A camellana Rosario Devesa reelixida Xuíz de Paz de Camariñas

A camellana Rosario Devesa reelixida Xuíz de Paz de Camariñas

Conclúe o procedemento de elección do Xuíz de Paz titular do Concello de Camariñas. Rosario Devesa Martínez repetirá no cargo tras aprobar o pleno do pasado mes de marzo a proposta cos votos a favor do PSOE e do BNG e a abstención do PP. A reelección estivo fundamentada na súa experiencia durante estes últimos anos como Xuíz de Paz. O pasado mes de xaneiro habilitouse un procedemento para optar a este posto para os que o requisitos eran ser español, maior de dezaoito anos e non estar incurso en ningún tipo de causa xudicial ou haber sido condenado ou inculpado por delitos dolosos. ...
Dona Palmira Bermúdez Valiña, veciña de Arou, Descanse en Paz

Dona Palmira Bermúdez Valiña, veciña de Arou, Descanse en Paz

Na mañán deste frio mércores 13 de marzo de 2019 a redacción de Camarinas.eu era coñecedora da triste noticia do falecemento da estimada veciña de Arou Dona Palmira Bermúdez Valiña aos seus 96 anos de idade. Dona Palmira de Cacholas, tal e como era cariñosamente coñecida en toda a parroquia de San Bartolo de Arou está sendo velada na sala 1 do Tanatorio Parroquial de San Pedro da Ponte do Porto, dende onde sairá cara a igrexa de Arou ás 17:15 horas da tarde deste mércores 13 de marzo de 2019 para ser celebrado o seu funeral de corpo presente. Acto seguido será realizado o sepelio de Dona Palmira, unha das mulleres máis lonxevas do noso concello, no Cemiterio Veciñal de Arou onde os restos mortais de Dona Palmira terán merecido descanso eterno. Vaia dende esta redacción as nosas máis sinceiras condolencias a toda a familia de dona Palmira Bermúdez Valiña. Descanse en Paz. ...
Camelle comeza as xornadas de Pinchos Saudables do Concello de Camariñas

Camelle desfrutará das Xornadas de Pinchos Saudables do Concello de Camariñas

O Concello de Camariñas, en colaboración co Consultorio de Camelle, o doutor Fernando Cuadrado, a Farmacia de Camelle e a Asociación de Veciños A Pergoliña organizará do 15 ao 19 de marzo as ‘Xornadas de pinchos saudables’ en Camelle, onde establecementos da localidade participarán neste evento gastronómico. ...
Inaugurada a exposición Imaginatio Mare no Museo de Man de Camelle

Inaugurada a exposición Imaginatio Mare no Museo de Man de Camelle

Este pasado sábado 23 de febreiro de 2019 tiña lugar no impresionante Museo Man de Camelle a inauguración da exposición 'Imaginatio Mare' do artista catalán Joan Pascual Roca. Ademais do autor da obra estiveron presentes a alcaldesa do Concello de Camariñas, Sandra Insua Rial xunto ao segundo tenente de alcalde e concelleiro por Camelle Juan Carlos Canosa Marcote que presentaba a inauguración. Ata a última fin de semana de marzo poderase visualizar o traballo deste artista catalán, que a través da técnica da pintura con tinta chinesa invita ao expectador a somerxerse dunha maneira case existencial no ecosistema mariño. Ao remate do acto de inauguración o artista non quixo perderse a oportunidade de fotografiarse xunto a estatua do Alemán de Camelle en homenaxe a Man cun grupo de visitantes de Baleares. ...
Obras de mellora na perigosa Rúa A Pergoliña de Camelle

Obras de mellora na perigosa Rúa A Pergoliña de Camelle

¿Nunca viron vostedes esas sensacionalistas reportaxes sobre as carreteras máis perigosas do mundo? Serpenteantes camiños incrustados sobre unhas escarpadas montañas sin apenas balados que protexan dunha caída ao vacío ao longo dunha cordilleira perdida do Tibet. Pois resulta que aquí en Camelle tiñamos unha delas e nos sin enterarnos! Dase a circunstancia de que hai unhas semanas o goberno municipal se poñía mans a obra para resolver este perigoso vial da parroquia do Espírito Santo e encargoulle a nosa querida Patrulla Municipal de Obras os traballos de remodelación desta perigosa rúa camellana. O caso é que despois dunhas duras e perigosas xornadas de traballo os operarios da PMO lograron a milagre de convertir este inseguro camiño nunha firme rúa. Outro éxito engadido ao apabullante currículo da nosa entrañable Patrulla Municipal de Obras. ...