Xa sabiamos que os alumnos/as do Club de Lectura deste centro non andaban moi ben da cabeza (A quen se lle ocorre andar a ler libros!??) pero é que ultimamente xa empeza a cousa a ser preocupante: dáselles por afirmar que os libros falan entre eles cando non os vemos, e que incluso están preocupados pola forma de actuar dos lectores. Eu non cría nada disto, pero eles din que deixaron unha cámara oculta e que gravaron o que aquí vedes. Cada un que saque as súas conclusións:

Se por un lado nestes días estamos a vivir en Camariñas algunhas das actitudes máis vergonzosas e flagrantemente violadoras da Lei  de toda a nosa historia protagonizadas por un político habitual perdedor de eleccións, cada vez máis sólo, cada vez máis abandonado, cada vez máis desquiciado na súa viaxe final, por outro un puñado de xóvenes (xente sana, cunha adecuada formación e disposta a comerse o mundo), maiormente provintes da parroquia da Ponte do Porto están a cubrir de gloria estas terras. O último en subirse ao interminable carro de triunfos municipal é o porteño David Gómez, gañador dun concurso de radioaficcionado a nivel nacional. Ao frente do equipo de cinco compoñentes ED1T (léase Eco Delta Un Tango), nome asignado dende o ano 2009 pola Dirección Xeral de Comunicacións, David obtivo xa no 2010 o 3º posto de España no Campeonato Mundial CQ WW WPX SSB ca friolera de 2.561.592 puntos e agora no recén extinto 2011 batindo tódalas marcas (2.795.276 puntos) acadou o primer posto a nivel nacional. No referido campeonato participaban máis de 180 radioaestacións hispanas fronte as cales debío competir o equipo de David durante 48 horas ininterrumpidas e resultou campeón ao lograr contactar co máximo número posible de radioaficcionados extranxeiros.