Ás 21 horas deste Domingo de Resurrección do Noso Señor Xesucristo rematou a XVIII edición da Mostra do Encaixe de Camariñas. E neste momento de despedida camarinas.eu quere ter un detalle para unha persoa clave dentro do colectivo de usuarios: O Soco, que forma a mítica dupla dos colilleros da nosa web xunto a esa institución de camarinas.eu que é o noso querido, pero sobre todo admirado, Juan camarinan.

As dúas fillas do noso admirado Soco pasaron toda a Mostra atendendo e axudando no stand da súa tía María Jesús (Artesanía Chus), onde se distinguiron pola súa gracia e amabilidade na atención ao cliente. Esta redacción espera sinceramente que estas fotos das súas adoradas fillas palíen na medida do posible a nostalxia e morriña do Soco, un xenio da informática que dende a conservadora, saciada e neutral Suiza destácase no día a día como un usuario clave da nosa web, dando un toque de cordura en tódolos xaleos e pifostios que por aquí armamos (debe ser que se lle pegou algo do carácter do país helvético), que non son poucos. En fin, Colillero, disfruta destas dúas fillas túas ben fermosas e intelixentes. Elas tamén me dixeron que che transmitíramos a seguinte frase, xa mítica en camarinas.eu: ¡¡TE QUIERO PAPÁ!!

Foto 1

Foto 2

Foto 3