dos artistas camariñáns que forman parte do elenco deste video clip. E seguen os seus protagonistas a desvelar con contagotas algunhas das claves deste traballo que sairá proximamente á luz. e hai un par de semana o que atendía a chamada de Radio Nordés era o gaiteiro xaviñán David Carril, este xoves 14 de marzo o encargado de manter o suspense nas ondas radiofónicas da Costa da Morte era Fran Barcia, o virtuoso acordeonista camariñán que, xunto a seu irmán Carlos, representan á parroquia de Camariñas neste proxecto audiovisual. Fran contáballe a Josiño de Radio Nordés algunhas das claves do video que se está a preparar, pero sen dar moitas máis pistas e mantendo a incertidume sobre este sorprendente traballo audiovisual. E nos dende aquí seguimos con esta tensión de saber algo máis deste proxecto audiovisual que ten a todo o Concello de Camariñas sumido nunha profunda intriga.

  • A grabación do proxecto "Eu son Camariñas" revoluciona todo o concello

    Poucas veces se víu a todas as parroquias do concello de Camariñas revolucionadas de tal maneira como na mañá deste luns 11 de marzo. O motivo de tal sobresalto popular non era outro que o regreso das grabacións dun proxecto que marcará un antes e un despois na promoción do concello. Os integrantes do equipo de producción do proxecto audiovisiual "Eu son Camariñas" comezaban moi cedo as labouras dixitais que veñen a poñer o broche final a esta serie de grabacións que se sucederon ao longo de todo o concello. Entre os protagonistas desta historia que está chamada a quedar xa na memoria colectiva de todos os veciños do consistorio tivemos a oportunidade de rexistrar nas súas cámaras a esencia de todo o mellor que este gran concello e as súas xentes teñen para ofrecer: houbo dinámicas empresas de diferentes sectores, profesionais dos ámbitos máis caracterísiticos da nosa terra, emprendedoras do sector textil, as paisaxes máis impresionantes, as nosas máis representativas artesás, deportes e un largo etcétera que tivo o seu cumio na tarde cando se deron cita na lexendaria praia de Area Longa en Reira preto de un cento de nenos e nenas das diferentes escolas deportivas do Concello de Camariñas. Porque eso foi o máis emocionante para un redactor que a presente subscribe, ver a alegría e a ilusión que este proxecto provoca nos máis pequenos que ven como a súa terra, o seu fogar, e sobretodo eles mesmos son os protagonistas da historia que lles marcará para sempre. #EuSonCamariñas

  • Búscanse participantes para o proxecto audiovisual "Eu Son Camariñas"

    Dende hai uns meses un grupo de profesionais do sector audiovisual está a traballar nun proxecto co propósito de elaborar un video promocional de todo o concello de Camariñas. O programa denominado "Eu son Camariñas" está protagonizado, tal e como adiantaba un destes protagonistas en Radio Nordés Cadena Ser, por un variado repertorio dos músicos máis virtuosos de toda Camariñas dos cales algún deles saíron da Escola Municipal de Camariñas para máis orgullo patrio. Este video será presentado polo  propio Concello de Camariñas próximamente e para elo realizarase un acto no cal se proxectará este traballo cinematográfico en rigurosa exclusiva que se está a realizar e ao cal estarán invitados todos os veciños do concello. Para rematar dito video clip os creadores do guión precisan incorporar a este proxecto varios participantes para completalo definitivamente, para o cal se pedíu expresamente a colaboración dos centros educativos do concello. Así estes comunícannos que se necesitan voluntarios que queiran aparecer neste ambicioso proxecto audiovisual no cal se precisan os seguintes perfiles: mariscadoras, percebeiros, mariñeiros, empresas, palilleiras, escolas, etc... así como todo aquel que teña algo orixinal que ofrecer, e se está directamente relacionado coa música ou o mar no noso concello moito mellor. Todos aqueles que desexen participar neste proxecto poden facelo enviando un email a Este enderezo de correo está a ser protexido dos robots de correo lixo. Precisa activar o JavaScript para velo. ou chamando ao 679 871 599.

  • O gaiteiro de Xaviña David Carril entrevistado en Radio Nordés Cadena Ser

    Este pasado venres 19 de febreiro era entrevistado no programa Vivindo a Costa da Morte da radio líder da Costa da Morte Radio Nordés Cadena Ser o gaiteiro xaviñán afincado en Londres David Carril. O presentador do programa, noso querido amigo Pepe Formoso charlaba xunto aos seus contertulios habituais do programa xunto ao artista xaviñán que contaba pausadamente as súas peripecias musicais pola capital do Reino Unido. Ademáis David desvelou públicamente na canle da Cadena Ser parte do proxecto audiovisual no que están a traballar un nutrido grupo de artistas e músicos do concello de Camariñas pertencentes a diferentes estilos musicais. O xaviñán daba en exclusiva a esta cadena os nomes de varios dos integrantes deste explosivo proxecto: Belem Tajes de Arou, unha das vocalistas e compositoras máis en alza de toda Galicia; Fran e Carlos Barcia, os nenos prodixio camariñáns e incombustibles integrantes da exitosa banda de folk Samarúas; E finalmente José María Pérez, un dos máis clásicos rockeiros da Costa da Morte, veciño da Ponte do Porto, que tivo a oportunidade de traballar para músicos de talla internacional durante a súa estadía en Londres. Todos eles acompañados do gaiteiro David Carril que expresamente se trasladou dende a cidade londinense durante todo este mes de febreiro e marzo para facer realidade un proxecto dirixido por un equipo cinematográfico de primeiro nivel. Un grupo de músicos heterogéneo que conforma un proxecto musical que proximamente verá a luz e do cal vos teremos convenientemente informados desde Camarinas.eu.