1 1 1 1 1 Rating 0.00 (0 Votes)
Este curso 2014-15 os alumnos de sexto iremos contando todo o que ocorre no colexio, todos estos sucesos escribirémolos tanto no blog da aula BLOG DOS ALUMNOS DE 6º DO CEIP O AREAL, coma no xornal dixital www.camarinas.eu.

As noticias tratarán sobre proxectos que realicemos na nosa aula, sobre os sucesos importantes que pasen no resto do colexio e tamén contaremos todas as festas e celebracións que  se fagan no centro.

O ano pasado realizamos un proxecto no que de dous en dous leíamos unha noticia de “La Voz de Galicia” e despois volvíamola a escribir e facíamos un debuxo sobre ela. Presentamos todas estas noticias a un concurso dese xornal, e inda que non conseguimos gañar gustounos moito facer de periodistas.

Este ano non queremos copiar unha noticia senón ser nós os que a fagamos dende o principio. Traballaremos por parellas e un de nós elaborará unha noticia e outro sacará as fotos para acompañala.
Esperemos poder publicar polo menos unha noticia cada semana e que guste a todos os lectores.

Engadir un comentario