• O Concello de Camariñas declara a guerra contra a vespa velutina

    O Concello de Camariñas instala 100 trampas para vespa velutina. O obxectivo é atrapar as raíñas que viven entre marzo e xullo antes que fagan os niños.  Segundo Xesús Asorey, biólogo da Asociación Galega de Apicultores (AGA) “cada vespa velutina que se colla nesa época é un niño menos que vai aparecer despois”.
  • Continúan os talleres de igualdade do Concello de Camariñas no CEIP O Allo da Ponte do Porto

    A semana do 26 de Febreiro comezaron os talleres no CEIP de Ponte do Porto, por parte da Técnica de Igualdade contratada polo Concello de Camariñas. Os obradoiros van encamiñados a realización de diferentes actividades para o alumnado de 5º e 6º de Educación Primaria e 4º, 5º e 6º de Educación Infantil. Todas as actividades teñen como fío condutor o 8 de Marzo, Día Internacional da Muller.
  • Esta fin de semana inaugúrase a Área de Autocaravanas do Ariño en Xaviña

    A praia do Ariño conta dende hai un tempo cunha area de servizos para autocaravanas. Está é un área pública e gratuíta, aberta todo o ano, que acolle a familias e visitantes que utilizan este medio de transporte para coñecer Camariñas e a Costa da Morte.
  • Os nenos de Camariñas coñecen o concello irmán de La Turballe

    Camariñas comezou na Biblioteca Municipal o programa de animación á lectura coa actividade O Berberecho Rebecho visita La Turballe. Dende o 23 de xaneiro ao 20 de marzo os nenos e nenas de 3 a 6 anos e aos seus proxenitores coñeceran as diferenzas e similitudes da localidade francesa coa vila camariñá. Entre as actividades realizadas está a elaboración dun pequeño conto ilustrado que ten como protagonista a mascota da biblioteca municipal de Camariñas, O Berberecho Rebecho, unha visita virtual de La Turballe, unha sesión gastronómica de elaboración de crêpes cubertas de caramelo con manteiga salgada, difusión de receitas e cultura gastronómica da poboación veciña, xogos de cartas infantís con símbolos nas linguas dos dous países, exposición de material bibliográfico da localidade francesa e outras. 
  • O Concello de Camariñas e Cáritas Diocesana de Santiago colaboran na recollida de roupa

    O Concello de Camariñas ven de asinar un convenio con Cáritas Diocesana de Santiago para a recollida e tratamento do residuo textil.  Así, instaláronse tres contedores onde os veciños interesados poderán depositar a roupa que queiran doar. Esta despois será clasificada por Arroupa, unha empresa colaboradora de Cáritas. Se a roupa é reutilizable entregarase a persoas que a necesitan, enviarase a terceiros países ou venderase nas tendas de segunda man. Se non é reutilizable enviarase a plantas de reciclaxe. Os contedores están situados en Camariñas, fronte a Casa do Concello, en Xaviña, na praza da Igrexa e en Camelle, na Area do Bote. Estes complementarán aos outros puntos que xa existen no Concello de Camariñas, como son o da casa do Cura de Camariñas, tamén de Cáritas, e na Ponte do Porto o de Equus Zebra preto da gasolineira e o do Eroski.
  • Os rapaces de Camariñas terán transporte gratis para asitir á Feira de Emprego da Cámara de Comercio da Coruña

    O servizo de orientacion laboral dos concellos de Camariñas e Vimianzo está a organizar en colaboración coa Cámara de Comercio a visita á Feira de Emprego que terá lugar o dia 1 de marzo na Coruña. Esta feira ofrece á mocidade desempregada contacto directo con empresas que buscan persoal para contratar e ás que pode entregar curriculum e mesmo facer entrevistas persoais. Tamen haberá seminarios, conferencias e obradoiros e asesoramento de profesionais de recursos humanos para mellorar as competencias persoais e o perfil profesionale da mocidade
  • Camariñas presenta a Mostra do Encaixe na Casa de Galicia de Madrid

    O Concello de Camariñas presentou esta mañá o cartel da XXVIII Mostra do Encaixe ao delegado da Xunta de Galicia na capital, José Ramón Ónega López. O concello, inmerso na promoción da Mostra 2018, estivo representado no acto polo alcalde camariñán, Manuel Valeriano Alonso e a concelleira da Mostra, Sandra Insua. Durante a presentación, que tivo lugar na Casa de Galicia e sede institucional da Xunta en Madrid, deuse a coñecer a programación do certame e puxéronse a disposición dos asistentes invitacións para a Mostra do Encaixe 2018, que levará a cabo esta semana Santa, entre os días 29 de marzo e 1 de abril. 
  • Novo servizo de recollida de cartón desde o Concello de Camariñas para os establecementos comerciais

    A partir deste mércores 24 de xaneiro, o Concello de Camariñas vai a poñer en funcionamento un novo servizo municipal de recollida de papel e cartón porta a porta a demanda nos establecementos comerciais do noso concello. A recollida realizarase cada 15 días, sempre en mércores. 
  • Novas axudas para as familias que desexen ter fillos no ano 2018

    A Consellería de Política Social convoca axudas económicas, a través da tarxeta benvida, para as familias que no ano 2018 teñan unha/un filla/o, adopten ou estean en situación de garda con fins adoptivos dunha nena ou neno nados en 2018. A Finalidade destas subvencións a familias é conceder unha axuda económica para que estas familias que teñan fillas ou fillos, tanto por natureza como por adopción, nados entre o 1 de xaneiro e o 31 de decembro do ano 2018. Tamén se poderán beneficiar as/os galegas/os e os seus descendentes, que tendo residido fóra de España, retornen a Galicia durante o ano 2018.
  • Cita co humor do gran Manuel Manquiña na Casa de Pedra de Camariñas

    Rematamos este mes de xaneiro o ciclo de monólogos do Concello de Camariñas coa actuación estelar do gran actor e monologuista Manuel Manquiña. Coñecido polo gran público por éxitos do cine español como Air Bag, ofrecerá este sábado 13 de xaneiro ás 21:00 horas na Casa de Pedra un espectáculo desternillante único en Camariñas. Para todos aqueles que desexen asistir ao show que Manquiña nos ten preparado poden comprar as entradas na biblioteca municipal de Camariñas ao módico prezo de 3 euriños. E aínda que a función non é apta para o público infantil os papás que desexen asistir disporán na mesma biblioteca dun servizo de gardería totalmente gratuito. Avanzamos que o humor e as carcaxadas continuarán en Camariñas e así podemos adiantarvos que en breve contaremos ca presencia do humorista Pedro Brandariz como presentador do concurso de comparsas o próximo martes 13 de febreiro, martes de entroido. Pero como sole decirse, ata aquí podemos contar, porque o carnaval 2018 do Concello de Camariñas será todo un espectáculo único digno de vivir. Proximamente seguiremos informando.
  • Comeza o Nadal 2017 no Concello de Camariñas

    Como ven sendo habitual o Concello de Camariñas organiza un amplo programa de actividades co que encher o tempo de vacacións escolares neste período de nadal. A pesar de que o nadal 2017 no concello comezou oficialmente co acendido das luces navideñas este mércores 6 de decembro, o verdadeiro pistoletazo de saída deste auténtico batallón de actos lúdicos dará comezo o venres 22 coa Festa de Papá Noel que se celebrará na Casa de Pedra e onde os pequenos deberán levar as cartas cos seus desexos para entregárllas en man ao mesmísimo Santa Claus que pasará por Camariñas provinte desde a mesmísima Laponia finlandesa. Así e todo as diferentes actividades abranguen a música, o teatro, os espectáculos de animación ou o puro divertimento onde os mais cativos son os protagonistas. A guinda será a cabalgata onde as súas maxestades os Reis Magos percorrerán tódolos recunchos do concello levando ilusión e maxia a esportas para os nenos e maiores. Dende o concello fannos chegar a programación completa que, como se pode observar, cubre todo o territorio municipal sen deixar unha soa parroquia orfa de actos navideños. En fin queridos usuarios, outro ano máis comeza un nadal do Concello de Camariñas cheo de actividades para todos as edades. Feliz nadal!!
  • Aberto o prazo para solicitar a instalación de chiringuitos nas praias do Concello de Camariñas

    Está aberto o prazo para que tódalas persoas interesadas en instalar un “chiringuito” en calquera das praias de Camariñas poida solicitalo no concello. Este é un servicio moi demandado por parte dos bañistas e sendeiristas que frecuentan as nosas praias, moitas delas moi alonxadas dos núcleos urbáns.
  • Acendido da iluminación do Nadal 2017 en Camariñas

    Estes días podemos ver por gran parte das rúas do concello a unhas cantas camionetas preparadas con diversos utensilios eléctricos e cos seus operarios afanados nas súas gruas. Estes, pertencentes a unha empresa de iluminación contratada para tal efecto, están colocando un gran número de adornos navideños luminosos ao largo e ancho do perímetro municipal. E é que o concello de Camariñas quixo adiantarse este ano a todos os da costa e púxose mans a obra para organizar o primeiro acendido simultaneo da iluminación de nadal en todo o municipio palilleiro. Así, ao estilo londinense, o primeiro evento de acendido navideño da Costa da Morte está programado para o 6 de decembro ás 19:00 na Praza do Concello, en pleno barrio de Corea. Dende o concello trasládannos a invitación a todos os veciños e veciñas deste primeiro acendido do alumeado navideño camariñán, no que contarán ademáis coa actuación das voces privilexiadas do Coro Municipal Brisas do Mar de Camariñas que adicarán unhas alegres panxoliñas para celebrar que o nadal xa está en Camariñas. Alí, na praza do concello, habrerá tamén unha gran sorpresa lumínica... pero esto non o vamos a descubrir aquí. Todo aquel que desexe saber o secreto deberá ir ao primeiro acendido da iluminación que inaugurará o nadal no Concello de Camariñas.
  • O black friday 2017 xa chegou a Camariñas

    A Rede de comercio e o Concello de Camariñas creada pola concelleira socialista María José Gerpe, organiza a segunda edición da campaña de descontos comerciais Black Friday que se vai celebrar os días venres 24 e o sábado 25 de novembro.  Na campaña participarán máis de 30 comercios e establecementos de todo o Concello (Camariñas, Ponte do Porto, Camelle e Xaviña).
  • O Concello de Camariñas únese ao programa "En Negro Contras as Violencias Machistas"

    Continúa o traballo que dende o Concello de Camariñas se realiza contra esta lacra da nosa sociedade como é a violencia de xénero. Así, este mércores 15 de Novembro de 2017, a concelleira de servizos sociais Sandra Ínsua desprazábase ata Santiago de Compostela para asinar o protocolo para a campaña “En Negro Contra as Violencias Machistas”. Esta é unha iniciativa de denuncia e sensibilización social contra a violencia de xénero promovida por máis de 50 Concellos galegos, entre eles, Camariñas. Esta importante campaña deste grupo de concellos ten como obxectivos os seguintes puntos:
  • O concello poñe en marcha a reurbanización da rúa Pinzón en Camariñas

    Pois verdadeiramente estamos ante unha auténtica avalancha de anuncios de obras por parte do Concello de Camariñas, aos cales daremos boa conta aquí en Camarinas.eu, a web con alma de xubilado na que os seus redactores desfrutan como enanos con cada unha destas actuacións municipais. A obra en cuestión que foi obxecto de anuncio de licitación no BOP da Deputación da Coruña trata da reurbanización da transitada rúa Pizarro en pleno casco urbán camariñán, englobada dentro do Plan de Obras e Servizos que a entidade presidida polo socialista Valentín González Formoso ten previsto executar no noso concello. Uns traballos que comezarán a realizarse moi pronto e que terán como obxecto a renovación da rede de saneamento á que se conectarán as augas negras así como a construcción doutra que canalice as augas pluviales.
  • Entrega de Medallas Nacionais para o Voluntariado do Prestige en Camariñas

    O próximo 13 de novembro cúmprese o XV aniversario da catástrofe ocorrida nas costas de Camariñas como consecuencia do afundimento do buque petroleiro Prestige. Con este motivo, a Asociación Nacional de Agrupacións e asociacións de Voluntarios de Protección Civil, ANAV, vai facer entrega en Camariñas das Medallas de Recoñecemento ás persoas que participaron no operativo de limpeza das costas do municipio naqueles tempos de gran dificultade, pero tamén de xenerosa solidariedade.
  • A auga da Vida: Visita ao Servizo Municipal de Augas de Camariñas

    Cando abrimos a billa da auga que recibimos nas nosas casas poucas veces nos decatamos de toda a infraestrutura e investimento que hai detrás. Afortunadamente o concello de Camariñas conta cun servicio de auga potable municipal deseñado para achegar o líquido elemento ate o último recuncho do seu territorio, aínda en anos de sequía acentuada coma este.
  • O Concello de Camariñas reforza novamente os servizos sociais

    O Concello de Camariñas segue aspotando por mellorar a calidade de vida da cidadanía camariñana, e para iso, acaba de reforzar no último presuposto aprobado o pasado mes de Agosto, o servicio de axuda no fogar ( SAF) incrementando o horario de tarde e do fin de semana que empezou xa o pasado sábado dia 21 de Outubro.
  • Obras do Concello de Camariñas para facilitar a accesibilidade de todos os veciños

    É posible que si alguén nos pregunta por algunha infraestrutura pública que nos chame a atención enseguida nos veñan á cabeza grandes obras como portos, estradas, monumentos, etc. Pero case nunca mencionamos pequenas actuacións que facilitan a vida a persoas que sofren algún tipo de discapacidade as que, o mundo non adaptado, complica sobre maneira a súa vida.