Continuando co repaso máis exhaustivo posible ao Entroido camariñán do presente exercicio 2012 a caravana informativa de camarinas.eu detense desta volta no Carnaval organizado entre profesores e alumnos no Instituto porteño Pedra da Aguia. Recollendo unha vez máis a información publicada no seu blog, a web que fixo da plasmación do día a día das boas (e por desgracia das malas: son poucas, pero mui nocivas) xentes de todo un concello un arte, procede a publicar na primeira plana máis vista da Costa da Morte, a de maior credibilidade e independencia, o Entroido do IES Pedra da Aguia 2012, pero mellor que nolo conten os seus propios protagonistas...

Xa sabiamos que os alumnos/as do Club de Lectura deste centro non andaban moi ben da cabeza (A quen se lle ocorre andar a ler libros!??) pero é que ultimamente xa empeza a cousa a ser preocupante: dáselles por afirmar que os libros falan entre eles cando non os vemos, e que incluso están preocupados pola forma de actuar dos lectores. Eu non cría nada disto, pero eles din que deixaron unha cámara oculta e que gravaron o que aquí vedes. Cada un que saque as súas conclusións:

Aínda sorprendidos polo éxito inesperado dun xoven rapaz do noso concello nun programa televisivo de ámbito nacional e visto o éxito da noticia que se facía eco  delo con máis de 1.300 visitas en apenas uns días, a web líder da Costa ad Morte decidío visitar  ao seu protagonista, Arián López Lijó, no refuxio que ten a súa familia en Dor, parroquia da Ponte do Porto. Para elo puxémonos en contacto cun dos seus mellores amigos, o informático camariñán e usuario e colaborador de camarinas.eu Roberto, co cal visitamos o sábado 21 de xaneiro de 2012 ao héore televisivo que mantivo en vilo a todo un concello durante unhas cantas semanas do ano que recén comenzaba. Nun recodo do camiño, a man dereita segundo se vai cara a Ponte do Porto, desviámonos da carreteira principal e adentrámonos nun remanso de paz, salpicado aquí e alá por confortables e espaciosas casas unifamiliares, rodeadas por bosques de pino, campos de labranza e o Río Grande, maxestuoso e calmo, como fronteira deste prácido verxel rural. Dous cans de raza labrador anteceden a Adrián na benvida. Xa no salón do seu fogar e baixo a sombra dunha espectacular biblioteca que escala ata o teito e que fai necesaria unha escada para descubrir os seus innumerables tesoros literarios, ten lugar unha amistosa e amena conversa na que Adrián nos conta os pormenores do seu éxito.

Neste festival de fin de ano no noso insti descubrimos, ou máis ben, deixáronse ver por fin, unha chea de talentos do máis diverso. Sabiamos xa de habilidades en danza e coreografía e tamén tiñamos experiencias estupendas en teatro, tanto de alumnos como de profes. Pero do musical tiñamos poucas mostras nos festivais, a pesar de ter incluso un disco gravado! Só nos deixaban ver unhas pingas en momentos dispersos. Neste festival por fin asistimos a unha maior concentración de músicos e cantantes. De sempre os profes de música (case todos) animaron o "cotarro" (un recordo para Almudena) e Charo non ía ser menos. Esperemos que estes talentos nos sigan deleitando en moitas outras ocasións. O vídeo do festival é moi longo para colgalo enteiro, aquí vos quedan un par de mostras. Terédelo a disposición na biblio, onde o iremos vendo nos recreos, e quedará permanentemente no Canal Vilán, vale? A diasfrutar das vacacións!

O pasado venres 18 de novembro, os alumnos e alumnas de 4º de ESO, coñeceron o Instituto de Ciencias Forenses "Luis Concheiro", ubicado na facultade de Medicina da Universidade de Santiago de Compostela, á fronte do cal se atopa o prestixioso xenetista galego Ángel Carracedo Álvarez. Os rapaces e rapazas recibiron unha charla sobre a importancia da proba de ADN na casuística forense, e sobre o traballo que neste centro se leva a cabo. Ademais, durante a visita guiada polos laboratorios do instituto, achegóuselles ao "día a día" dun equipo de investigación punteiro.