O proxecto para a construción dunha senda peonil entre Area da Vila e a praia de Lingunde está a piques de ser unha realidade. Onte, martes 12 de marzo, o Boletín Oficial do Estado (BOE) publicaba o anuncio de exposición pública do proxecto, un dos pasos previos e necesarios antes de que comecen as obras.

O proxecto para a construción dunha senda peonil entre Area da Vila e a praia de Lingunde está a piques de ser unha realidade. Así llo confirmou onte o Xefe da Demarcación de Costas do Estado, Rafael Eimil, a alcaldesa de Camariñas, Sandra Insua, e ao segundo tenente de alcalde, Juan Carlos Canosa, nunha reunión mantida na Coruña. Eimil confirmoulles aos representantes do goberno local de Camariñas que esta actuación, que servirá para continuar o paseo marítimo e unir a pé estes dous areais que actualmente están separados por un saínte, será licitada nos próximos meses.

Non damos avasto con tanta festa en todo o concello de Camariñas!! A xa tradicional Lumarea da Vila organizada pola asociación homonima cumpre este ano o seu décimo cumpreanos, e para celebralo tanto a asociación como o concello organizan unha espectacular festa o día 22 de xuño no que se celebrará un espectacular concerto que terá como cabeza de cartel nin máis nin menos que aos Heredeiros da Crus. Grupo de rock ribeirense co cal tiveron ocasión de compartir cartel algúns que outros redactores desta web na festa da Fervenza de Mazaricos alá polos míticos anos noventa.

Aínda que o tempo non corresponde ao que debería con respecto ao mes no que nos situamos, os respectivos grupos de limpeza do Concello de Camariñas ao mando do concelleiro Xaviñán Sergio Caamaño, comezaron a limpeza das praias de todo o territorio municipal. Dende principios desta semana a gran maioría dos operarios dispoñibles polo consistorio afanábanse na limpeza da praia de Area da Vila en Camariñas, Lingunde, O Ariño en Xaviña así como tamén na coqueta praia de Camelle usando para elo unha máquina que limpa e clasifica a area descartando tanto a suciedade como plásticos ou restos de basura así como tamén retirando perigosos restos de cristais e as molestas pedriñas dos nosos areais. Despois da actuación nestes dous importantes areais o Concello de Camariñas continuará coa limpeza no resto das praias que quedan sin acicalar para comezar un verán que se presume moi importante no que a afluencia turística se refire, así que o Concello de Camariñas non quere que os pille o toro. Tal e como nos comunica o concelleiro de obras Juan Carlos Canosa dende o concello queren ter todo listo antes de que chegue o bo tempo para evitar molestias como sucede ano tras ano noutros lugares. Señoras e señores, o verán camariñán xa está aquí.

Estas derradeiras semanas están sendo frenéticas para o xoven empresario camariñán Rubén Lema e familia. Despois dunha longa temporada de duros traballos están a piques de inaugurar o que será un dos máis atractivos hoteis de toda a Costa da Morte. Hotel Playa de Camariñas é o nome escollido por este xoven emprendedor da nosa vila para esta nova instalación hoteleira sita en plena praia de Area da Vila No que antigamente foi o Hotel Triñanes, pero cunha inversion importantísima que supuxo inha reforma do inmoble caseque total. Dende a instalación electrica ata os sumidoiros, todo se reconstruiu novamente dándolle un exquisito toque modernista tanto nas habitacións como nos demáis recunchos do hotel.

Quedará no tinteiro da redacción de Camarinas.eu a publicación da galería fotográfica da que foi un ano máis a lumarea de San Xoán máis concurrida deste recuncho atlántico. Pero só quedou ahí, no tinteiro, que non no olvido, e agora procedemos á súa publicación. Unha edición a deste ano, na que a Asociación Lumarea da Vila logrou posiblemente o éxito máis espectacular da súa xa de por si exitosa traxectoria. Con case toda a vila alí no célebre areal camariñán cando estaba a piques de prender a pira incendiaria, con máis visitantes foráneos que nunca, agora só cabe darlle as gracias a este ente asociativo da Vila das Palilleiras que só traballa para o lecer dos seus conveciños. E que mellor maneira de facelo que deixando constancia ante a posteridade do que alí aconteceu un 23 de xuño de 2014.

Na mañán deste frío e desagradable luns 18 de novembro de 2013 entraba en serio funcionamento un dos motores económicos do Concello: un disperso continxente de mariscadores afánabase entre as fértiles areas da Vila de Camariñas. Trataban de revertir a sorte do que non deixaba de ser un mal ano, un exercicio que vía alá pola primavera como unhas chuvias masivas provocaban unha mortantade inxente de ameixa e berberecho no litoral xaviñán. Unha escaseza de marisco a sumar á falta de capturas que caracterizou o ano da flota do cerco. Agora, a cofradía opta por deixar descansar os seus dous bancos habituais, Ariño e Vasa, cunha explotación refrenada ao mínimo indispensable e experimenta colleita no criadeiro de Area da Vila. Alí diseminados puntos negros no horizonte dun xélido albor tentaban aportar o seu grao de area na heroica labor de levantar unha fráxil economía de tempos de guerra. A que ven constituida pola peor das pragas á que pode verse sometida un concello como Camariñas: o dun ano escaso tanto en capturas como en marisqueo. Tratando de revertir esa aciaga sorte un continxente de mariscadoras se afanaba unha xélida e desapacible mañán de finais do tétrico Ano do Noso Señor de 2013.

Case ao mesmo tempo no que un hipopótamo desesperado chantaxeaba polas ondas ao que fora o seu partido, un grupo de operarios municipais afanábase baixo a choiva. Facíano dende as primeiras horas da mañá no Paseo Marítimo de Area da Vila, nun día gris e escuro, repelendo a duras penas ramalazos inclementes de auga feroz e elo evitáballe ter que oír a voceciña aflautada e feminoide dun ilustre cachalote, prestixioso xurista e afamado (de fame, non de fama) arquitecto de Plans Xerais, que como un vulgar matón, o máis patético e rastrero dos mafiosos, tentaba chantaxear polas ondas da cadena amiga de todos pero nunca do Partido Popular á formación política que na derradeira década vendera a través do seu estercoleiro cibernético como a máis grande tódolos tempos, a máis axeitada para a realidade de Camariñas, aquela que invertía a mans cheas e tiña traballo para todos, a única incorrupta e virtuosa do noso universo electoral. Tamén nos dixera reiteradamente que o seu líder na Vila das Palilleiras era o único serio e honrado, un dechado de virtudes e bondades, todo ética e principios morais, honradez e integridade na súa máis excelsa magnitude. Apoiara asemesmo nun mal paso golpes de estado en institucións náuticas: daba igual, na súa estupidez insondable e infinita, a Fosa das Marianas cos seus once inacabables kilómetros cara o fondo, acabará tamén renegando un día non moi lonxano do que agora afirme e lles queira vender e, desesperado e illado como un cachalote perdido nos fondos abisales, emprenderá unha nova fuxida cara adiante.

Dende a estrada que conecta á Vila de Camariñas cun mundo proceloso e descoñecido parecían un pequeno exército de formigas en movemento, pero xa chegados a pe de praia podíase constatar que se trataba de esforzados mariscadores pertencentes á Cofradía de Camariñas que, nun continxente maiormente femenino, levaban a cabo na praia de Area da Vila as indispensables labouras de recolección de ameixa e berberecho para o seu posterior traslado cara ao areal xaviñán de A Vasa, onde tras o seu correspondente engorde final, estes sabrosos moluscos bivalvos estarán listos nun tempo non moi lonxano para a súa captura definitiva. Un exército de rastrillos, barreños, botas de goma, luvas de látex, cubos e traxes de neopreno afanábase tenaz nas primeiras horas da tarde baixo un ceo plomizo. O caso é que a pesares dalgunha que outra visita ocasional fóra do horario establecido, este célebre areal camariñán segue a ser un viveiro inagotable para a cría de moluscos, chegando incluso a abraiarse as propias mariscadoras da Cofradía da riqueza e fertilidade dun criadeiro natural que parece non agotarse nunca. Camarinas.eu consciente da importancia socioeconómica do sector do marisqueo a pe para un Concello volcado nas artes do mar estivo presente en Area da Vila e captou unha amplia galería fotográfica.

A pesares de todos os esforzos realizados e dunha organización e intendencia cáseque perfectas por parte da Comisión de Festas, as actuacións programadas dos dj's chegados de Suiza e da Orquesta Trole non foron quen de atraer cara a Area da Vila o importante número de visitantes esperado. A elo debe sumárselle un clima que amenazou chuvia toda a tarde descargando finalmente de forma inclemente nas primeiras horas da noite. Con todo, tratouse dunha iniciativa boa e pioneira da que a nosa Comisión tomará boa conta e que debe repetirse en edicións posteriores cun cartel de actuacións máis adecuado. As nosas redactoras Lucía e Karina (Pión) achegáronse ata o areal camariñán para degustar unhas das 600 suculentas racións de churrasco que estaban preparadas e traen ás páxinas da web líder da Costa Atlántica a presente reportaxe.

Debido ás recentes obras para a instalación do céspede artificial no Estadio de fútbol camariñán "Hermanas Patiño", para os adestramentos dos xogadores do F.C. Camariñas foi necesario acondicionar a explanada de herba que cos anos foi crecendo nun dos lados da Praia de Area da Vila, concretamente a  que está a carón do Paseo Marítimo.

Estába a redacción de recente creación de camarinas.eu a dar unha ronda na mañá deste 17 de agosto de 2007 polo Paseo Marítimo que discorre a carón da Praia de Area da Vila cando puidemos obsevar  como unha auténtica muchedumbre apelotonábase no citado areal camariñán para coller puñados de suculento e preciado marisco.