Este pasado 13 de xuño de 2019 a alcaldesa do Concello de Camariñas, Sandra Insua, e varios membros da actual corporación e do futuro goberno do municipio, mantiveron unha reunión co xefe da Demarcación de Costas da Coruña, Rafael Eimil, para coñecer o estado dos proxectos que ten o Estado para Camariñas.

O proxecto para a construción dunha senda peonil entre Area da Vila e a praia de Lingunde está a piques de ser unha realidade. Así llo confirmou onte o Xefe da Demarcación de Costas do Estado, Rafael Eimil, a alcaldesa de Camariñas, Sandra Insua, e ao segundo tenente de alcalde, Juan Carlos Canosa, nunha reunión mantida na Coruña. Eimil confirmoulles aos representantes do goberno local de Camariñas que esta actuación, que servirá para continuar o paseo marítimo e unir a pé estes dous areais que actualmente están separados por un saínte, será licitada nos próximos meses.

Tres rapazas, Unha de Camariñas, outra de Camelle e outra da Ponte do Porto se ocupan de atender o punto de información de Reira. Xa fai unhas semanas que Demarcación de Costas ten en Reira a tres rapazas (nesta foto só saen dúas porque a outra estaba libre ese día) do Concello de Camariñas para atender calqueira suxerencia e pregunta dos turistas que se acercan e, de paso, controlar que non se incumpra ningunha das normas que se impoñen en Reira: