Dona Gloria Lista Campaña, veciña de Camariñas, Descanse en Paz

Dona Gloria Lista Campaña, veciña de Camariñas, Descanse en Paz

Na mañán deste mércores 10 de abril de 2019, a redacción desta web recibía a triste noticia da defunción de Dona Gloria Lista Campaña aos seus 79 anos de idade na súa casa de Camariñas. O corpo sen vida de Dona Gloria, viúva de Juan Campaña e moi querida en toda a Vila das Palillieras, está sendo velado no Tanatorio Municipal Irmáns Fernández Espín de Camariñas, dende onde sairá cara a Igrexa de San Xurxo ás 16:30 da tarde deste xoves 11 de abril. Xa no sagrado templo camariñán será celebrado o funeral de corpo presente pola alma de Dona Gloria para, acto seguido, procederse a realización do sepelio desta querida veciña da Rúa Real no Cemiterio Veciñal de Camariñas, onde os seus restos mortais terán merecido descanso eterno. Vaia dende esta redacción toda a forza e cariño a toda a familia de Dona Gloria nestes duros momentos que están a pasar. Descanse en Paz. ...
Cartel da Churrascada da Virxen do Monte 2019 en Camariñas

Cartel da Churrascada da Virxen do Monte 2019 en Camariñas

A Virxe do Monte de Camariñas comeza a quentar motores e, despois de coñecer a programación na noticia en exclusiva que publicaba esta web procedemos a publicar o cartel da Churrascada para ver de facer un pesiño para a festa da nosa virxiña do Monte. Esta impresionante churrascada será celebrada o próximo día 20, a partir das 18.30 na Praza do Mercado de Camariñas, destinada a recaudar fondos para a festa. O menú inclúe, como non podía ser doutro xeito: churrasco de porco, polo á grella, pincho moruno, chourizo criollo, pimentos de padrón, pan, viño ou refresco, café e pan de ovo. O prezo é 10 euros por persoa e o acceso é libre. A churrascada estará amenizada polo grupo O Tren da Unha, de Laxe e continuará cunha verbena nocturna a cargo da orquesta Garibaldi e a Dico Móbil Impacto. Para mais información podedes contactar coa comisión de festas no teléfono 690 93 33 98. ...
Os protagonistas do video-clip Eu Son Camariñas

Eu Son Camariñas, a preestrea este domingo 7 de abril

Este domingo 7 de abril ás 18:00 horas da tarde será celebrada na Casa de Pedra a preestrea do video-clip "Eu Son Camariñas" por parte dos seus creadores. Despois de 5 meses de intensos traballos de deseño e creación audiovisua, xestións e grabacións o equipo de producción ten xa todo preparado para proceder a esta preestrea á que tan só se poderá acceder por medio do formulario da web do proxecto da web do proxecto habilitado para tal efecto. Unha preestrea exclusiva á cal asistirán tanto os seus protagonistas, creadores e representantes dos colectivos participantes no programa como ortavoces dos partidos políticos así como un selecto grupo de creadores audiovisuais invitados expresamente para facer unha valoración do gran proxecto promocional que ten en vilo a toda a cidadanía do Concello de Camariñas. Será esta gala a antesala da presentación oficial que, tal e como nos informan dende o equipo de producción de "Eu Son Camariñas", será celebrada por todo o alto nesta edición da Mostra do Encaixe de Camariñas e da cal terán informados aos nosos usuarios e lectores convenientemtente. Eu Son Camariñas! ...
Don José Mouzo Tajes, veciño de Camariñas, Descanse en Paz

Don José Mouzo Tajes, veciño de Camariñas, Descanse en Paz

Outra vez volve a golpear a traxedia na vila de Camariñas nunha teerrible crónica que se repite semana tras semana e non ten vilos de anunciar o seu final. Na mañán deste luns 18 de marzo de 2019 esta redacción recibía incrédula a noticia da repentina defunción do noso querido amigo Don José Mouzo Tajes aos seus 77 anos de idade. Ao parecer foi un fulminante paro cardíaco o responsable da morte do noso compañeiro Pepe da Cabreira, tal e como era cariñosamente coñecido en toda Camariñas. Persoa afable, moi querida e sempre cun sorriso para todo o que se cruzase no seu camiño, vaise un camariñán sempre disposto a colaborar en todo o que lle propuxeran. Especial foi a súa labor no ámbito musical formando parte activa no Coro Parroquial de Camariñas ou no grupo Os Panchos do Golfendro por poñer un par de exemplos. O corpo sen vida de Don José está sendo velado no Tanatorio Municipal de Camariñas Irmáns Fernández Espín, dende onde sairá ás 16:15 horas deste martes 19 de marzo para dirixirse a igrexa na que tantas veces o escuitamos cantar e onde será celebrado o funeral de corpo presente pola alma de Don José. Acto...
Don Ramón Martínez Suárez, veciño de Camariñas, Descanse en Paz

Don Ramón Martínez Suárez, veciño de Camariñas, Descanse en Paz

Este venres 16 de marzo deixaba este mundo repentinamente o noso querido amigo e veciño de Camariñas Don Ramón Martínez Suárez aos seus tempranos 60 anos de idade. O corpo sen vida de Don Ramón está sendo velado no Tanatorio Municipal de Camariñas Irmáns Fernández Espín dende onde sairá cara a Igrexa de San Xurxo de Camariñas ás16:15 da tarde. Xa no sagrado templo camariñán será celebrado o funeral de corpo presente pola alma de Don Ramón para, acto seguido, ser realizado o seu sepelio no Cemiterio Municipal de Camariñas onde os restos deste querido veciño terán merecido descanso eterno. Vaia dende esta redacción as nosas máis sinceiras condolencias nestes duros momentos que están a pasar a toda a familia e amigos de Don Ramón Martínez Suárez. Descanse en Paz. ...