Victoria do Camariñas que mira ós postos de arriba

Alan encara ao porteiro do Rasoeiro nunha das xogadas que daba outra tanto máis ao CB Camariñas

Este sábado 21 de novembro xogaba o CB Camariñas Conservas Boya un importante partido no cal se vería si o noso equipo estaría en condicións para intentar asaltar os postos de arriba da clasificación. Os camariñáns gañaron aínda que volveu a aparecer a pantasma dos erros defensivos que tanto están a traballar os nosos pero sen os resultados agardados. Esperemos que consigan dar coa clave para mellorar este aspecto. Entre todos os xogadores destacados nos últimos partidos xurde un rapaz da canteira chamado Perón que con un desparpajo propio dun profesional encara aos xigantes da defensa rival como se de un moderno David contra Goliat se tratase. Estaremos atentos a esta nova esperanza do balonmán camariñán. Tamén se produxo neste partido a volta dun clásico das escolas de balonmano municipais; o porteiro Felipe que volve para remediar as carencias dun porteiro reserva de calidade. Para rematar, dicir que nese día cumpría anos "Quin", un dos xogadores máis carismáticos do CB, o cal recibía unha ovación dos seus compañeiros ao finalizar o partido. En fin, pulsa na imaxe para ler a nota de prensa que nos manda Perfecto Parapar e ver unha galería fotográfica das que só camarinas.eu é capaz de realizar.

Primeiro partido e victoria para o Encaixe-Camariñas

As xogadoras do CB Encaixe-Camariñas arrouparon ás avoas do balonmán camariñán na súa homenxe

Pasado, presente e futuro déronse cita este sábado 3 de outubro de 2009 no pavillón Municipal de Camariñas ao encontrarse na pista de xogo as xóvenes xogadoras do debutante CB Encaixe-Camariñas e as veteranas e pioneiras deste deporte de equipo no noso concello. As avoas do balonmán en Camariñas recibiron a súa xusta homenaxe por parte do novo equipo Encaixe-Camariñas que ao mesmo tempo xogaba o seu primeiro partido oficial da 1ª Autonómica contra o equipo BM Coruña. As pupilas do equipo camariñán adestrado polo carballés  e ex-xogador do CB Camariñas Bruno López arrincaron o partido un tanto nerviosas debido ao trascendental do encontro pero transcurridos os minutos víose no campo como estas excelentes xogadoras comenzaban a realizar o seu particular encaixe de bolillos balonmaneril e conseguiron ao final unha importantísima primeira victoria por 27 - 21 na que será unha liga dura e traballosa. Pulsa na imaxe para ver unha impresionante galería fotográfica do debut do CB Encaixe-Camariñas.

Imaxe dun partido da Escola de Balonmán do Concello de Camariñas cando Diego Alonso era aínda infantil

Este sábado 1 de novembro Día de Difuntos xogou o Club Balonmán Camariñas un partido moi especial no que debutou no primeiro equipo un querido e xoven veciño de Camariñas: Diego Alonso, fillo de Frutos de Chicote. Neste partido que xogou o CB Camariñas contra o Meaño no Pavillón da Ponte do Porto, Diego marcou os seus dous primeiros goles en 2ª División Nacional axudando ,desta maneira a consecución da victoria polo equipo camariñán por 31 - 22.

Balonmán Ártabro 29 - 28 CB Camariñas

Imaxe de arquivo do C.B. Camariñas en acción deportiva

O Club Balonmán Camariñas sofreu unha dura derrota este domingo na Coruña tras un bo e intenso partido no que aos camariñáns lles fallou por falta de xogadores o tiro exterior. Este factor determinou o partido no que destacaron xogadores xa clásicos como Monchiño, Quin,  o porteiro Cristian, e o máximo goleador do partido: o noso querido amigo Alberto do "Catalán" que meteu nada máis e nada menos que 9 goles. Si vos fixades nas estadísticas do partido veredes que os goleadores do CB Camariñas foron 6 mentras que os que marcaron algún gol do equipo da Coruña foron 10 xogadores. En fin, mala sorte.Pulsa na imaxe para ver a crónica e as estadísticas que nos mandan desde o CB Camariñas.

CB Camariñas 30 - 24 Atl. Guardés

Imaxe do infinito arquivo fotográfico de camarinas.eu para ilustrar unha nova victoria do equipo camariñán

O CB Camariñas consigue a súa segunda victoria nesta liga frente a o Atlético Guardés desta vez na nosa casa, no Pavillón Municipal "O Areal" de Camariñas. O encontro celebrouse este sábado as 6 da tarde e cal destacaron xogadores coma Felipe Santos con 10 goles e Monchiño e Alan que introduciron o balón na meta contraria un total de 5 veces cada un. Pulsa na foto para ver a noticia completa.

Victoria do CB Camariñas en Poio

Imaxe de arquivo dun encontro do Conservas Boya no Pavillón Municipal de Camariñas

O CB Camariñas Conservas Boya conseguíu este sábado unha importantísima victoria frente ao Artai de Poio no pavillón A Seca (Poio, Pontevedra).  Os camariñáns fixeron un partido bastante bo contra un rival directo e sempre estiveron por diante do marcador. Desta vez os árbitros seica estiveron moi acertados e superon en todo momento levar o partido. O máximo goleador foi Felipe Santos que xunta a Monchiño e Quin foron dos máis destacados do encontro. Pulsa na imaxe para ver todos os detalles do partido que nos envían a directiva do CB Camariñas Conservas Boya.

Mal resultado para un CB Camariñas en crisis:
U.B. Lavadores 37 - 15 C.B. Camariñas

Imaxe de arquivo da tempada pasada nun encontro do CB Camariñas

Este domingo 5 de outubro ás doce da mañá celebrábase o partido entre o U.B. Lavadores de Vigo e o C.B. Camariñas no Pavillón vigués de Lavadores. O Conservas Boya chegaba xa moi mermado en canto ao número de xogadores dispoñibles, xa que só puido desprazar a 10 ata terras olívicas, por elo entre os expulsados e lesionados (Anxo con rotura de rodilla), o Camariñas chegou a estar únicamente con seis xogadores sobre o campo. Pulsa na imaxe para ver a nota que nos manda o C.B. Camariñas.

O C.B. Camariñas perde o derby da ¿Costa da Morte?

O C.B. Camariñas ao ataque con Nesterov, o tanque soviético, á expectativa

Xa facía tempo que camarinas.eu non era testemuña dun encontro do C.B. Camariñas e neste caso non podía deixar de asistir ao chamado derby da Costa da Morte. Eran moitos os medios alleos a esta deprimida costa os que asistiron para dar cobertura ao partido: fotógrafos, periodistas, comentaristas e ata unha televisión (non, non era a todopoderosa TV Camariñas se non outra destartalada emisora local de Carballo).

Os árbitros suspenden incomprensiblemente o partido do C.B. Camariñas a falta de 30 segundos para o final

Estábamos todos os congregados no pavillón municipal de Camariñas a desfrutar dun trepidante partido entre o Club Balonmán Camariñas e o Atlético Novais de A Guarda, cando a falta de trinta segundos para o final, cun resultado de 28 a 26 a favor do equipo local e tras unha incomprensible pérdida de balón dun xogador camariñán no medio campo, un dianteiro do Atlético Novais que encaraba en solitario a portería do Camariñas (e o cal xa viña bastante quente dunha xogada anterior), foi obxecto dunha clara falta por parte do xaviñán Felipe. Este xa no instante douse conta da gravidade da súa acción e que esta era merecedora dunha exclusión fulminante, e cando xa se dirixía cara o banquiño local foi obxecto dunha brutal agresión do xogador visitante que recibío a falta. Entón formouse unha tangana de considerables proporcións a cal durou uns dous ou tres minutos, e cando xa estaban arranxadas as cousas entre os dous equipos, os árbitros nunha decisión incomprensible e cobarde (esperemos que polo menos non cobren por este partido) decidiron suspender o partido ante o estupor do público e dos propios xogadores dos dous equipos, os cales non entenderon esta actuación arbitral e incluso sairon xuntos ao centro do campo a saudar ao público que aplaudío o xesto deportivo, frustrando así o debut do campión olímpico de balonmán coa selección da URSS  en Seúl 88 Yuri Nesterov, un auténtico tanque soviético que seguramente lle vai a dar tardes de gloria ao C.B. Camariñas.

Sale a concurso o bar da festa do Club Balonmán Conservas Boya de Camariñas. Todas as entidades que queiran optar a dita concesión poderán informarse das condicións de cesión do bar nas oficiñas centrais de industrias Cerdeimar en Camariñas ou directamente no teléfono 678 21 57 21. Hai que recordar que a esta festa acudiran ás orquestras Olympus e Panorama, dúas grandes formacións do ámbito musical galego.

Parece ser que está de moda asoballar a Camariñas: Aquí esta camarinas.eu

camarinas.eu non permitirá que se ande de cachondeos cos equipos do Concello de Camariñas

O C.B. Camariñas recibíu unha tunda este sábado, pero non do Xiria (Carballo) senón dos árbitros que se ensañaron co equipo camariñán ao deixar ao equipo de Camariñas con tres xogadores en pista (Diego "Lalá" de porteiro, Quin (fillo do Regino) e Anxo (o fillo do secretario). Ademáis, a actuación dos colexiados foi en todo momento a seguinte: Acoso e derribo ao C.B. Camariñas. O resultado final, non ten importancia, 44-31 para os de Carballo.

Con esta situación de inferioridade total o equipo camariñán non puido facer nada ante a aplastante superioridade numérica do  Xiria que pasou por enriba dos bravos xogadores do Camariñas. A pesar de todo esta pésima e favoritista actuación arbitral non foi a única xa que noutro partido que estes dous elementos arbitraron aos xuveniles do Balonmán Camariñas xa demostraron ás súas intencións contra calqueira equipo que leve no seu dorsal o nome de Camariñas asoballando aos rapaces do noso pobo. Os árbitros deste partido José Carlos Fernández Pereira e Daniel Lago Leirós demostraron que teñen unha guerra contra o C.B. Camariñas. Desde onte téñena tamén contra camarinas.eu

C.B. Camariñas 31 - Rasoeiro 32

O xaviñán Felipe foi un dos xogadores máis destacados do encontro contra no Rasoeiro