 O 21 de marzo a gran competición de masas do Concello de Camariñas sufrirá un parón por mor da Mostra
Trofeo Zamora Primeiro fui Ricardo Zamora, "El Divino", un porteiro dos de gorra con visera, fortes rodilleras, acostumado a saír a hombros dos estadios e gañador dunha medalla de plata na Olimpiada de 1920. Despois ven o barcelonista Ramallets, porteiro daquela España que vencera á Pérfida Albión e rematara cuarta o Mundial de Brasil 1950. O seu legado sagrado foi recollido polo agora peneuvista "Chopo" Iríbar, impagable naquel minuto de silencio en honor á morte do Xeneral en partido xogado en Escocia; por Mariano García Remón, "El Gato de Odessa", e finalmente, polo felino Arconada, sempre ca sospeita por aquel desdichado gol na final da Eurocopa de 1984. Entre eles, unha impresionante nómina de porteiros galegos: Amador (ollo, non confundir), gardameta que foi do Real Madrid e do Barça; os madridistas Miguel Ángel, Agustín, sempre co porte aristocrático dun lord inglés, e por encima de todos, o xenial Paco Buyo, o máis grande arqueiro que baixo uns paus vío o redactor que o presente suscribe. Esta gloriosa tradición foi continuada polos porteiros dunha Liga, agora Copa, de Veteranos, que cada semana xóganse o físico con paradas antolóxicas que abraian ao público da gran competición de masas de Camariñas. Unha competición que por mor da XX Mostra do Encaixe sufrirá un parón ligueiro. Aproveitando este ínterin, dende estas páxinas humildemente propoñemos que a liga se traslade con toda a súa impedimenta e sempre co permiso da Federación de Buría, lexítima propietaria, ao Estadio do Cotro, como homenaxe ao máis histórico e antigo dos campos do Concello.
|
Derrota en Fisterra no último minuto
 Imaxe de arquivo dun dun duelo típico da Liga da Costa, o que enfrenta ao Camariñas co Fisterra
¡¡Ay, si a Liga da Costa de Veteranos durara cinco xornadiñas máis que tíñamos un equipo campeón!! Nembargantes dúas son as datas que restan para finalizar unha competición onde os veteranos do Vietnam camariñáns completaron unha espectacular segunda volta reconvertida en paseo militar. Polo demáis, nova victoria dun Cerceda de Juanillo que se verá este xoves as caras co seu máis directo perseguidor, os benxamíns do Deportivo da Coruña, e mala xornada para os equipos con sede no Concello de Camariñas: derrota in extremis dos pupilos de Papi en Fisterra no último minuto e dos de Rosqui no seu mítico pero un tanto destartalado Estadio Municipal da Grixa. A crónica polo miudo de canto dou de sí a xornada de fútbol federado camariñán nunha sección impecable e imprescindible, a que escribe semanalmente o xefe dos deportes de camarinas.eu: Juan Manuel Cabrejo Pasantes, Mago de Corea.
|
 Buxa Sénior e Buxa Júnior, dúas vidas entregadas ao máis sagrado e adictivo dos deportes, o fútbol Comando BóerCorría o derradeiro cuarto do século XIX cando nos Estados Libres de Transvaal e Orange, na actual Sudáfrica, un puñado de granxeiros e campesinos de orixe holandesa e relixión calvinista (os chamados bóers ou afrikáners) chegaron a poñer en xaque a máis de 500.000 soldados do Imperio Británico en dúas implacables contendas bélicas que acuñaron unha nova forma de facer a guerra e que necesitaron para ser aplastadas da aplicación de métodos criminais por parte de Lord Kitchener, Comandante en Xefe das Tropas Británicas en Sudáfrica. Aquela táctica novedosa era a do comando, grupos pequenos de soldados non profesionais que mediante continuas e devastadoras actuacións guerrilleiras levaban a cabo unha guerra de desgaste que causaba enormes quebrantos aos británicos. Precisamente esa forma de entender o combate é a que se aplica nunha liga, agora Copa, de Veteranos na que non valen arrogancias altivas nin glorias pasadas, onde hai que loitar por cada balón cun coitelo entre os dentes e na que, a semellanza duns colonos neerlandeses que acabaron conseguindo do Goberno Británico concesións inimaxinables en ventaxosos tratados de paz porque querían máis que nadie aquel recuncho de terra africana, acabará vencendo aquel que máis ame este sagrado xogo chamado Balompié. Unha forma de amar o fútbol como a que profesa o noso querido amigo Pedro "O Buxa", un home adicado ao deporte e a súa familia, querido por todo o mundo, sempre con unha sonrisa na cara, que acaba de sufrir unha nova lesión que o aparta do xogo que constitúe a súa vida. ¡¡ÁNIMO!!
|
Este sábado, Juanillo na TVG 2
 Ninguén mellor que o xefe dos deportes de camarinas.eu para glosar os triunfos dos Veteranos do Camariñas Novo triunfo do Cerceda dun Juanillo que conta con ansiedade os segundos que lle restan para volver ás canchas de xogo. Deus mediante, o retorno do ídolo do Barrio de Corea producirase este sábado ante o Alondras nun encontro no que as cámaras da Televisión de Galicia 2 levarán ata tódolos fogares galegos a clase e a garra do mellor futbolista da historia desta Costa da Morte dos nosos desvelos. Polo demáis, aplastante victoria dun FC Camariñas que volve á senda da victoria, neste caso ante un rival directo na liga particular dos grandes portos mariñeiros: o Malpica; e derrota dun Porteño que vendío cara a súa derrota ante un dos todopoderosos da categoría: o Xallas. Finalmente, nada novo no horizonte dos Veteranos do FC Camariñas e nova victoria do conxunto dirixido pola man experta de Gonzalo, sabiduría futbolística en movimiento.
|
|
 As xogadoras do CB Femenino afrontan o reto de saír victoriosas dos dous choques deste fin de semana O Club Balonmán Encaixe-Camariñas retoma este fin de semana o pulso da liga femenina despois da contundente derrota ante o poderoso Porriño por 32 a 7 cunha nova xornada dobre que medirá ao noso equipo aos conxuntos de Calfoncal Lavadores e BM Tui entre o sábado e o domingo e cun lapso horario inferior ás 20 horas de diferencia. Aquí en camarinas.eu non sabemos quen elabora estos horarios tan destartalados e incomprensibles, pero o caso é que con semellante período de recuperación entre partidos non creemos que cara o encontro matutino do domingo haia que ser excesivamente optimistas. En fin, seguro que as nosas rapazas crécense ante a adversidade e tratarán ata o límite das súas posibilidades de saír victoriosas de ambos choques. ¡¡VAMOS ALLÁ, CHICASSS!!
|
|
Un Porteño épico vence con facilidade no derby
 Emulando aos xogadores daquel mítico plantel que gañou a Copa da Costa, o Porteño arrasou no derby
Nin siquera na levantina Cartaxena, a onde se tivo que desplazar esta última semana, se olvidou o redactor en xefe dos deportes de camarinas.eu da súa cita semanal cos centos de seguidores da sabiduría futbolística do mellor xogador da historia da Costa da Morte e así envíanos unha nova edición da súa crónica futbolera na que repasa a épica victoria dun Porteño imbatible no derby camariñán, consolidando desta maneira unha impresionante remontada que o alonxa dos postos de descenso. Asemesmo, pasa revista a unha nova victoria dos Veteranos do FC Camariñas e ao empate dun Cerceda que segue a sacar dous puntos de ventaxa ao Deportivo B. Como sempre, a mellor crónica da gran victoria do histórico Porteño no seu mítico e lexendario Estadio da Grixa en camarinas.eu da man de Juan Manuel Cabrejo Pasantes, O Mago de Corea.
|
A Copa dos Grandes Oligarcas
 A crisis económica que asola España non existe para os clubs de veteranos e as fichaxes estrela multiplícanse
O término oligarca volvío a revivir a principios da década dos 90 na estela deixada pola descomposición da Unión Soviética para designar a un pequeno grupo de multimillonarios (maiormente de orixes hebreas: Roman Abrámovich, Borís Berezovski, Mijaíl Fridman, Vladímir Gusinski, Mijaíl Jodorkovski...) que cos fondos provintes do saqueo das empresas públicas asumiron as rendas económicas e políticas dun país arruinado. E entón todo foi dedicarse ao mecenazgo das artes e do deporte e comprar equipos de fútbol ou hockey xeo e ballets por ducias. Á súa semellanza, un puñado de pequenos e humildes empresarios camariñáns decidiron fundar o seu propio club de fútbol, de viejas glorias, eso sí, e entón todo foi surxir equipos de nova planta feitos a golpe de talonario por potentados xaviñáns no mellor exemplo do Chelsea de Román Abrámovich e que nembargantes non acaban de furrular todo o ben que sería desexable en proporción ás astronómicas cifras do capital invertido, ou clubs que levan máis alá a aposta inicial e chegan a fichar en operacións relámpago a estrelas provintes da Liga da Costa. A Copa de Veteranos dobla a súa aposta inicial e entra nunha espiral de gasto suicida na cal os clubs arriscan cifras astronómicas con fichaxes imposibles. ¿Traerá consigo un hipotético derrumbe económico da Liga de Veteranos a quiebra radical e completa da economía camariñana? ¿Asistiremos en Camariñas a un corralito financiero a semellanza do que asolou Argentina hai 10 anos? Todo pode ser, querido electorado, nestos tiempos turbulentos e feroces. Malos tiempos.
|
Convocado o 2º Campeonato de Pesca "Cabo Vilán"
 Todo está listo na Asociación de Empresarios para a segunda edición do Concurso de Pesca Deportiva Pois efectivamente, segundo nos comunican dende a Asociación de Empresarios de Camariñas xa está todo listo para que o próximo 20 de marzo de 2010, como antesala da Mostra do Encaixe que engalanará a Vila dos Encaixes durante os sagrados días da Semana Santa se leve a cabo a 2ª edición do Campeonato de Pesca "Cabo Vilán". A zona acotada para a práctica da pesca será a semellanza da primeira edición dende a Praia da Pedrosa ata o fértil Areal de Trece. Haberá premios para os primeiros clasificados e un ríxido reglamento que cumprir. En todo caso, os interesados en participar teñen no interior desta noticia as bases do campeonato.
|
 A Liga de Veteranos convertío O Areal no maior centro de peregrinación deportiva da Costa da Morte
Graceland
Foi o compositor norteamericano Paul Simon o que consagrou na súa canción Graceland, pioneira de fusión pop-rock con ritmos étnicos sudafricanos, a mansión sureña testigo da vida e pasión de Elvis Presley como santuario de peregrinación para as masas desarrapadas norteamericanas: "Poorboys and pilgrims with families and we are going to Graceland". Efectivamente, rapaces pobres e peregrinos e familias enteiras acudían devotamente baixo o sol abrasador cara Memphis, Tennessee. De igual xeito, o pobo humilde e traballador camariñán, aquel ignorado nos seus divertimentos polas cuantiosas subvencións públicas e polos potentados muchimillonarios municipais, acudirá relixiosamente en masa cada domingo a un Pabellón de O Areal, convertido en centro de peregrinación deportiva. Porque estamos a falar dunha liga, agora Copa, cun logotipo propio protexido por tres leis norteamericanas anticopia (C, R, TM) e na que, tal e como rezaba a canción do xenio xudeo de Newark, New Jersey, hai sobradas razóns para crer que todos seremos ben recibidos: "Maybe I've a reason to believe We all will be received In Graceland".
|
Cada vez máis líder
 Triunfo vital dun Cerceda que se afianza cada vez máis no liderato da Teceira División Galega En verdade a traxectoria do Cerceda de Juanillo, cada vez estase parecendo máis a do Cartagena da derradeira temporada: a dun conxunto sempre nos postos de arriba da tabla que a cada xornada que pasa afiánzase máis no seu xogo para acabar a temporada como líder imbatible. Desta volta, cóntanos o mellor xogador da historia da Costa da Morte que o golpe de autoridade foi dado diante do Narón cun importante e decisivo triunfo. Polo que respecta aos conxuntos camariñáns, xornada agridoce, con dous empates e unha derrota como aperitivo para o derby camariñán da próxima xornada. Outro derby máis de máxima rivalidade contemplado polos vetustos muros de bobadilla do histórico pero destartalado Estadio da Grixa e no que, Deus mediante, camarinas.eu estará presente.
|
|
Deportes
