Educación

Enter part of title 

Amosar # 5 10 15 20 25 30 50 100 Todos

• Europa móvese ao ritmo de Camariñas

  O venres 14 de decembro pola tarde, os embaixadores junior do IESP Pedra dá Aguia de Camariñas participaron nunha charla-coloquio que tivo lugar na Deputación da Coruña. Convidados por EuropaDirect A Coruña, os embaixadores junior escoitaron atentamente as argumentacións que sobre o Brexit, a migración e a defensa europea fixeron os eurodeputados galegos Francisco Millán Mon e José Blanco. A continuación, formularon por escrito máis de 40 preguntas, algunha das cales tivo resposta polos europarlamentarios. Non lles soubo a moito, xa que finalizado o debate seguiron preguntando a un dos oradores por máis de 20 minutos.

• Camariñas dalle as costas á violencia de xénero

  Este venres 23 de novembro de 2018 organizáronse no noso concello tres manifestacións en contra da violencia de xénero. Estas leváronse a cabo nos centros educativos de CEIP O Areal, CEIP Ponte do Porto e IES Plurilingüe Pedra da Águia. Na celebración destes actos estiveron presentes ademais dos membros da comunidade educativa e o alumnado de ditos centros a alcaldesa Sandra Ínsua e a técnica de igualdade do Concello.

• O polbo Caramiña chega a Europa da man do IES Pedra da Águia

  Se a pasada semana foron os embaixadores junior do IESP Pedra dá Aguia os protagonistas coa súa semana de inmersión lingüística en Vos Peares, esta semana foi o seu coordinador, Jacobo Santos, quen acaparou tal distinción. Con motivo dun curso de formación de tres días que tivo lugar no Parlamento Europeo de Bruxelas, e no que participaron ademais doutras tres escolas embaixadoras españolas, máis de 80 escolas embaixadoras europeas, o embaixador senior do Instituto presentou en sociedade e con gran éxito á mascota que elixiron para ser a imaxe en Europa. Trátase dun polbo de nome Caramiña, que vai ataviado cun gorro rematado con encaixe da zona e unha chapa identificativa do Centro. A mascota deixouse fotografar en diferentes lugares e con personalidades como a Directora do Comité Económico Social Europeo, Isabel Caño.

• Os rapaces do IES Pedra da Águia volven da semana de inmersión lingüística

  O pasado sábado volveron da súa semana de inmersión lingüística nos Peares, os 24 alumnos de 3º da ESO do IESP Pedra da Aguia de Camariñas. Durante unha semana os rapaces conviviron con outros centros de Galicia unha experiencia única en inglés. Coa sola presenza de monitores nativos e sen a posibilidade de utilizar os seus móbiles, os rapaces non tiveron máis remedio que falar seguido cos compañeiros. Unha experiencia inesquecible e enriquecedora, moi curta segundo eles, pero que continuará para os que foron elixidos para ser os novos embaixadores junior do Parlamento Europeo. Agora tócalles preparar o debate que o 14 de decembro terán cos 4 europarlamentarios galegos na Deputación de A Coruña.

• O IES Pedra da Águia volve a formar parte das Escolas Embaixadoras do Parlamento Europeo

  O IESP Pedra dá Aguia da Ponte do Porto (Camariñas) volve este curso 2018-2019 a formar parte do programa de Escolas Embaixadoras do Parlamento Europeo, tras obter brillantemente esta distinción o curso pasado. Os novos embaixadores junior están entusiasmados co reto e procurarán facelo aínda mellor. En principio, a próxima semana asistirán ao Programa de Inmersión lingüística en inglés que organiza a Consellería de Educación.. A semana seguinte, será o coordinador das Escolas Embaixadoras do Centro, Jacobo Santos, o que acuda a un curso de formación en Bruxelas para entrar en contacto con outros embaixadores europeos sénior. Finalmente, 2018 acabarano todos xuntos participando no debate sobre o futuro da UE, ao que asistirán os 4 eurodeputados galegos e que se celebrará na Deputación da Coruña. Aí trataranse temas como a migración, a dixitalización de Europa e o futuro da mocidade europea.

• Os alumnos do IES Pedra da Águia regresan da súa viaxe ao sur de España

  Un grupo de 24 alumnos de 2°ESO do IESP Pedra da Aguia de Camariñas regresan de terras extremeñas e andaluzas por onde durante unha semana e co programa do MEC “Rutas científicas, artísticas e literarias”, percorreron os lugares máis emblemáticos da terra de Bécquer, Juan Ramón Jiménez e Rafael Alberti, viron minas, covas, salinas, cidades cargadas de historia e monumentos e ata cociñaron. A organización e o traballo por parte das monitoras foi impecable e os rapaces gozaron enormemente duns días de intercambio cultural e convivencia cos alumnos do centro de Salamanca cos que compartiron Ruta.

• O Concello de Camariñas solicita a Xunta de Galicia que doble a aula de 1º de primaria do CEIP O Areal de Camariñas

  Hoxe, xoves 11 de outubro, a alcaldesa de Camariñas, Sandra Insua, o segundo tenente de alcalde, Juan Carlos Canosa, e os directores do CEIP O Areal e CEIP Ponte do Porto reuníronse co Xefe Territorial de Educación da Xunta de Galicia para solicitar diferentes melloras nos centros educativos do municipio.

• A Xunta de Galicia premia ao IES Pedra da Águia de Camariñas no concurso ComunicaTedu

  O IES Plurinlingüe Pedra da Aguia de Camariñas gaña o 3º premio do concurso ComunicaTedu da Consellería de Cultura, Educación e Ordenación Universitaria. Hoxe, venres 25, os tres equipos que foron preseleccionados no Concurso ComunicaTedu , acompañados da profesora que guio a actividade, Silvia Lijó, desprazáronse á Cidade da Cultura de Compostela para participar non evento InquEDU 2018: Falemos de educación.

• A escritora catalá Gemma Lienas visita o IES Pedra da Aguia

  O IES Pedra da Aguia solicitou participar no Programa “Encontros Literarios” organizados pola Subdirección Xeral do Libro, a Lectura e as Letras do Ministerio de Educación, Cultura e Deporte. Programa que pretende achegar aos mozos lectores e lectoras a un autor elixido polo instituto que acode ao centro para dar unha charla sobre a súa propia obra, seguida dun coloquio cos estudantes. Foilles concedido dito programa podendo convidar o centro á autora Gemma Lienas.

• Actividades educativas do Concello de Camariñas nas escolas en colaboración con INTEGRO e ASPABER

  A Concellería de Servizos Sociais e Igualdade do Concello de Camariñas, Sandra Ínsua Rial, leva desenvolvendo esta primeira quincena de maio varias actividades a favor da visibilización das persoas con diversidade funcional. Entre os días 30 de Abril e 7 de maio a educadora familiar tivo seis charlas repartidas entre o alumnado de 4º,5º e 6º de primaria dos dous centros escolares do concello como son o CEIP O Areal de Camariñas e o Colexio O Allo da Ponte do Porto. O dia 4 de maio a Federación de asociacións de persoas xordas de Galicia achegouse aos centros a explicarlles aos alumnos e alumnas de 5º de primaria como era a súa vida diaria ,dificultades, tecnoloxías que lles facilitan as cousas, ensináronlle algunha palabras en linguaxe de signos.

• Actos do Día de Europa no IESP Pedra da Águia da Ponte do Porto

  Este mércores 9 de maio celébrase o día de Europa e no IES Pedra da Águia van a conmemorar este día cunha serie de actos programados polo colexio plurilingüe do noso concello. Será este o broche de ouro que peche o programa de Escolas Embaixadoras do Parlamento Europeo no que participou activamente o centro educativo camariñán. Para elo teñen preparados dende o instituto toda unha batería de actividades organizadas para esta xornada que terá como invitados ilustres ao Alcalde de Camariñas Pichurri e o Director Xeral de Centros e RR.HH. da Xunta de Galicia JM Pinal Rodríguez. Noraboa aos organizadores do evento e a todos os rapaces e rapazas do IESP Pedra da Águia.

• Da comezo o programa "O Mar na Escola 2018" do Concello de Camariñas

  Esta semana daba comezo o exitoso programa do Concello de Camariñas "O Mar na Escola". Unhas actividades pioneiras en Galicia e promovidas dende a Concellalía de Deportes de José Manuel Canosa Campaña e que tratan de levar aos colexios unha serie de deportes náuticos como a vela lixeira ou o kayak entre outros tendo unha gran aceptación entre o alumnado de todos os centros educativos do concello. Este ano participan de novo o IES Pedra da Águia con 26 nenos, o CEIP da Ponte do Porto con 25 nenos e finalmente o CEIP O Areal de Camariñas con un total de 33 alumnos que terán estas actividades en horario lectivo. Un total de 84 nenos de todo o concello que desfrutarán sanamento dos deportes náuticos gracias a este programa que desenrolan dende o Concello de Camariñas. Dende esta web queremos felicitar e tamén apoiar públicamente a todos os que fan posible estas actividades e sobretodo agora, tendo en conta que o club náutico parece estár máis enfocado en organizar feiras de non se sabe que para maior gloria do seu secretario que para a promoción dos deportes náuticos en Camariñas que é realmente para o que foi concebido.

• Continúan os talleres de igualdade do Concello de Camariñas no CEIP O Allo da Ponte do Porto

  A semana do 26 de Febreiro comezaron os talleres no CEIP de Ponte do Porto, por parte da Técnica de Igualdade contratada polo Concello de Camariñas. Os obradoiros van encamiñados a realización de diferentes actividades para o alumnado de 5º e 6º de Educación Primaria e 4º, 5º e 6º de Educación Infantil. Todas as actividades teñen como fío condutor o 8 de Marzo, Día Internacional da Muller.

• Os chavales do IES Pedra da Águia da Ponte do Porto participaron no Parlamento Xove

  O pasado fin de semana celebrouse en Culleredo unha nova edición do concurso-debate Parlamento Xove, unha iniciativa do Departamento de Xuventude da Xunta que pretende poñer en valor as dotes de oratoria dos rapaces da ESO. O noso Instituto participou un ano máis con catro alumnos de 3º da ESO: Helena, Nerea, Jose e Nico. O tema proposto era se a educación ambiental impartida nas escolas podía previr incendios como os do pasado outubro.

• Andrés Barceló, director general de UNESID, en el IES Pedra da Águia da Ponte do Porto

  Este lunes 26 de febrero, el Instituto Plurilingüe Pedra da Aguia de Camariñas tuvo el privilegio de recibir a Andrés Barceló, Director General de UNESID y Consejero del Comité Económico y Social Europeo (CESE). Ante un auditorio compuesto por alumnos de 3º y 4º de la ESO, muchos de los cuales están en los programas europeos “Tu Europa, Tu Voz” y “Escuelas Embajadoras, el Consejero del CESE inició su charla con un breve repaso de los hitos que marcaron la construcción europea, para centrarse principalmente en hacerles ver a los jóvenes lo que Europa puede hacer por ellos. Igualmente les animó a poner en valor y a sentirse orgullosos del rico patrimonio cultural que tenemos en España, en Galicia y en Camariñas.

• Unha semana chea de actividades no IES Pedra da Águia da Ponte do Porto

  Esta fin de semana terá lugar na Laboral de Culleredo unha nova edición do Programa Parlamento Xove, na que alumnos da ESO amosarán as súas posturas a favor ou en contra do tema proposto para este ano: “Pode a educación ambiental nas escolas evitar incendios como os do pasado outubro?”.

• Carreira "Save the Children" no CEIP O Areal de Camariñas

  O xoves, día 22 de febreiro, celebramos no CEIP O Areal de Camariñas a partires das 12:30h unha carreira solidaria con motivo do día da Paz. Lembrar que esta prova xa fora aprazada polo mal tempo.

• Comezan os talleres de igualdade do concello no CEIP O Areal de Camariñas

  A semana do 20 de Febreiro comezan os talleres no CEIP O Areal de Camariñas, por parte da Técnica de Igualdade contratada polo Concello de Camariñas. Os obradoiros van encamiñados a realización de diferentes actividades para o alumnado de 5º e 6º de Educación Primaria e 4º, 5º e 6º de Educación Infantil. Todas as actividades teñen como fío condutor o 8 de Marzo, Día Internacional da Muller.

• O IES Pedra da Águia escola embaixadora do Parlamento Europeo

  O IES Plurilingüe Pedra da Aguia de Camariñas é un dos catro centros galegos que foi seleccionada pola Oficina de Información do Parlamento Europeo en España para participar no Programa de Escolas Embaixadoras do Parlamento Europeo. O programa ten como obxectivo estimular un coñecemento activo da Unión Europea, a través das políticas que o integran, para que o alumno coñeza as posibilidades que ofrece e para valorar o papel que desempeña o Parlamento Europeo.

• Charlas sobre igualdade no IES Pedra da Águia da Ponte do Porto

  O pasado 20 de Decembro levouse a cabo unha charla na escola de nais e pais do IES Pedra da Aguia por parte da técnica de Igualdade contratada polo Concello de Camariñas. As temáticas a tratar foron a igualdade e a coeducación. Para traballar ditos conceptos realizáronse actividades de definición e entendemento de conceptos clave para entender a igualdade, utilización da linguaxe incluinte, análise de estereotipos asociados socialmente as mulleres e os homes e análise de tarefas de corresponsabilidade.  A charla finalizou cunha reflexión común sobre o sexismo presente nos catálogos de xoguetes tan característicos desta época de Nadal. En definitiva unha boa iniciativa desenrolada dende o Concello de Camariñas encamiñada a concienciar sobre a educación en igualdade e corresponsabilidade.

Páxina 1 de 2

• Comezo
• Prev
• 1
• 2
• Seguinte
• Fin