Sergio Caamaño, 27 anos. Delegado Desenvolvemento
Grande como un estado norteaméricano, así é a nosa querida parroquia de Xaviña. Múltiples son as divisións e subdivisións da explanada Xaviñana. Precísamente, nun dos seus innumerables lugares, o Lugar de Cruceiro, naceu o invitado desta semana do Top Camariñas: Sergio Caamaño. Político nato, este Cáncer de 27 anos, pelo negro e ollos marróns é na actualidade o Concelleiro de Desenvolvemento Económico e Servizos Públicos do Concello de Camariñas polo PsdeG-PSOE. Ou como lle gusta dicir a él con orgullo: "O Concelleiro de Xaviña". Despois de uns anos compaxinando estudos e traballo na Coruña finalmente, no ano 2005 Sergio voltou a súa querida terra e dende aquela é un membro activo de todos os movimentos sociais e veciñais que impulsan o desenrrolo de Xaviña. Sempre moi interesado no mundo rural e a súa problemática, sendo Presidente da asociación cultural "Abrindo Rejo" e tamén Secretario da "Asociación de Veciños de Xaviña", él considera que o principal logro acadado polo movimento veciñal xaviñán foi o de sacar aos rapaces da rúa, para iso foron básicos as diversas actividades culturais organizadas na parroquia de Xaviña: Torneos deportivos, biblioteca parroquial, a organización dos festexos de Carnavais e San Xoán, e sobre todo, o olliño dereito de Sergio, a súa obra predilecta: A Xoldra Enxebre. Como bo político (chamado a grandes xestas), supo zafarse e encaixar ben os golpes que dirixío o xornalista:
  • Un lugar para vivir: Xaviña.
  • Un lugar para escapar: Calqueira onde haxa tranquilidade.
  • Unha paisaxe: O Ariño.
  • Un prato: Sempre comida caseira. En especial morro polo caldo da miña tía Lola
  • Unha bebida: Saúde en estado puro: Auga da fonte da Ínsua
  • Un rasgo físico das mulleres: Os labios
  • Algo que lle pida a unha muller: Querer e ser querido.
  • Unha película: Forrest Gump, de Robert Zemeckis
  • Un actor: Tom Hanks.
  • Unha actriz: Jessica Alba.
  • Un grupo de música: ¡Home, "Airiños do Vilán", que para algo tocaba eu alí a gaita!
  • Unha canción: Son un enamorado da música folk, en especial galega, por iso elixo "Quen teña viño", de Quenpallou.
  • Un libro: "Entrevista con el Vampiro" de Anne Rice
  • Un escritor: Ken Follet
  • Un momento histórico: Centrándome en Xaviña, destaco cando en 1979 a Asociación de Veciños recuperou nos tribunais, despois dunha loita de anos, a propiedade de todos os montes de Xaviña.
  • Un soño: Servir ben o meu pobo, en xeral acabando co localismo. Todos temos que unirnos para mellora-lo Concello e, como un só home, tirar de todo Camariñas para adiante, sen importar de que parroquia sexamos.

A redacción de camarinas.eu da fé delo, colgado do teléfono do seu despacho da Casa de Pedra, as innumerables subvencións e logros que Sergio conseguíu, non atinguen só a Xaviña senon que benefician a todo o concello. ¡¡Segue darlle duro a ese teléfono Sergio!!

Engadir un comentario