Finalmente, na tarde deste 9 de xuño de 2014 temos o pracer de presentar en sociedade o novo salto de calidade acometido por Camarinas.eu. O cuarto dende que alá por agosto de 2007 arrancase a que estaba chamada a ser a web máis visitada, a máis influinte, a máis popular, da historia da Costa da Morte. Nova web, novo formato, nova imaxe para ir a carón duns tempos que non dan tregua e para que Camariñas teña o medio de comunicación que necesita: aquel que permite ter unha voz para defender o noso e para amosar ao mundo as riquezas dunha terra sen igual. Un cambio que dende esta redacción empezouse a desenrolar uns meses atrás cas miras postas en ter todo listo para o 15 de agosto, séptimo aniversario de Camarinas.eu, pero debido a problemas recentes con hackers (éstes sí de verdade) houbo que adiantar todo o proceso de migración cara ao infinitamente máis seguro xestor de contidos Joomla 3.3 que este histórico para nós luns 9 de xuño temos o pracer de inaugurar.

O proceso foi arduo e fixo que a redacción estivese volcada todo o fin de semana para completar a inxente tarea, non en vano estamos a falar do arquivo escrito e gráfico xa non máis extenso da Costa da Morte, senón un dos principais de Galicia. Migrouse todo o contido histórico da web (noticias, fotos, vídeos, comentarios, etc..) así como tamén se mellorou a Rede Social. O único que deixa de existir é o Libro de Visitas, aínda que se conservan os máis de 100.000 comentarios na base de datos, os cales quedarán para a historia de Camariñas. Esta nova actualización tamén traerá consigo unha mellora da velocidade da web e así como a optimización completa da Base de Datos, o cal impedirá alomenos nun futuro cercano que os hackers (éstes sí de verdade) anden a enredar co patrimonio de tódolos camariñáns.

Pero non só haberá cambios en canto á estructura, á columna vertebral de Camarinas.eu, asemesmo a partires de agora contarase con redactores en todas as parroquias do Concello e en vindeiras semanas tratarase de presentar a novos colaboradores para que aporten novos puntos de vista, imparciais e obxectivos, como corresponde a unha web plural e apolítica, nas distintas seccións da web. Tempo en definitiva, ilusionante e esperanzador, tempo tamén de pulir erros e defectos para que os camariñáns teñades a web que vos merecedes: a mellor da historia da Costa da Morte. Nesta nova etapa que se abre debe asemesmo falar dos patrocinadores que farán viable Camarinas.eu, os que garantizarán a aportación imprescindible para que o gran medio de comunicación camariñán siga no futuro levando noticias da súa terra ata o derradeiro dos recunchos deste mundo de Deus onde habite un camariñán.

Comentarios   

rula
+3 # Nuevo formatorula 10/06/2014 09:12
Acostumbrándono s al nuevo formato. Enhorabuena!
Denunciar ante o administrador
Moncho de Dios
+3 # Se me olvidoMoncho de Dios 10/06/2014 10:34
Suerte en esta nueva caminata ,que todo salga bien,y el que lo lea quede satisfecho de lo que tratas de comunicarle ,LA VERDAD,
Denunciar ante o administrador

Vostede non ten permisos para comentar nesta noticia.