Este domingo 30 de Setembro esa entente mediática que se está a formar entre Marcial Mouzo e camarinas.eu xa deixaron antes que nadie constancia da súa solidariedade con Manuel, Carlos e Felipe, os nosos tres mariñeiros membros da familia Lin que seguen na cadea e claman pola súa liberdade. Marcial Mouzo, ese gran locutor radiofónico Camariñán quixo facer público o seu apoio firmando no taboleiro que está exposto no Bar Gaviota de Camariñas, ese bar de arrecendo mariñeiro que posúe unhas das mellores tapas do noso pobo e ao que tanto eles solían ir a xogar ao truco despois das duras singladuras mariñeiras que Carlos e Manuel tiñan que pasar para poder levar un cacho de pan ás súas queridas familias. O domingo Marcial xa firmara. camarinas.eu tamén. Inspirábanos as sabias e fermosas palabras dese gran poeta Camariñán da dor que é Bufardo, as cales, nun xesto de gran humanidade colgaron os donos do bar Gaviota (Sesé e Marcos) ao lado dereito do taboleiro. O papel estaba plastificado sen dúbida para que as bagoas dos Camariñáns non malbaraten a poesía do mellor dos nosos bardos.