• A estatua de Don Jesús decorada con flores polos nenos da catequesis de Camariñas

    A maioría dos nenos de entre 6 e 7 anos de gran parte do Concello de Camariñas aínda se lembran de Don Jesús, o noso querido amigo falecido repentinamente hai pouco máis de un ano. E seguirán recordándoo gracias a súa estatua colocada no atrio da Igrexa de San Xurxo. Hai uns días estes mesmos rapaces, xusto antes de entraren xunto aos seus mestres que os están iniciando na doctrina cristiana, quixeron sacarse todos xuntos unha foto para o recordo co busto que lembra a Don Jesús. Alí todos os nenos lembraron aquela sonrisa do páter que os bautizou nese sagrado templo da vila das palilleiras. Ao rematar de sacar as fotos por parte dos pais alí presentes os mesmos nenos empezaron a recoller as flores das camelias da igrexa que estaban esparcidas polo atrio e comezaron a depositalas aredor do busto de Don Jesús. Un acto que fixo que a gran maioría dos presentes se lles ablandara o corazón ao ver como estes pequenos camariñáns lembraron ao seu amigo Don Jesús nun acto casi involuntario que saíu do máis profundo dunhas almas puras dos nosos nenos que lembran o amor que Don Jesús repartíu por todos os lugares por onde estivo. Hai tanto que aprender dos nosos nenos...
  • O monumento a Don Jesús inaugurarase no cabodano do seu pasamento en Camariñas

    A estatua homenaxe a Don Jesús, nobre iniciativa dun grupo de veciños da vila das palilleiras, xa está nos seus últimos pasos para ser unha realidade. Este grupo de veciños veñen de amosarnos, en rigurosa exclusiva, o molde que servirá de plantilla para que o canteiro encargado do proxecto, especialista nesta dificil arte, elabore o busto que se ten previsto inaugurar no funeral que se celebrará dentro de dúas semanas na Igrexa Parroquial de San Xurxo de Camariñas. Antes de facer público este molde do noso querido amigo falecido, esta comisión que iniciou os traballos para realizar o busto de Don Jesús, contactou con varios dos familiares do que fora o páter da vila das palilleiras, que deron o seu visto bo ao molde e aledáronse profundamente da iniciativa.
  • A estatua homenaxe a Don Jesús pronto será unha realidade en Camariñas

    Esta edición da nosa Festa do Carmen será un pouco máis especial sobre todo para todos os feligreses da parroquia de San Xurxo de Camariñas. Entre as ausencias que todos teremos presentes na nosa memoria nestes días tan sinalados o pobo de Camariñas poñerá de menos especialmente ao que foi o seu cura durante cáseque 20 anos. E así o quixo homenaxear a comisión de festas con un acto en memoria de Don Jesús Nieto Baneira na véspera do que será o día grande do Carmen 2017. Prolegómeno do que está a vir, xa que a estatua homenaxe ao páter tristemente falecido hai varios meses comeza a tomar forma definitivamente. Despois de que un grupo de veciños se puxera mans a obra para promocionar esta homenaxe para o noso amigo Don Jesús e, sobretodo, para recaudar o importe necesario que sufrague o busto conmemorativo a semellante ser humano que nos guiou espiritualmente durante os derradeiros 17 anos, todo apunta a que en poucos meses contaremos con ese monumento no atrio da nosa igrexa. Tanto é así que os promotores desta homenaxe ao noso querido Don Jesús piden un último esforzo a todos aqueles que desexen colaborar nos donativos para costear o importe total que implica un traballo tan riguroso e especial como o de recrear exactamente o rostro dunha persoa . Os interesados en colaborar económicamente e darlle o último empuxón a esta xusta iniciativa popular tan só teñen que dirixirse ás oficiñas do Banco Sabadell (antes Banco Gallego) de Camariñas e alí mesmo os asesorarán para facer efectivo o donativo en só uns minutos. Para todos aqueles que non podan acudir persoalmente ao banco poden facer o donativo mediante a banca electrónica no seguinte número de conta: IBAN ES 6600812140110006205434. Ao rematar de recaudar os fondos necesarios publicarase a lista de donativos nesta mesma web para que todo o mundo teña constancia do seu aporte. Tan só nos queda un pequeno pasiño para honrar a memoria do noso querido amigo Don Jesús. Entre todos vámolo a facer posible.