Este luns 26 de setembro de 2011 era inaugurada a impresionante EDAR de Camelle-Arou polas autoridades da Xunta de Galicia e que está xa a rexenerar as augas fecais de ditas poboacións do concello dende hai uns meses. A dito acto foron invitados gran parte da corporación municipal de Camariñas entre os cales se atopaban o Alcalde Pichurri entre outros representantes de ámbolos partidos. O Conselleiro de turno encargado de realizar a inauguración foi Agustín Hernández (agora cunha barbiña moi coqueta) que xa inaugurou tamén a EDAR da Ponte do Porto. Un conselleiro que pouco máis fixo por Camariñas que inaugurar obras que proxectaron e realizaron outros gobernos anteriores, sin embargo, ten a posibilidade de enmendar a súa penosa traxectoria co noso concello e tratar de levar a cabo o saneamento integral de Xaviña que a pesar de xa estar aprovado polo goberno de Touriño foi rechazdo por parte deste conselleiro quedando así Xaviña como a única parroquia de Camariñas sen esta valiosa característica para o desenrolo dun pobo. O proxecto de dito saneamento de Xaviña xa o ten o conselleiro Agustín Hernández nun dos seus caixóns do seu luxoso despacho de Santiago dende a inauguración da EDAR da Ponte do Porto xa fai cáseque un ano e este martes foille de novo entregado este proxecto por parte do Alcalde de Camariñas Pichurri para que non se olvide desta petición. En fin, deixámosvos cun video e unhas fotos da visita de Agustín Hernández a EDAR de Camelle e Arou: Un conselleiro especialista en inauguracións.

Pois antes que o mesmísimo Conselleiro de Medio Ambiente, camarinas.eu xa estivera presente na que foi a entrada en funcionamento da Estación Depuradora de Augas Residuais da Ponte do Porto e incluso xa visitara as obras da EDAR de Camelle-Arou. Eso si, como  Dios nos touxo ao mundo: sin casco nin peto reflectante e con serio risco da nosa integridade física a través dunhas obras onde a morte podía esperar agazapada tras un letal panel informativo. E obviamente sin a presenza dun enxeñeiro-xefe que guiara os nosos pasos, balbuceantes e inseguros.

Camarinas.eu prosegue a súa labor de seguimento exhaustivo das obras que conlevarán o saneamento integral do Concello de Camariñas. Trala recente presencia da nosa web nos históricos actos de entrega ao Concello das Estacións Depuradoras de Augas Residuais de Santa Mariña e Ponte do Porto, de ser o único medio de comunicación que se interesou no seu momento pola entrada en funcionamento da vital EDAR de Camariñas, e de visitar as obras de saneamento dos lugares de Pións e Riás en pleno Distrito de Buría, esta semana decidimos visitar as obras da EDAR que quedaba pendente: a que saneará as augas negras e fecais de Arou e Camelle. Unha obra que foi adxudicada pola anterior Xunta de Galicia en decembro de 2008 na cantidade de 1.800.000 euros, que está situada no lado dereito da carretera que une a Camelle con Arou, xusto enfrente do coqueto e abrigado porto arouán e na que como sucedeu en tódolos demáis casos, o Concello de Camariñas víose obrigado a poñer a disposición de Augas de Galicia tódolos terreos necesarios sobre os que foi acometida a obra. A construcción desta instalación depuradora vital para as poboacións norteñas do noso concello asemesmo conlevou a execución dun novo tendido de tuberías que conectasen a rede actual camellana de desaugamento cunha nova EDAR que en canto entre en funcionamento suporá, no breve lapso de tempo de dous anos, a cuadratura do círculo en canto ao saneamento integral dun concello deixado da man de Deus ata agora.

Si hai dez días camarinas.eu estaba presente na entrega ao Concello de Camariñas por parte de Augas de Galicia da Estación Depuradora de Santa Mariña, este luns 7 de xuño de 2010 facía o propio ca entrega da EDAR da Ponte do Porto no que constituía un día histórico para a antiga e histórica vila porteña xa que a partir de agora as augas residuais da Ponte do Porto, de O Allo e de Dor terán a súa estación terminal nunha EDAR da que sairán depuradas e cumprindo tódolos parámetros de salubridade e hixiene marcados pola Xunta de Galicia para o baño e o marisqueo. Desta maneira entra en funcionamento no noso Concello unha nova EDAR a sumar ás de Camariñas e Santa Mariña, estando actualmente en construcción a de Camelle, estacións depuradoras acometidas todas elas pola Xunta de Galicia previa posta a disposición dos terreos por parte dun concello obrigado na maioría dos casos a adquirir os terreos necesarios para elo. Lamentablemente, só resta por sanear a parroquia de Xaviña e neste punto coméntanos dende o Concello que o saneamento integral da parroquia máis extensa do concello e a canalización das súas augas fecais cara a EDAR porteña estaba recollida nun proxecto ao que a anterior Consellería de Medio Ambiente e Desenvolvemento Sostible, dirixida por Pachi Vázquez, dera o seu visto bo pero co cambio acaecido na Xunta o proxecto quedou parado. Eso nos decía un alcalde Pichurri que acompañado pola concelleira Sandra Insua Rial, cara ás 13:00 deste histórico luns 7 de xuño, no interior dunhas instalacións modernas e funcionais, frente as pantallas dos ordenadores e os paneis de control e baixo un teito que cobixaba do incómodo vento e da fina choiva que neses momentos arreciaban sobre o Río Grande, firmaba a entrega da EDAR porteña, se ben a xestión da mesma, debido aos enormes custos que trae aparellada, correrá durante os próximos 20 anos a cargo da empresa constructora.

De pe, ao aire libre, con montes salvaxes como testigos, con picos agrestes como protectores, foi firmado na mañán do 28 de maio de 2010 un documento de honda trascendencia para unha pequena poboación mariñeira enclavada no illamento máis absoluto: Santa Mariña. Tratábase do traspaso por parte de Augas de Galicia da pequena Estación Depuradora de Augas Residuais (EDAR) que de agora en diante será a encargada de sanear as augas negras santamariñenses. Obra acometida por este organismo autónomo adscrito a Consellería de Medio Ambiente e Desenvolvemento Sostible e enmarcada no Plan de Saneamento Integral de Galicia 2005-2009, unha vez rematada a execución da mesma cumpría entregala ao Concello de Camariñas que será o encargado de proceder a súa xestión e mantemento. Por elo cara ás 11 da mañan achegábase o alcalde Pichurri pola carretera que descende dende o núcleo urbano de Santa Mariña cara o seu coqueto porto,  para en compañía dos técnicos enviados dende Augas de Galicia, comprobar o estado dunhas instalacións das que destaca unha instalación eléctrica que tivo que ser financiada polo propio concello. Unha vez obtido o correspondente plácet dos técnicos chegados dende a capital de Galicia, alí no medio da carretera, sobre unhas carpetas, co vento de frente e as nubes enriba, firmouse un documento histórico para esta pequena poboación costeira.  

Aproveitando os tímidos raios de sol que acabaron por asomar na sobremesa do xoves 12 de febreiro, tres membros da redacción de camarinas.eu decidiron acercarse ata a Estación Depuradora de Augas Residuais de Camariñas, sita cerca da emblemática Praia de Portoselo. Alí, o noso gran amigo e profesional do saneamento Manolo do Panadeiro exercío de mestre de ceremonias e presentounos a David Andrés, o xoven burgalés que traballa como xefe de obras da planta dunha EDAR que segundo o previsto entrará en funcionamento non máis alá de xuño, poñendo fin aos vertidos seculares que enchían as augas do porto de Camariñas dunha cor nauseabunda e o aire dun perfume embriagador. Viaxa da man de camarinas.eu a unha das grandes obras do Concello a traves dunha amplia galeria fotografica e dun espectacular vídeo a ritmo de tango.