• Actividades culturais no Concello de Camariñas

    O Concello de Camariñas presenta a súa ampla oferta de actividades culturais para este curso 2021-2022. Nelas existen distintos grupos que se clasifican segundo a idade dos participantes adaptándose as súas necesidades e características.

    En primeiro lugar están as destinadas a rapazada de xeito exclusivo. Nelas atopamos o “Concello activo kids” para nenos e nenas nados entre o 2015 e o 2010; fútbol no campo municipal de fútbol “Irmás Patiño”; balonmán; cursos de iniciación, intermedios e profesionais de vela, bautismo de mar, kaiak, surf, windsurf e paddle surf ademais de xadrez.

    Outro grupo sería o das aulas para todas as idades como é a escola de música na que atopamos opcións do tipo “música e movemento”, linguaxe musical, instrumentos variados, música tradicional, bailes galegos, danza e coreografía, baile moderno ou mesmo o coro municipal.

    Finalmente está o grupo de actividades destinadas aos adultos de forma exclusiva nos que se atopan o palillo, ximnasia de mantemento, relaxgim, pilates, ioga, zumba e o “concello activo senior”.

    A data de inscrición xa está en marcha e prolongarase até o 29 de Outubro quedando en lista de reserva aquelas inscricións presentadas de forma tardía. Para quen o desexe hai varios puntos onde pode recadar máis información a cerca destas actividades, como pode ser acudindo á biblioteca municipal de luns a venres en horario de 9:00 a 13:30 horas, ou ben chamar aos teléfonos 981 73 72 34 ou 665 13 44 90. Tamén existe a opción de enviar un correo electrónico ao enderezo Este enderezo de correo está a ser protexido dos robots de correo lixo. Precisa activar o JavaScript para velo..

    Outro dos puntos no que se pode solicitar información é no despacho de deportes da Casa do Concello, de luns a venres en horario de 9:00 a 14:00 horas, chamando ao teléfono 662 51 91 33 ou enviando un correo electrónico ao enderezo Este enderezo de correo está a ser protexido dos robots de correo lixo. Precisa activar o JavaScript para velo..

    Na sede electrónica https://bit.ly/3jbcmEZ as persoas interesadas poden achegar toda a documentación requirida. O usuario deberá solicitar unha carta de pago no departamento de deportes ou na Biblioteca Municipal, e se a persoa usuaria non comunica a baixa voluntaria esixiráselle o pago anual da actividade na que está inscrito.

     

    actividades_1_MOD.jpg

    Actividades_2_MOD.jpg

  • Preto de medio millar de persoas participan nas actividades organizadas polo Concello de Camariñas

    Como cada ano son moitas as persoas, adultas e máis cativas, que se apuntan á oferta cultural e lúdica do concello. E hai actividades que teñen un atractivo especial, como por exemplo o baile nos seus diversos estilos. Un total de 148 persoas demandaron esta actividade para o curso actual, según nos informa o concelleiro Sergio Caamaño, das que 59 optaron polo baile latino, 45 pola danza moderna, 30 pola danza coreográfica e 14 polo inicio á danza.