Os máis fermosos veleiros do mundo

Aproveitando o desbaraxuste provocado na Península pola lamentable actuación dos monarcas Borbóns e a consecuente invasión napoleónica e cruenta e heroica guerra de independencia desenrolada polo pobo español, as colonias americanas consideraron que era chegada a hora da súa maioría de idade e que cumpría abandonar o fogar paterno. Deron así comenzo en 1810 os primeiros pasos dunhas extenuantes guerras de independencia que se alargarían ata o arriado final da bandeira española no Porto de El Callao (Perú) en xaneiro de 1826. Agora que se cumpren os 200 anos da constitución das súas primeiras Xuntas Nacionais de Goberno ten lugar nos países do cono sur austral unha esixente regata conmemorativa que cunha participación de buques veleiros de 12 países, entre eles o noso impresionante Juan Sebastián (que non Juan José, o sea, JJ) Elcano, durará cinco meses e cubrirá unha ruta dende Río de Janeiro ata a mexicana Veracruz. Aquí na Madre Patria, non podíamos permanecer indeferentes antes os grandes eventos que este ano van ter lugar nas repúblicas irmáns hispanoamericanas, e por elo o noso representante plenipotenciario na Arxentina, Toxo, decidío cubrir a regata ao seu paso por Buenos Aires cunha extraordinaria galería fotográfica.

A Regata Internacional Velas Sudamericanas dou comenzo o pasado domingo sete de febreiro no Porto de Río de Janeiro, comenzando así unha longa travesía marítima que levará aos esbeltos e áxiles buques veleiros dunha ducia de países a arribar alá polo mes de xuño no caribeño muelle mexicano de Veracruz, previo paso por algúns dos máis importantes e lexendarios portos marítimos do mundo: Montevideo, Buenos Aires, a Illa dos Estados, a remota Ushuaia, Punta Arenas, Valparaíso, El Callao, Guayaquil, Cartagena de Indias, La Guaira, Santo Domingo... nomes evocadores e cunha carga simbólica suficiente para facer voar a imaxinación. 

Na relación de buques participantes podemos atopar nomes lexendarios de buques escola como o “Bernardo Houssay” de Argentina, “Capitán Miranda” de Uruguay, “Cisne Branco” de Brasil, “Cuauhtémoc” de México, “Esmeralda” de Chile, “Gloria” de Colombia, “Guayas” de Ecuador, “Iskra” de Polonia, “Juan Sebastián Elcano” de España, “Libertad” de Argentina, “Simón Bolívar” de Venezuela, entre outros. Sempre ao pe do cañón informativo e cun recordo para a súa terriña, o noso querido usuario Toxo decidío acercarse ata o porto bonaerense para captar unha impresionante galería fotográfica e facer as xestións precisas para que esta importante regata internacional non olvide facer escala nunha vindeira edición no coqueto e abrigado porto santamariñán.

Finalmente indicar que os dous redactores que o presente subscriben, cando de buques escola se está a falar non poden olvidar a traxicómica e destartalada (marca de la casa) desventura vivida hai xa uns cuantos anos, concretamente corría o ano 2001, no  Porto da Coruña na resaca provocada por unha xornada electoral na que Don Manuel Fraga dera a enésima tunda aos seus adversarios políticos con motivo dunhas eleccións autonómicas. Tivo lugar no barco da armada rusa "Sedov", ao decir dos expertos o maior buque escuela do mundo (catro mástiles, 117,5 metros de eslora total), regalo de Sir Winston Churchill á Unión Soviética en 1946 como mostra de recompensa e recoñecemento pola abnegada e homérica labor desenrolada polo pobo soviético ante o invasor alemán na II Guerra Mundial. Día de autos no que estos dous humildes pecadores chegaron, con tal de comprar de estraperlo a típica camiseta a raias horizontais azuis e brancas do exército ruso, a así chamada Alma Marinera (Morskaya Dusha), a descender por unha escaleira de man ata as mesmas  entrañas (a bodega) do barco con dous afameados mariños de ollos fríos e destello bandolero. Un deles da septentrional Arjánguelsk, creemos recordar. ¿Por onde andará agora? En fin, la vida de las sorpresas. Sorpresas que te da la vida.

---

• 13/12/2010 12:29 - Reencontro entrañable na Arxentina
• 13/06/2010 12:35 - Retorno de Josefa Carril Rodriguez
• 04/05/2010 22:08 - Trotamundos.eu: Republica Dominicana
• 16/04/2010 19:05 - Miss Jura 2010 en Suiza
• 08/04/2010 11:33 - Comision das Festas de San Xurxo en Suiza

• 02/05/2011 19:15 - Morte de Bin Laden en NY
• 30/04/2011 08:50 - JM Souto Bello: Washington DC
• 06/12/2010 13:05 - JM Souto Bello: American Way Of Life
• 21/06/2010 11:12 - Trotamundos.eu: camariñans no Brasil
• 25/03/2010 21:16 - Trotamundos.eu: Jose Manuel Souto Bello

• 30/01/2010 11:26 - Trotamundos.eu: Barrio de La Boca, Buenos Aires
• 15/11/2009 20:38 - Busqueda de Manuel Garcia Santos (e II)
• 19/10/2009 19:09 - Brasil en camarinas.eu
• 30/09/2009 15:17 - Busqueda de Manuel Garcia Santos
• 10/06/2009 10:18 - Xeografia.eu: Patagonia Argentina

---